Kɛ́nsísɔ́ 19:10 - MAWUXÓWÉMA

¹⁰ Mɛ e ná bɛ́ nyibú ɔ́ sín afín ɔ́ ná nya avɔ tɔn lɛ́ɛ, bó ká ná nyí mɛ blíblí káká jɛ gbadanu. Sɛ́n ɖé wɛ sɛ́n énɛ́ ɔ́ nyí, bó ná ɖo te káká sɔ́yi nú Izlayɛ́li ví lɛ́ɛ kpó jǒnɔ e ɖo yě mɛ lɛ́ɛ kpó.”

Kɛ́nsísɔ́ 19:10 Iomraidhean Croise

Tíntɔ́n 12:49

“Sɛ́n énɛ́ e ɖɔ xó dó Dǐndínwáyixwe ɔ́ wú ɔ́, ɖokpó ɔ́ wɛ mi mɛ e nyí xwénu lɛ́ɛ kpódó mɛ e nyí jǒnɔ ɖo tɛ́ntin mitɔn lɛ́ɛ kpó ná nɔ xwedó.”

Levíi ví 11:25

Mɛ ɖěbǔ zé kúkú yětɔn ɔ́, mɛ ɔ́ ɖó ná nya avɔ tɔn lɛ́ɛ; é lɔmɔ̌ ká ná húzú mɛ blíblí káká jɛ gbadanu.

Levíi ví 14:46

“Hwenu e hɔn ɔ́ ná ɖo súsú ɔ́, mɛ e ná byɔ́ xɔ ɔ́ mɛ ɔ́ ná nyí mɛ blíblí káká jɛ gbadanu.

Levíi ví 16:28

Mɛ e fyɔ́ nǔ énɛ́ lɛ́ɛ ɔ́ ɖó ná nya avɔ tɔn lɛ́ɛ, bó ná lɛ wǔ, cóbó ná byɔ́ fí e yě ɖǒ gɔnu ɖó é.

Kɛ́nsísɔ́ 19:19

Mɛ e nyí mɛ mímɛ́ ɔ́ ná mì sin ɔ́ dó mɛ e nyí mɛ blíblí ɔ́ wú azǎn atɔngɔ́ ɔ́ kpó azǎn tɛ́nwegɔ́ ɔ́ kpó gbe. Azǎn tɛ́nwegɔ́ ɔ́ gbe wɛ é ná slá wǔ nú mɛ ɔ́ bǐ, bɔ mɛ ɔ́ ná nya avɔ tɔn lɛ́ɛ, bó ná lɛ wǔ, bɔ gbadanu su ɔ́, mɛ ɔ́ ná nyí mɛ mímɛ́.

Kɛ́nsísɔ́ 19:21

“Sɛ́n ɖé wɛ sɛ́n énɛ́ ɔ́ nyí, bó ná nɔ te káká sɔ́yi nú Izlayɛ́li ví lɛ́ɛ. Mɛ e ná mì wǔsláslá sin ɔ́ dó mɛ wú ɔ́, ná nya avɔ tɔn lɛ́ɛ. Mɛ e ka ná ɖó alɔ sin ɔ́ wú ɔ́ ná nyí mɛ blíblí káká jɛ gbadanu.

Kolósinu 3:11

Hǔn, mɛ e ma nyí Jwifu ǎ ɖě sɔ́ ɖo vo ǎ; mɛ e ka nyí Jwifu ɔ́ ɖě sɔ́ ɖo vo ǎ; mɛ e gbo ada é ɖě sɔ́ ɖo vo ǎ; atɔtɔnɔ ɖě ka sɔ́ ɖo vo ǎ; mɛ e ma hun nukún ǎ ɖě sɔ́ ɖo vo ǎ; hwexónu gbɛtɔ́ ɖě sɔ́ ɖo vo ǎ; kannumɔ ɖě sɔ́ ɖo vo ǎ; mɛ e ɖo éɖée sí ɔ́ lɔ ka sɔ́ ɖo vo ǎ; lo ɔ́, Klísu wɛ nyí nǔ bǐ, bó ɖo mɛ énɛ́ lɛ́ɛ bǐ mɛ.