Kɛ́nsísɔ́ 19:13 - MAWUXÓWÉMA

¹³ Mɛ e ná ɖó alɔ cyɔ wú, bó má ná mì sin énɛ́ ɔ́ dó wǔ dó slá wǔ ǎ ɔ́, mɛ ɔ́ ná ɖu su nú nɔtɛn Mawu Mavɔmavɔ tɔn; è nǎ ɖe mɛ ɔ́ sín togun Izlayɛ́li tɔn ɔ́ mɛ. È ma ko mì wǔsláslá sin ɔ́ dó wǔtu tɔn ǎ ɔ́, mɛ ɔ́ kpo ɖo mɛ blíblí nyí wɛ, bɔ nǔblíblí e é wa ɔ́ kpo ɖo te.

Kɛ́nsísɔ́ 19:13 Iomraidhean Croise

Tíntɔ́n 30:33

Mɛ ɖěbǔ bló mɔ̌hunkɔtɔn ɖě bó ná sá nú mɛ kpaa ɖé ɔ́, è nǎ ɖe mɛ ɔ́ sín togun tɔn mɛ.’ ”

Nǔnywɛ́xó 14:32

Kpo e mɛdídá nyi é jɛ́n nɔ́ wa jɛ ta tɔn. Hwɛjijɔnɔ na bo ka ɖo kú nukɔn ɔ́, é nɔ́ ɖeji.

Ezekiyɛ́li 44:26

Ényí nǔ wá cí mɔ̌ ɔ́, é ná slá wǔ, bó ná nɔ te nú azǎn tɛ́nwe cóbó ná lɛ́ jɛ azɔ̌ wa jí.

Levíi ví 15:31

“Mi ná ɖɔ nú Izlayɛ́li ví lɛ́ɛ ɖɔ nú yě húzú mɛ blíblí hǔn, yě ní nɔ zɔ nú goxɔ ce; nú yě bló mɔ̌ ɔ́, yě ná kú ɖó mɛ blíblí e yě nyí ɔ́ wú ǎ. É wɛ nyí ɖɔ yě ná kú ɖó yě hɛn goxɔ e mɛ un nɔ nɔ ɖo tɛ́ntin yětɔn ɔ́ blí wú ǎ.”

Levíi ví 20:3

Nyɛ ɖésú ná húzú kpan nukɔn ɛ; un ná ɖe e sín Izlayɛ́li togun ɔ́ mɛ, ɖó é ná vǐ tɔn lɛ́ɛ ɖě vodún Mɔlɛ́ki. Nǔ énɛ́ ɔ́ hɛn goxɔ ce blí, bó zé nyǐkɔ ce xo kɔ́.

Levíi ví 22:3

Đɔ nú yě ɖɔ: “Mɛ ɖěbǔ e ná ɖo vǐ mitɔn lɛ́ɛ mɛ ɖo jijimɛ lɛ́ɛ bǐ mɛ, bó ná ɖo mɛ blíblí lɔ jí, bó ná sɛkpɔ́ nǔ e Izlayɛ́li ví lɛ́ɛ ɖe ɖó vo nú nyɛ Mawu Mavɔmavɔ ɔ́, è nǎ ɖe mɛ énɛ́ ɔ́ sín nukɔn ce. Nyɛ wɛ nyí Mawu Mavɔmavɔ.

Levíi ví 22:4

Mɛ e ná ɖo yě mɛ, bɔ gudu ná ɖo wǔ tɔn, abǐ é ná ɖo glɔ̌ zɔn ɖé jɛ wɛ ɔ́, mɛ ɔ́ ɖó ná ɖu nǔ e è ɖe ɖó vo nú mì lɛ́ɛ ɖě káká jɛ hwenu e é ná húzú mɛ mímɛ́ dó é ǎ. Mɔ̌ ɖokpó ɔ́ wɛ é ná nyí nú mɛ e ɖ'alɔ cyɔ ɖé wú, bó húzú mɛ blíblí é; mɔ̌ ɖokpó ɔ́ wɛ é ná lɛ́ nyí nú mɛ e súnnusin nɔ́ wá yi sín glɔ̌ ná é.

Levíi ví 5:17

“Ényí mɛɖé má tunwun ǎ, bó gba sɛ́n e Mawu Mavɔmavɔ dó lɛ́ɛ ɖě, bó dó hu hwɛ ɔ́, mɛ ɔ́ ná húzú nǔwanyidotɔ́, bɔ nǔ e é wa nyi do ɔ́ sín agban ná nɔ kɔ n'i.

Levíi ví 5:3

“Kpɔ́ndéwú ɖěvo: Ényí mɛɖé ɖó alɔ mɛ e ɖu su alɔkpa ɖěbǔ ɔ́ wú ɔ́, mɛ ɔ́ má tunwun tɛn tɔn mɛ ǎ, bó ka wá tunwun hweɖénu ɔ́, é ji nǔɖé ɔ́, é ná kpan.

Levíi ví 5:6

Énɛ́ ɔ́ gúdo ɔ́, é ná zé lɛ̌ngbɔ́ asi ɖokpó, abǐ gbɔ̌ asi ɖokpó dó sá hwɛsɔ́kɛmɛvɔ́ ná nú Mawu Mavɔmavɔ, bɔ é ná nyí hwɛ e é hu ɔ́ sín vɔ̌. Énɛ́ ɔ́, vɔ̌sánú-xwlémawutɔ́ ɔ́ ná bló lě e è nɔ bló gbɔn, bó nɔ́ xwlé vɔ̌sánú mì ɔ́, bó sá vɔ̌ e nɔ súnsún hwɛ sín kɔ nú mɛ ɔ́ n'i.”

Levíi ví 7:20

Amɔ̌, mɛ e ma ná ɖo mǐmɛ́ jí ǎ, bó ná ɖu kanlin e è dǒ sá kɔnɖókpɔ́ vɔ́ ná nú Mawu Mavɔmavɔ ɔ́ sín lan ɔ́, è nǎ ɖe mɛ ɔ́ sín togun Izlayɛ́li tɔn mɛ.

Levíi ví 7:21

Mɔ̌ ɖokpó ɔ́, mɛ e ná ɖó alɔ nǔblíblí ɖé wú: gbɛtɔ́ wɛ a, kanlin wɛ a, abǐ nǔ ɖěbǔ e nyí nǔblíblí é wú, bó ná ɖu kanlin e è dǒ sá kɔnɖókpɔ́ vɔ́ ná nú Mawu Mavɔmavɔ ɔ́ sín lan ɔ́, è nǎ ɖe mɛ énɛ́ sín togun Izlayɛ́li tɔn mɛ.”

Kɛ́nsísɔ́ 15:30

“Lo ɔ́, nú mɛ ɔ́ nyí Izlayɛ́li ví abǐ jǒnɔ, bó tunwun gaan bo hu hwɛ ɔ́, nyɛ Mawu Mavɔmavɔ wɛ mɛ ɔ́ zun, bɔ è nǎ ɖe e sín togun ɔ́ mɛ.

Kɛ́nsísɔ́ 19:14

“Sɛ́n ɔ́ ɖěvo ɖíe: ényí gbɛtɔ́ kú ɖo Goxɔ ɖé mɛ ɔ́, mɛ e ná byɔ́ Goxɔ énɛ́ ɔ́ mɛ ɔ́ kpó mɛ e kó ɖ'é mɛ ɔ́ kpó ná nyí mɛ blíblí xɔ azǎn tɛ́nwe.

Kɛ́nsísɔ́ 19:18

Súnnu e nyí mɛ mímɛ́ ɔ́ ɖokpó ná zé izɔ́puma bó sɔ́ dó sin ɔ́ mɛ, bó ná mi dó Goxɔ e mɛ mɛ kú ɖe ɔ́ wú, bó ná mi dó nǔ e ɖo Goxɔ ɔ́ mɛ lɛ́ɛ bǐ wú, bó ná mi dó mɛ e ɖo Goxɔ ɔ́ mɛ lɛ́ɛ bǐ wú, abǐ é ná mi dó mɛ e ɖó alɔ gbɛtɔ́ xú wú é wú, abǐ mɛ e ɖó alɔ cyɔ wú é wú, abǐ mɛ e ɖ'alɔ yɔdo wú é wú.

Kɛ́nsísɔ́ 19:19

Mɛ e nyí mɛ mímɛ́ ɔ́ ná mì sin ɔ́ dó mɛ e nyí mɛ blíblí ɔ́ wú azǎn atɔngɔ́ ɔ́ kpó azǎn tɛ́nwegɔ́ ɔ́ kpó gbe. Azǎn tɛ́nwegɔ́ ɔ́ gbe wɛ é ná slá wǔ nú mɛ ɔ́ bǐ, bɔ mɛ ɔ́ ná nya avɔ tɔn lɛ́ɛ, bó ná lɛ wǔ, bɔ gbadanu su ɔ́, mɛ ɔ́ ná nyí mɛ mímɛ́.

Kɛ́nsísɔ́ 19:20

“Súnnu e ná nyí mɛ blíblí, bó má ná slá wǔ ǎ ɔ́, Mɔyízi kpó Aalɔ́ɔn kpó ná ɖe e sín togun Izlayɛ́li tɔn ɔ́ mɛ, ɖó é ɖu su nú Mawu xwé ɔ́. È ma mì wǔsláslá sin ɔ́ dó wǔtu tɔn ǎ ɔ́, é kpo ɖo mɛ blíblí nyí wɛ.

Kɛ́nsísɔ́ 19:9

Súnnu e nyí mɛ mímɛ́ ɔ́ ɖokpó ná bɛ́ nyibú asi ɔ́ sín afín, bó ná ɖe sín fí e Izlayɛ́li ví lɛ́ɛ ɖó gɔnu ɖó ɔ́, bó ná kɔn nyi tɛn mímɛ́ ɖé mɛ; è nǎ zé afín énɛ́ ɔ́ ɖ'ayǐ nú Izlayɛ́li ví lɛ́ɛ, bɔ yě ná dó bló wǔsláslá sin ná. Yɛsu énɛ́ ɔ́ cí hwɛsɔ́kɛmɛ sín yɛsu ɖɔhun, bɔ è nɔ fɔ.

Kɛ́nsísɔ́ 8:7

Lě e a nǎ slá wǔ nú yě gbɔn ɔ́ ɖíe: a nǎ mi sin e è nɔ dó slá wǔ nú mɛ ɔ́ dó yě wú, bɔ yě ná xwlɛ́ fún e ɖo yě wú ɔ́ bǐ; yě ná nya avɔ yětɔn lɛ́ɛ, énɛ́ ɔ́, yě ná húzú mɛ mímɛ́.

Kɛ́nsísɔ́ 9:13

Nú mɛ ɔ́ má nyí mɛ blíblí ǎ, bó má ká yi tomɛ ǎ, bó gbɛ́ Dǐndínwáyixwe ɔ́ ɖu ɔ́, è ɖǒ ná ɖe mɛ énɛ́ ɔ́ sín togun ɔ́ mɛ, ɖó é ná nǔníná nyɛ Mawu Mavɔmavɔ dó hwe tɔn nu ǎ. Mɛ énɛ́ ɔ́ sín hwɛgban ná nɔ kɔ n'i.

Jǎan 8:24

Énɛ́ wútu wɛ un ko ɖɔ nú mi ɖɔ hwɛ mitɔn mɛ wɛ mi ná kú dó. Ényí mi ma ɖi nǔ ɖɔ un nyí mɛ e un nyí é ǎ ɔ́, mi ná kú dó hwɛ mitɔn lɛ́ɛ mɛ.”

Eblée 10:29

Énɛ́ ɔ́, nɛ̌ é ka ná nyí gbɔn nú mɛ e gbɛ́ wǎn nú Mawu ví ɔ́ é lo? Mɛ e sɔ́ akɔjijɛ Mawu tɔn sín hun e gbla mɛ è slá wǔ n'i gbɔn ɔ́ dó mɔ nǔ yǎyá, bó zun Yɛ nǔbláwǔkúnúmɛtɔ́ ɔ́, nɛ̌ é ka ná nyí gbɔn n'i? Mi ɖésúnɔ ɔ́, mi ná ko tunwun ɖɔ tó e è nǎ dɔn nú mɛ énɛ́ ɔ́ ná nylá hú mɛ e gba Mɔyízisɛ́n ɔ́ é tɔn.

Eblée 9:10

Đó Mawu sinsɛn gbɔn mɔ̌ ɔ́, nǔɖuɖu kpó ahan nunu kpó, kpódó wǔsláslá sín nǔwiwa tɛnmɛ tɛnmɛ lɛ́ɛ kpó sín sɛ́n kpowun wɛ; tito gbɛtɔ́ tɔn kpowun wɛ, bó wa azɔ̌ káká jɛ hwenu e Mawu vɔ́ nǔ lɛ́ɛ bǐ to dó é.

Nǔɖexlɛ́mɛ 21:8

Amɔ̌ nǔvɔ́nɔ lɛ́ɛ ɔ́, nǔmaɖitɔ́ lɛ́ɛ ɔ́, suɖutɔ́ lɛ́ɛ ɔ́, mɛhutɔ́ lɛ́ɛ ɔ́, agalɛtɔ́ lɛ́ɛ ɔ́, majíkiblótɔ́ lɛ́ɛ ɔ́, vodúnsɛntɔ́ lɛ́ɛ kpódó adingbannɔ lɛ́ɛ bǐ kpán ɔ́, tɛn yětɔn ná nɔ myɔ togotogo e mɛ hwemí ɖo jiji ɖe wɛ é mɛ; é wɛ nyí kú wegɔ́ ɔ́.”

Nǔɖexlɛ́mɛ 22:11

Mɛ e nyí mɛdídá ɔ́ ní fɔ́n bó ɖo mɛdídá nyí wɛ; mɛ e nyí mɛ blíblí ɔ́ ní fɔ́n bó ɖo mɛ blíblí nyí wɛ; mɛ e nyí mɛ ɖagbe ɔ́ ní fɔ́n bó ɖo mɛ ɖagbe nyí wɛ; mɛ e nyí mɛ mímɛ́ ɔ́ ní fɔ́n bó ɖo mɛ mímɛ́ nyí wɛ.”

Nǔɖexlɛ́mɛ 22:15

Amɔ̌, avǔn lɛ́ɛ, majíkiblótɔ́ lɛ́ɛ, agalɛtɔ́ lɛ́ɛ, mɛhutɔ́ lɛ́ɛ, vodúnsɛntɔ́ lɛ́ɛ, kpó mɛ e yí wǎn nú adingban, bó nɔ wa adingbanzɔ́ lɛ́ɛ bǐ kpó ná nɔ toxo ɔ́ gúdo!