Kɛ́nsísɔ́ 19:20 - MAWUXÓWÉMA

²⁰ “Súnnu e ná nyí mɛ blíblí, bó má ná slá wǔ ǎ ɔ́, Mɔyízi kpó Aalɔ́ɔn kpó ná ɖe e sín togun Izlayɛ́li tɔn ɔ́ mɛ, ɖó é ɖu su nú Mawu xwé ɔ́. È ma mì wǔsláslá sin ɔ́ dó wǔtu tɔn ǎ ɔ́, é kpo ɖo mɛ blíblí nyí wɛ.

Kɛ́nsísɔ́ 19:20 Iomraidhean Croise

Maki 16:16

Mɛ e ná ɖi nǔ, bɔ è nǎ lɛ yɛhwesin n'i ɔ́ ná gán. Mɛ e ma ka na ɖi nǔ ǎ ɔ́, è nǎ ɖǒ hwɛ n'i.

Kɛ́nsísɔ́ 19:13

Mɛ e ná ɖó alɔ cyɔ wú, bó má ná mì sin énɛ́ ɔ́ dó wǔ dó slá wǔ ǎ ɔ́, mɛ ɔ́ ná ɖu su nú nɔtɛn Mawu Mavɔmavɔ tɔn; è nǎ ɖe mɛ ɔ́ sín togun Izlayɛ́li tɔn ɔ́ mɛ. È ma ko mì wǔsláslá sin ɔ́ dó wǔtu tɔn ǎ ɔ́, mɛ ɔ́ kpo ɖo mɛ blíblí nyí wɛ, bɔ nǔblíblí e é wa ɔ́ kpo ɖo te.

Bǐbɛ́mɛ 17:14

Súnnu e má ná gbo ada ǎ ɔ́, è nǎ ɖe e sín tɛ́ntin mitɔn, ɖó é gba akɔ e un jɛ xá mi é.”

Nǔɖexlɛ́mɛ 22:11

Mɛ e nyí mɛdídá ɔ́ ní fɔ́n bó ɖo mɛdídá nyí wɛ; mɛ e nyí mɛ blíblí ɔ́ ní fɔ́n bó ɖo mɛ blíblí nyí wɛ; mɛ e nyí mɛ ɖagbe ɔ́ ní fɔ́n bó ɖo mɛ ɖagbe nyí wɛ; mɛ e nyí mɛ mímɛ́ ɔ́ ní fɔ́n bó ɖo mɛ mímɛ́ nyí wɛ.”

2 Piyɛ́ɛ 3:14

Énɛ́ ɔ́ wú ɔ́, nɔví ce vívɛ́ná lɛ́ɛ mi, ée mi ɖo te kpɔ́n nǔ énɛ́ lɛ́ɛ sín jijɛ ɔ́, mi bo ɖo nǔ e wú mi kpé ɔ́ bǐ wa wɛ, bó ná dó nyí mɛ mímɛ́ ma ɖó blɔ̌ ɖo wǔ ɖo Mawu nukɔn, bó ná dó nɔ fífá mɛ kpó Mawu kpó.

Kɛ́nsísɔ́ 15:30

“Lo ɔ́, nú mɛ ɔ́ nyí Izlayɛ́li ví abǐ jǒnɔ, bó tunwun gaan bo hu hwɛ ɔ́, nyɛ Mawu Mavɔmavɔ wɛ mɛ ɔ́ zun, bɔ è nǎ ɖe e sín togun ɔ́ mɛ.

Levíi ví 15:31

“Mi ná ɖɔ nú Izlayɛ́li ví lɛ́ɛ ɖɔ nú yě húzú mɛ blíblí hǔn, yě ní nɔ zɔ nú goxɔ ce; nú yě bló mɔ̌ ɔ́, yě ná kú ɖó mɛ blíblí e yě nyí ɔ́ wú ǎ. É wɛ nyí ɖɔ yě ná kú ɖó yě hɛn goxɔ e mɛ un nɔ nɔ ɖo tɛ́ntin yětɔn ɔ́ blí wú ǎ.”

Levíi ví 17:16

Nú é má ka nya avɔ tɔn lɛ́ɛ, bó lɛ wǔ ǎ ɔ́, hwɛ tɔn ná nɔ kɔ n'i.”

Tíntɔ́n 30:33

Mɛ ɖěbǔ bló mɔ̌hunkɔtɔn ɖě bó ná sá nú mɛ kpaa ɖé ɔ́, è nǎ ɖe mɛ ɔ́ sín togun tɔn mɛ.’ ”

Levíi ví 22:4

Mɛ e ná ɖo yě mɛ, bɔ gudu ná ɖo wǔ tɔn, abǐ é ná ɖo glɔ̌ zɔn ɖé jɛ wɛ ɔ́, mɛ ɔ́ ɖó ná ɖu nǔ e è ɖe ɖó vo nú mì lɛ́ɛ ɖě káká jɛ hwenu e é ná húzú mɛ mímɛ́ dó é ǎ. Mɔ̌ ɖokpó ɔ́ wɛ é ná nyí nú mɛ e ɖ'alɔ cyɔ ɖé wú, bó húzú mɛ blíblí é; mɔ̌ ɖokpó ɔ́ wɛ é ná lɛ́ nyí nú mɛ e súnnusin nɔ́ wá yi sín glɔ̌ ná é.

Kɛ́nsísɔ́ 9:13

Nú mɛ ɔ́ má nyí mɛ blíblí ǎ, bó má ká yi tomɛ ǎ, bó gbɛ́ Dǐndínwáyixwe ɔ́ ɖu ɔ́, è ɖǒ ná ɖe mɛ énɛ́ ɔ́ sín togun ɔ́ mɛ, ɖó é ná nǔníná nyɛ Mawu Mavɔmavɔ dó hwe tɔn nu ǎ. Mɛ énɛ́ ɔ́ sín hwɛgban ná nɔ kɔ n'i.