Kɛ́nsísɔ́ 19:21 - MAWUXÓWÉMA

²¹ “Sɛ́n ɖé wɛ sɛ́n énɛ́ ɔ́ nyí, bó ná nɔ te káká sɔ́yi nú Izlayɛ́li ví lɛ́ɛ. Mɛ e ná mì wǔsláslá sin ɔ́ dó mɛ wú ɔ́, ná nya avɔ tɔn lɛ́ɛ. Mɛ e ka ná ɖó alɔ sin ɔ́ wú ɔ́ ná nyí mɛ blíblí káká jɛ gbadanu.

Kɛ́nsísɔ́ 19:21 Iomraidhean Croise

Tíntɔ́n 27:21

Aalɔ́ɔn kpódó vǐ tɔn lɛ́ɛ kpó ná nɔ́ kpé nukún dó zogbɛ́n lɛ́ɛ wú ɖo goxɔ ɔ́ mɛ, ɖo xɔmɛgbovɔ e gúdo akɔjijɛgbá ɔ́ ɖe ɔ́ nukɔn; zogbɛ́n lɛ́ɛ ná ɖo títá ɖo nukɔn ce zǎn kéze. Izlayɛ́li ví lɛ́ɛ ɖó ná nyi sɛ́n énɛ́ ɔ́ káká sɔ́yi, sín jijimɛ ɖě yi ɖě jí.”

Levíi ví 11:25

Mɛ ɖěbǔ zé kúkú yětɔn ɔ́, mɛ ɔ́ ɖó ná nya avɔ tɔn lɛ́ɛ; é lɔmɔ̌ ká ná húzú mɛ blíblí káká jɛ gbadanu.

Levíi ví 11:40

Mɛ e ná ɖu kúkú tɔn sín lan ɔ́ ná nya avɔ tɔn lɛ́ɛ, bó ká ná nyí mɛ blíblí káká jɛ gbadanu. Mɛ e ná zé kúkú tɔn ɔ́ ná nya avɔ tɔn lɛ́ɛ; é lɔmɔ̌ ká ná nyí mɛ blíblí káká jɛ gbadanu.

Kɛ́nsísɔ́ 18:23

Levíi ví lɛ́ɛ kɛ́ɖɛ́ wɛ ná wa sinsɛnzɔ́ ɔ́ ɖo Goxɔ ɔ́ mɛ, bɔ hwɛ e yě ná hu ɖo Goxɔ ɔ́ mɛ lɛ́ɛ ná nɔ kɔ nú yě. Levíi ví lɛ́ɛ ná ɖó gǔ ɖě, akɔta Izlayɛ́li ví lɛ́ɛ tɔn ɖě lɛ́ɛ ɖɔhun ǎ; sɛ́n ɖé wɛ nyí sɛ́n énɛ́ ɔ́, bó ná nɔ ayǐ káká sɔ́yi.

Kɛ́nsísɔ́ 19:10

Mɛ e ná bɛ́ nyibú ɔ́ sín afín ɔ́ ná nya avɔ tɔn lɛ́ɛ, bó ká ná nyí mɛ blíblí káká jɛ gbadanu. Sɛ́n ɖé wɛ sɛ́n énɛ́ ɔ́ nyí, bó ná ɖo te káká sɔ́yi nú Izlayɛ́li ví lɛ́ɛ kpó jǒnɔ e ɖo yě mɛ lɛ́ɛ kpó.”

Kɛ́nsísɔ́ 19:7

Énɛ́ ɔ́ gúdo ɔ́, vɔ̌sánú-xwlémawutɔ́ ɔ́ ná nya avɔ tɔn lɛ́ɛ, bó ná lɛ wǔ, cóbó ná byɔ́ fí e mi ɖó gɔnu ɖó ɔ́. É ná nyí mɛ blíblí káká jɛ gbadanu.

Kɛ́nsísɔ́ 19:8

Mɛ e ná fyɔ́ nyibú asi ɔ́ ná nya avɔ tɔn lɛ́ɛ, bó ná lɛ wǔ, bó ná nyí mɛ blíblí káká jɛ gbadanu.

Eblée 10:4

Đó nyibúsú sín hun kpó gbǎgbá sín hun kpó sixú súnsún hwɛ mɛtɔn lɛ́ɛ gbeɖé ǎ.

Eblée 7:19

Nǔgbó ɔ́, Mɔyízisɛ́n ɔ́ bló bɔ nǔɖé nyɔ́ káká yi fó ǎ; nukúnɖíɖó ɖagbe ɖé ka wá bó nyɔ́ hú mɔ̌; nukúnɖíɖó énɛ́ wɛ bló bɔ mǐ nɔ sɛkpɔ́ Mawu.

Eblée 9:10

Đó Mawu sinsɛn gbɔn mɔ̌ ɔ́, nǔɖuɖu kpó ahan nunu kpó, kpódó wǔsláslá sín nǔwiwa tɛnmɛ tɛnmɛ lɛ́ɛ kpó sín sɛ́n kpowun wɛ; tito gbɛtɔ́ tɔn kpowun wɛ, bó wa azɔ̌ káká jɛ hwenu e Mawu vɔ́ nǔ lɛ́ɛ bǐ to dó é.