Kɛ́nsísɔ́ 19:14 - MAWUXÓWÉMA

¹⁴ “Sɛ́n ɔ́ ɖěvo ɖíe: ényí gbɛtɔ́ kú ɖo Goxɔ ɖé mɛ ɔ́, mɛ e ná byɔ́ Goxɔ énɛ́ ɔ́ mɛ ɔ́ kpó mɛ e kó ɖ'é mɛ ɔ́ kpó ná nyí mɛ blíblí xɔ azǎn tɛ́nwe.

Kɛ́nsísɔ́ 19:14 Iomraidhean Croise

Ezekiyɛ́li 39:12

Sun tɛ́nwe wɛ Izlayɛ́li ví lɛ́ɛ ná sɔ́ ɖó te, bó dó ɖi cyɔ énɛ́ lɛ́ɛ bǐ, bó ná kplɔ́ to ɔ́.

Ezekiyɛ́li 44:26

Ényí nǔ wá cí mɔ̌ ɔ́, é ná slá wǔ, bó ná nɔ te nú azǎn tɛ́nwe cóbó ná lɛ́ jɛ azɔ̌ wa jí.

Levíi ví 14:54

Sɛ́n e ɖɔ xó dó gudu tɛnmɛ tɛnmɛ lɛ́ɛ, lakpálakpá lɛ́ɛ,

Levíi ví 15:32

Sɛ́n e ɖɔ xó dó súnnu e bɛ́ azɔn dó súnnuxwé tɔn, abǐ súnnu e wú súnnusin wá yi sín, bɔ é húzú mɛ blíblí é wú ɔ́ nɛ́.

Levíi ví 21:1

Mawu Mavɔmavɔ ɖɔ nú Mɔyízi ɖɔ é ní ɖɔ nú Aalɔ́ɔn ví súnnu vɔ̌sánú-xwlémawutɔ́ lɛ́ɛ ɖɔ: “Vɔ̌sánú-xwlémawutɔ́ ɖó ná sɛkpɔ́ mɛ tɔn ɖé sín cyɔ ǎ; é táá hɛn éɖée blí.

Levíi ví 21:11

é ká ɖó ná sɛkpɔ́ mɛkúkú ɖěbǔ ǎ; é táá hɛn éɖée blí. É ná bó nyí tɔ́ tɔn abǐ nɔ tɔn wɛ kú ɔ́, é ná sɛkpɔ́ ǎ.

Kɛ́nsísɔ́ 19:13

Mɛ e ná ɖó alɔ cyɔ wú, bó má ná mì sin énɛ́ ɔ́ dó wǔ dó slá wǔ ǎ ɔ́, mɛ ɔ́ ná ɖu su nú nɔtɛn Mawu Mavɔmavɔ tɔn; è nǎ ɖe mɛ ɔ́ sín togun Izlayɛ́li tɔn ɔ́ mɛ. È ma ko mì wǔsláslá sin ɔ́ dó wǔtu tɔn ǎ ɔ́, mɛ ɔ́ kpo ɖo mɛ blíblí nyí wɛ, bɔ nǔblíblí e é wa ɔ́ kpo ɖo te.

Kɛ́nsísɔ́ 19:15

Zɛ̌n abǐ gannú ɖé ɖo fínɛ́ bɔ è ma sú ganjí ǎ ɔ́, nǔ e ɖ'é mɛ ɔ́ húzú nǔ blíblí.

Kɛ́nsísɔ́ 31:20

Mɔ̌ ɖokpó ɔ́, mi ná slá wǔ nú avɔ mitɔn lɛ́ɛ bǐ, kpó nǔ e è zě anyǔ dó bló ná lɛ́ɛ bǐ kpó, kpó nǔ e è zě gbɔ̌fún dó lɔn ná lɛ́ɛ bǐ kpó, kpódó nǔ e è nɔ zán bɔ è zě atín dó bló ná lɛ́ɛ bǐ kpó.”

Kɛ́nsísɔ́ 5:2

“Đɔ nú Izlayɛ́li ví lɛ́ɛ ɖɔ yě ní ɖe mɛ e ɖo wǔtuzɔn baɖabaɖa jɛ wɛ, abǐ mɛ e ɖo glɔ̌ zɔn jɛ wɛ, abǐ mɛ e ɖ'alɔ cyɔ ɖé wú lɛ́ɛ tɔ́n sín fí e mi ɖó gɔnu ɖó é, ɖó mɛ blíblí wɛ yě nyǐ.

Kɛ́nsísɔ́ 6:6

Đo hwe énɛ́ nu e é sɔ́ ɖó te ɔ́ bǐ ɔ́, é ɖó ná sɛkpɔ́ cyɔ ǎ.

Kɛ́nsísɔ́ 6:9

Nú mɛɖé wá kú ɖo akpá tɔn ɖo ajijimɛ ɔ́, é ná ɖó akpá e é dó, bó sɔ́ éɖée ɖó vo nú Mawu Mavɔmavɔ ɔ́ te, ɖó nǔ énɛ́ e jɛ ɖo akpá tɔn, bó hɛn ɛ blí ɔ́ wútu. Azǎn tɛ́nwegɔ́ ɔ́ gbe ɔ́, é ná lɛ́ húzú mɛ mímɛ́, bó ná xwlɛ́ ta.

Kɛ́nsísɔ́ 9:6

Mɛ ɖé lɛ́ɛ ká tíin bó sixú ɖu xwe ɔ́ gbe énɛ́ ɔ́ gbe ǎ, ɖó yě ɖ'alɔ cyɔ wú, bó dó hɛn yěɖée blí. Mɛ énɛ́ lɛ́ɛ yi mɔ Mɔyízi kpó Aalɔ́ɔn kpó,