Kɛ́nsísɔ́ 19:18 - MAWUXÓWÉMA

¹⁸ Súnnu e nyí mɛ mímɛ́ ɔ́ ɖokpó ná zé izɔ́puma bó sɔ́ dó sin ɔ́ mɛ, bó ná mi dó Goxɔ e mɛ mɛ kú ɖe ɔ́ wú, bó ná mi dó nǔ e ɖo Goxɔ ɔ́ mɛ lɛ́ɛ bǐ wú, bó ná mi dó mɛ e ɖo Goxɔ ɔ́ mɛ lɛ́ɛ bǐ wú, abǐ é ná mi dó mɛ e ɖó alɔ gbɛtɔ́ xú wú é wú, abǐ mɛ e ɖó alɔ cyɔ wú é wú, abǐ mɛ e ɖ'alɔ yɔdo wú é wú.

Kɛ́nsísɔ́ 19:18 Iomraidhean Croise

Ɖɛhan 51:7

Sín hwenu e è ji mì ɔ́ wɛ hwɛhuhu sín alɔxwixwí kó ɖo wǔ ce, bó ɖo wǔ ce sín nɔ ce xomɛ. Ée è dǒ xo ce é jɛ́n hwɛhuhu tɔ́ dó wǔ ce.

Ɖɛhan 51:9

Zě izɔ́puma dó slá wǔ nú mì, énɛ́ ɔ́, un ná húzú mɛ mímɛ́. Lɛ wǔ nú mì, énɛ́ ɔ́, un ná wé, bó wé hú kɛ́njí.

Ezayíi 52:15

Amɔ̌, din ɔ́, xó tɔn kpácá togun gěgé; axɔ́sú lɛ́ɛ sɔ́ ná tunwun nǔ e yě ná ɖɔ ɖo nukɔn tɔn é ǎ, ɖó nǔ e mɔ wɛ yě ɖe ɔ́ gbɔn vo nú nǔ e è ɖɔ nú yě ɔ́. Nǔ e kpɔ́n wɛ yě ɖe é kpó nǔ e yě se ɔ́ kpó nyí nǔ ɖokpó ɔ́ ǎ.”

Kɛ́nsísɔ́ 19:17

Nú è nǎ slá wǔ nú mɛ blíblí ɔ́, è nǎ wún nyibú asi e è dǒ sá hwɛsɔ́kɛmɛvɔ́ ná ɔ́ sín afín bó kɔn dó zɛ̌n abǐ gannú mɛ, bó wún tɔsisa sin d'é jí.

Kɛ́nsísɔ́ 19:19

Mɛ e nyí mɛ mímɛ́ ɔ́ ná mì sin ɔ́ dó mɛ e nyí mɛ blíblí ɔ́ wú azǎn atɔngɔ́ ɔ́ kpó azǎn tɛ́nwegɔ́ ɔ́ kpó gbe. Azǎn tɛ́nwegɔ́ ɔ́ gbe wɛ é ná slá wǔ nú mɛ ɔ́ bǐ, bɔ mɛ ɔ́ ná nya avɔ tɔn lɛ́ɛ, bó ná lɛ wǔ, bɔ gbadanu su ɔ́, mɛ ɔ́ ná nyí mɛ mímɛ́.

Kɛ́nsísɔ́ 19:9

Súnnu e nyí mɛ mímɛ́ ɔ́ ɖokpó ná bɛ́ nyibú asi ɔ́ sín afín, bó ná ɖe sín fí e Izlayɛ́li ví lɛ́ɛ ɖó gɔnu ɖó ɔ́, bó ná kɔn nyi tɛn mímɛ́ ɖé mɛ; è nǎ zé afín énɛ́ ɔ́ ɖ'ayǐ nú Izlayɛ́li ví lɛ́ɛ, bɔ yě ná dó bló wǔsláslá sin ná. Yɛsu énɛ́ ɔ́ cí hwɛsɔ́kɛmɛ sín yɛsu ɖɔhun, bɔ è nɔ fɔ.

Jǎan 17:17

Blǒ bónú yě ní nyí towe gbɔn xó towe e nyí nǔgbó ɔ́ gbla mɛ.

Jǎan 17:19

Un sɔ́ nyɛ ɖésú bǐ jǒ nú we ɖó yě wú, nú yě lɔmɔ̌ ná sixú nyí towe nǔgbó.

1 Kɔlɛ́ntinu 1:30

Lo ɔ́, Mawu dɔn mi kpó Klísu Jezu kpán ɖó bǔ, bó sɔ́ ɛ dó ɖó nǔnywɛ́ mǐtɔn. Gbɔn Klísu Jezu jí ɔ́, mǐ húzú hwɛjijɔnɔ ɖo Mawu nukɔn; Mawu ɖe mǐ ɖó vo gbɔn jǐ tɔn; é hwlɛ́n mǐ sín hwɛ mǐtɔn lɛ́ɛ mɛ gbɔn jǐ tɔn.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Eblée 9:19

Nǔ nukɔntɔn e Mɔyízi bló ɔ́ wɛ nyí ɖɔ: é xa nǔ e sɛ́n ɔ́ zɔ́n ɖɔ è ní wa lɛ́ɛ bǐ ɖo togun ɔ́ bǐ nukɔn lě e è wlǎn gbɔn dó sɛ́nwéma ɔ́ mɛ é. Énɛ́ ɔ́ gúdo ɔ́, é sɔ́ nyibúví kpódó gbǎgbá kpó sín hun, kpó sin kpó; é sɔ́ izɔ́pukpo, kpó avɔ vɔvɔ cɛ́cɛ́ ɖé kpó, bó sɔ́ dó hun kpó sin kpó ɔ́ mɛ, lobo mì dó sɛ́nwéma ɔ́ wú, bó lɛ́ mì dó togun ɔ́ bǐ wú.