Kɛ́nsísɔ́ 19:19 - MAWUXÓWÉMA

¹⁹ Mɛ e nyí mɛ mímɛ́ ɔ́ ná mì sin ɔ́ dó mɛ e nyí mɛ blíblí ɔ́ wú azǎn atɔngɔ́ ɔ́ kpó azǎn tɛ́nwegɔ́ ɔ́ kpó gbe. Azǎn tɛ́nwegɔ́ ɔ́ gbe wɛ é ná slá wǔ nú mɛ ɔ́ bǐ, bɔ mɛ ɔ́ ná nya avɔ tɔn lɛ́ɛ, bó ná lɛ wǔ, bɔ gbadanu su ɔ́, mɛ ɔ́ ná nyí mɛ mímɛ́.

Kɛ́nsísɔ́ 19:19 Iomraidhean Croise

Bǐbɛ́mɛ 2:2

Hǔn, azǎn ayizɛ́ngɔ́ ɔ́ gbe ɔ́, Mawu wa azɔ̌ tɔn lɛ́ɛ bǐ fó bó gbɔjɛ́ azǎn tɛ́nwegɔ́ ɔ́ gbe.

Tíntɔ́n 19:10

Mawu Mavɔmavɔ lɛ́ ɖɔ nú Mɔyízi ɖɔ: “Yi Izlayɛ́li ví lɛ́ɛ gɔ́n; slá wǔ nú yě égbé kpó sɔ kpó, yě ní nya avɔ yětɔn lɛ́ɛ.

Ezekiyɛ́li 36:25

Un ná kɔn sin mímɛ́ dó mi jí, bɔ mi ná húzú mɛ mímɛ́. Un ná lɛ mi sín nǔ blíblí e mi wa lɛ́ɛ kpó vodún e mi sɛn lɛ́ɛ kpó mɛ.

Levíi ví 14:7

bó ná mi dó mɛ e slá wǔ ná gbé è ja ɔ́ wú azɔn tɛ́nwe, bó ná ɖɔ ɖɔ mɛ ɔ́ nyí mɛ mímɛ́, lobo ná yi gběhan mɛ, bó ná jó xɛ gbɛɖe ɔ́ dó, bɔ é ná zɔn yi.

Levíi ví 14:9

Azǎn tɔn tɛ́nwegɔ́ ɔ́ gbe ɔ́, é ná lɛ́ xwlɛ́ fún e ɖo wǔtu tɔn lɛ́ɛ bǐ; é ná lɛ́ xwlɛ́ ta, bó ná lɛ́ xwlɛ́ atán, bó ná lɛ́ xwlɛ́ wunda tɔn lɛ́ɛ. É ná xwlɛ́ nǔ e kó sixú nyí fún ɖo wǔ tɔn ɔ́ bǐ. É ná nya avɔ tɔn lɛ́ɛ, bó ná lɛ wǔ, bó ná húzú mɛ mímɛ́.

Kɛ́nsísɔ́ 19:12

Azǎn atɔngɔ́ ɔ́ kpó tɛ́nwegɔ́ ɔ́ kpó gbe ɔ́, mɛ ɔ́ ná mì wǔsláslá sin ɔ́ dó wǔ dó slá wǔ, bó ná nyí mɛ mímɛ́. Lo ɔ́, nú mɛ ɔ́ má mì sin ɔ́ dó wǔ dó slá wǔ ɖo azǎn énɛ́ lɛ́ɛ gbe ǎ ɔ́, é ná nyí mɛ mímɛ́ ǎ.

Kɛ́nsísɔ́ 19:13

Mɛ e ná ɖó alɔ cyɔ wú, bó má ná mì sin énɛ́ ɔ́ dó wǔ dó slá wǔ ǎ ɔ́, mɛ ɔ́ ná ɖu su nú nɔtɛn Mawu Mavɔmavɔ tɔn; è nǎ ɖe mɛ ɔ́ sín togun Izlayɛ́li tɔn ɔ́ mɛ. È ma ko mì wǔsláslá sin ɔ́ dó wǔtu tɔn ǎ ɔ́, mɛ ɔ́ kpo ɖo mɛ blíblí nyí wɛ, bɔ nǔblíblí e é wa ɔ́ kpo ɖo te.

Kɛ́nsísɔ́ 19:18

Súnnu e nyí mɛ mímɛ́ ɔ́ ɖokpó ná zé izɔ́puma bó sɔ́ dó sin ɔ́ mɛ, bó ná mi dó Goxɔ e mɛ mɛ kú ɖe ɔ́ wú, bó ná mi dó nǔ e ɖo Goxɔ ɔ́ mɛ lɛ́ɛ bǐ wú, bó ná mi dó mɛ e ɖo Goxɔ ɔ́ mɛ lɛ́ɛ bǐ wú, abǐ é ná mi dó mɛ e ɖó alɔ gbɛtɔ́ xú wú é wú, abǐ mɛ e ɖó alɔ cyɔ wú é wú, abǐ mɛ e ɖ'alɔ yɔdo wú é wú.

Kɛ́nsísɔ́ 31:19

Midɛɛ lɛ́ɛ ɔ́, mi ná tɔ́n sín fí e togun ɔ́ ɖó gɔnu ɖó ɔ́, bó ná yi ɖó gɔnu ɖó fí ɖěvo xɔ azǎn tɛ́nwe. Mɛ e ɖo mi mɛ bo hu gbɛtɔ́ lɛ́ɛ kpó mɛ e ɖó alɔ cyɔ wú lɛ́ɛ kpó bǐ ná slá wǔ azǎn atɔngɔ́ ɔ́ gbe kpó azǎn tɛ́nwegɔ́ ɔ́ gbe kpó; sɛ́n énɛ́ ɔ́ kan ahwankannumɔ mitɔn lɛ́ɛ lɔmɔ̌.

Kɛ́nsísɔ́ 31:24

Mi ná nya avɔ mitɔn lɛ́ɛ azǎn tɛ́nwegɔ́ ɔ́ gbe, bó ná nyí mɛ mímɛ́; énɛ́ ɔ́ gúdo ɔ́, mi hɛn ɔ́, mi ná byɔ́ fí e togun ɔ́ ɖó gɔnu ɖó é.”

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Eblée 10:22

Hǔn, mi nú mǐ ná sɛkpɔ́ Mawu kpódó ayijlɔ́jlɔ́ kpó, kpódó gǎnjɛwú kpíkpé e nǔɖiɖi nɔ ná mɛ ɔ́ kpó, kpódó ayi e è slá wǔ ná bɔ nǔ nyanya ɖěbǔ ma ɖ'é mɛ ǎ é kpó, kpódó agbaza e è zě sin mímɛ́ dó lɛ ná é kpó.

1 Jǎan 1:7

Lo ɔ́, ényí mǐ ɖo gbɛ zán wɛ ɖo wěziza mɛ lě e Mawu ɖésúnɔ ɖo wěziza mɛ gbɔn ɔ́, hǔn mǐ ɖo kɔnɖókpɔ́ mɛ xá mǐɖée, bɔ vǐ tɔn Jezu sín hun nɔ lɛ mǐ wé sín hwɛ mǐtɔn lɛ́ɛ bǐ mɛ.

Judi 1:23

Mi dɔn yě sín myɔ mɛ dó hwlɛ́n yě gán. Mi kú nǔbláwǔ nú mɛ ɖě lɛ́ɛ lɔmɔ̌; ayi mitɔn ní ka ɖo te; mi gbɛ́ wǎn nú hwɛhuhu sín ninɔmɛ e yě ɖó ɔ́ káká yi jɛ awu yětɔn e hwɛhuhu sín jlǒ ɖaxó e yě ɖǒ ɖo gbɛtɔ́ nyínyí yětɔn mɛ é nɔ́ hɛn blí é jí.