Kɛ́nsísɔ́ 19:17 - MAWUXÓWÉMA

¹⁷ Nú è nǎ slá wǔ nú mɛ blíblí ɔ́, è nǎ wún nyibú asi e è dǒ sá hwɛsɔ́kɛmɛvɔ́ ná ɔ́ sín afín bó kɔn dó zɛ̌n abǐ gannú mɛ, bó wún tɔsisa sin d'é jí.

Kɛ́nsísɔ́ 19:17 Iomraidhean Croise

Bǐbɛ́mɛ 26:19

Mɛsɛntɔ́ Izáki tɔn lɛ́ɛ lɛ́ kun tɔ ɖokpó dó tɔdo ɔ́ mɛ, bó mɔ sin ɖ'é mɛ, bɔ sin ɔ́ nɔ́ sa.

Hanvíví 4:15

Hwi wɛ nyí tɔjɔtɛn e nɔ sa gbɔn jikpá lɛ́ɛ mɛ é; hwi wɛ nyí tɔ e mɛ sin zinzin ɖe é; hwi wɛ nyí sin e nɔ sa sín Libáan é.

Ezekiyɛ́li 36:25

Un ná kɔn sin mímɛ́ dó mi jí, bɔ mi ná húzú mɛ mímɛ́. Un ná lɛ mi sín nǔ blíblí e mi wa lɛ́ɛ kpó vodún e mi sɛn lɛ́ɛ kpó mɛ.

Zakalíi 13:1

Mawu Mavɔmavɔ Nǔbǐwúkpétɔ́ ɔ́ lɛ́ ɖɔ: “Hwenɛ́nu ɔ́, sin ná sa sín tɔjɔtɛn ɖé mɛ, bó ná lɛ hwɛ e Davídi ví lɛ́ɛ kpó Jeluzalɛ́munu lɛ́ɛ kpó hu ɔ́ sín kɔ nú yě, bó ná lɛ nǔ blíblí e yě wa lɛ́ɛ sín kɔ nú yě.”

Kɛ́nsísɔ́ 19:18

Súnnu e nyí mɛ mímɛ́ ɔ́ ɖokpó ná zé izɔ́puma bó sɔ́ dó sin ɔ́ mɛ, bó ná mi dó Goxɔ e mɛ mɛ kú ɖe ɔ́ wú, bó ná mi dó nǔ e ɖo Goxɔ ɔ́ mɛ lɛ́ɛ bǐ wú, bó ná mi dó mɛ e ɖo Goxɔ ɔ́ mɛ lɛ́ɛ bǐ wú, abǐ é ná mi dó mɛ e ɖó alɔ gbɛtɔ́ xú wú é wú, abǐ mɛ e ɖó alɔ cyɔ wú é wú, abǐ mɛ e ɖ'alɔ yɔdo wú é wú.

Kɛ́nsísɔ́ 19:9

Súnnu e nyí mɛ mímɛ́ ɔ́ ɖokpó ná bɛ́ nyibú asi ɔ́ sín afín, bó ná ɖe sín fí e Izlayɛ́li ví lɛ́ɛ ɖó gɔnu ɖó ɔ́, bó ná kɔn nyi tɛn mímɛ́ ɖé mɛ; è nǎ zé afín énɛ́ ɔ́ ɖ'ayǐ nú Izlayɛ́li ví lɛ́ɛ, bɔ yě ná dó bló wǔsláslá sin ná. Yɛsu énɛ́ ɔ́ cí hwɛsɔ́kɛmɛ sín yɛsu ɖɔhun, bɔ è nɔ fɔ.

Kɛ́nsísɔ́ 31:23

nǔ ɖěbǔ e sixú yi myɔ mɛ ɔ́ wɛ mi ná zé gbɔn myɔ nu, bɔ é ná húzú nǔ mímɛ́. Lo ɔ́, wǔsláslá sín sin mɛ wɛ nǔ e má sixú yi myɔ mɛ ǎ lɛ́ɛ ná gbɔn, bó ná húzú nǔ mímɛ́. Nǔ e má sixú yi myɔ mɛ ǎ lɛ́ɛ bǐ wɛ mi ná zé gbɔn wǔsláslá sín sin mɛ.

Jǎan 7:38

Lě e Mawuxówéma ɔ́ ko ɖɔ gbɔn ɔ́, mɛ e ɖi nǔ nú mì ɔ́, ná húzú tɔjɔtɛn e mɛ sin e nɔ ná gbɛ mɛ ɔ́ nɔ sa sín é.”

Eblée 9:13

Mɛ e ɖu su lɛ́ɛ ɔ́, gbǎgbá sín hun kpó nyibúsú sín hun kpó wɛ è nɔ dó slá wǔ nú agbaza yětɔn; nyibú asi wínnyáwínnyá wɛ è nɔ dó zo, bó nɔ́ fúnfún afín tɔn yě jǐ, bó nɔ́ dó slá wǔ nú agbaza yětɔn.

Nǔɖexlɛ́mɛ 7:17

Đó Lɛ̌ngbɔ́ví e ɖo axɔ́súzinkpo ɔ́ tɛ́ntin ɔ́ ná nyí Lɛ̌ngbɔ́nyitɔ́ yětɔn, bó ná kplá yě yi fí e sin ɖagbe e nɔ ná gbɛ mɛ ɔ́ nɔ tɔ́n sín lɛ́ɛ. Bɔ Mawu ná súnsún ɖasin bǐ sín nukún mɛ nú yě.”