Kɛ́nsísɔ́ 19:2 - MAWUXÓWÉMA

² É ɖɔ yɛsu e sɛ́n ɔ́ zɔ́n ɖɔ è nǐ fɔ lɛ́ɛ nú yě; é ɖɔ: “Mi ɖɔ nú Izlayɛ́li ví lɛ́ɛ ɖɔ yě ní hɛn nyibú asi vɔvɔ ɖokpó wá nú mì; é ná ɖó blɔ̌ ɖěbǔ ǎ; è ka ná kó sin mɔ e è nɔ dó lɛ gle ná ɔ́ dó kɔ n'i kpɔ́n ǎ.

Kɛ́nsísɔ́ 19:2 Iomraidhean Croise

Tíntɔ́n 12:5

Gbɔ̌ví asú e ko ɖó xwe ɖokpó bɔ blɔ̌ ɖé má ɖo wǔ tɔn ǎ ɔ́ wɛ è nǎ zé; é sixú nyí lɛ̌ngbɔ́ví abǐ gbɔ̌ví.

Ezayíi 1:18

Mawu Mavɔmavɔ ɖɔ: “Mi wá nú mǐ nǎ se nǔ jɛ mǐɖée gbe mɛ. Ényí hwɛ mitɔn lɛ́ɛ na bo myá cɛ́cɛ́ ɔ́, yě ná wé tété avɔkanfún ɖɔhun. Yě ná bó myá káká bó wi d'é mɛ ɔ́, yě ná wé la ɖɔhun.

Gbɛvíhan 1:14

Nukún tɔn ɖo nǔ e un wa nyi do lɛ́ɛ jí; Mawu blá nǔ e un wa nyi do lɛ́ɛ ɖó kpɔ́ bó sɔ́ nyi abɔ̌ ce ta; é ɖe hlɔ̌nhlɔ́n ce kpo, é jó mì nú mɛɖé lɛ́ɛ bɔ un sixú xo nǔ ɖo wǔ ɖo nukɔn yětɔn ǎ.

Levíi ví 1:10

“Nú é ká nyí gbɔ̌ wɛ mɛ ɔ́ jló ná zé dó sá vɔ̌ e è nɔ dó zo ɔ́ ná ɔ́, gbɔ̌sú e má ɖó blɔ̌ ɖěbǔ ǎ é wɛ é ná dó sá vɔ̌ ɔ́ ná. É sixú nyí agbo abǐ gbǎgbá.

Levíi ví 1:3

“Nú nyibú wɛ mɛ ɔ́ jló ná zé dó sá vɔ̌ e è nɔ dó zo ɔ́ ná ɔ́, nyibúsú e má ɖó blɔ̌ ɖěbǔ ǎ ɔ́ wɛ mɛ ɔ́ ná dó sá vɔ̌ ɔ́; é ná kplá wá goxɔ ɔ́ sín alihɛ́nnu, bónú Mawu Mavɔmavɔ ná wa ɖagbe nú mɛ ɔ́.

Levíi ví 14:6

É ná zé xɛ wegɔ́ e ɖo gbɛ ɔ́, kpó sɛ́dlukpo ɔ́ kpó, kpódó avɔxwɛ vɔvɔ cɛ́cɛ́ ɔ́ kpó, kpódó izɔ́puma ɔ́ kpó, bó ná nylɔ́ dó xɛ nukɔntɔn e è gbo gbe bɔ hun tɔn kɔn dó sin mɛ, ɖo kogbán mɛ ɔ́ mɛ,

Kɛ́nsísɔ́ 19:1

Mawu Mavɔmavɔ ɖɔ xó nú Mɔyízi kpó Aalɔ́ɔn kpó.

Kɛ́nsísɔ́ 19:6

Vɔ̌sánú-xwlémawutɔ́ ɔ́ ná zé sɛ́dlukpo kpó izɔ́puma kpó, kpódó avɔ vɔvɔ cɛ́cɛ́ kpó, bó ná bɛ́ yě kɔn nyi myɔ e mɛ è ɖo nyibú ɔ́ fyɔ́ ɖe wɛ ɔ́ mɛ.

Kɛ́nsísɔ́ 31:21

Vɔ̌sánú-xwlémawutɔ́ Eleazáa ɖɔ nú sɔ́ja e yi fun ahwan lɛ́ɛ ɖɔ: “Nǔ e sín gbe Mawu Mavɔmavɔ ná ɖo sɛ́n e é dó nú Mɔyízi ɔ́ mɛ lɛ́ɛ ɖíe:

Luki 1:35

Wɛnsagun ɔ́ ká yí gbe n'i ɖɔ: “Yɛsinsɛn ná wá jǐ towe, bó ná ɖe hlɔ̌nhlɔ́n Mawu tɔn xlɛ́; énɛ́ ɔ́ wú wɛ vǐ e a nǎ ji ɔ́, è nǎ nɔ́ ylɔ́ ɛ ɖɔ mɛɖeɖóvo Mawu tɔn, bó ná nɔ́ ylɔ́ ɛ ɖɔ Mawu ví.

Sɛ́nflínmɛ 21:3

bó ná mɔ toxo e sɛkpɔ́ cyɔ ɔ́ hú toxo ɖě lɛ́ɛ bǐ é. Énɛ́ ɔ́, tomɛxó e ɖo toxo énɛ́ ɔ́ mɛ lɛ́ɛ ná sɔ́ nyibúsixwɛ e è ma dó wa azɔ̌ ná kpɔ́n gbeɖé ǎ, è ma ka sin kpo dó kɔ ná kpɔ́n gbeɖé ǎ é ɖokpó.

Eblée 7:26

Hǔn, Jezu wɛ nyí vɔ̌sánú-xwlémawutɔ́ ɖaxó e jɛ xá mǐ é, ɖó é nyí mɛ mímɛ́; é wa nǔ nyanya ɖěbǔ ǎ; hwɛ ɖěbǔ ɖo kɔ n'i ǎ. È sɔ́ ɛ ɖó vo nú hwɛhutɔ́ lɛ́ɛ, bó sɔ́ ɛ dó jǐ aga ɖo sɛ́xwé.

Eblée 9:10

Đó Mawu sinsɛn gbɔn mɔ̌ ɔ́, nǔɖuɖu kpó ahan nunu kpó, kpódó wǔsláslá sín nǔwiwa tɛnmɛ tɛnmɛ lɛ́ɛ kpó sín sɛ́n kpowun wɛ; tito gbɛtɔ́ tɔn kpowun wɛ, bó wa azɔ̌ káká jɛ hwenu e Mawu vɔ́ nǔ lɛ́ɛ bǐ to dó é.

1 Piyɛ́ɛ 1:19

Éeǒ! Hun xɔ akwɛ́ ɖaxó Klísu tɔn ɔ́ wɛ è dǒ xɔ mi ná; Klísu e cí lɛ̌ngbɔ́ví e ma ɖó blɔ̌ ǎ, bɔ nǔɖé ma ka va dó wútu tɔn ǎ ɔ́ ɖɔhun é wɛ.

1 Piyɛ́ɛ 2:22

É hu hwɛ ǎ, è ka se adingbanxó ɖé ɖo nu tɔn mɛ kpɔ́n gbeɖé ǎ.

1 Samuwɛ́li 6:7

Din ɔ́, mi bló kɛkɛ́ví yɔ̌yɔ́ ɖokpó, bó fɔ nyibú vǐnɔ e má dɔn kɛkɛ́ví ɖě kpɔ́n ǎ é we, bó dó kan nyibú lɛ́ɛ, bó sin dó kɛkɛ́ví ɔ́ wú. Énɛ́ ɔ́, mi ná kplá nyibúví e ɖo gǔdo yětɔn lɛ́ɛ yi xwé.