Kɛ́nsísɔ́ 18:9 - MAWUXÓWÉMA

⁹ Nǔ e ná nyí towe ɖo nǔ mímɛ́ titewungbe e è ma dó zo ǎ lɛ́ɛ mɛ é ɖíe: nǔníná jinukún tɔn lɛ́ɛ bǐ, hwɛxɔ́súsú vɔ́ lɛ́ɛ bǐ kpódó hwɛsɔ́kɛmɛvɔ́ lɛ́ɛ kpó. Nǔ énɛ́ lɛ́ɛ e nyí nǔ mímɛ́ titewungbe lɛ́ɛ ná nyí towe, bó ná nyí vǐ towe lɛ́ɛ tɔn.

Kɛ́nsísɔ́ 18:9 Iomraidhean Croise

2 Axɔ́sú 12:17

Akwɛ́ e mɛ e hu hwɛ lɛ́ɛ wá ná nú hwɛxɔ́súsúvɔ́ kpó hwɛsɔ́kɛmɛvɔ́ kpó ɔ́, è bɛ̌ ɖěbǔ dó gbǎ ɔ́ mɛ ǎ. Vɔ̌sánú-xwlémawutɔ́ lɛ́ɛ tɔn wɛ akwɛ́ énɛ́ ɔ́ nyí.

Nɛɛmíi 10:36

Mɔ̌ ɖokpó ɔ́, xwewú xwewú tɛgbɛ ɔ́, mǐ nɔ hɛn jinukún nukɔntɔn lɛ́ɛ kpó atínsínsɛ́n nukɔntɔn lɛ́ɛ kpó wá Mawu mǐtɔn sín xwé gbe.

Ezekiyɛ́li 42:13

Nya ɔ́ ɖɔ nú mì ɖɔ: “Xɔ we énɛ́ lɛ́ɛ bǐ wɛ è fɔ ɖó vo nú Mawu Mavɔmavɔ. Vɔ̌sánú-xwlémawutɔ́ e hɛn ɔ́, yě ná nɔ́ yi Mawu nukɔn lɛ́ɛ ɔ́, yě ná nɔ́ ɖu vɔ̌sánú mímɛ́ lɛ́ɛ ɖo xɔ énɛ́ lɛ́ɛ mɛ. Nǔgbó ɔ́, xɔ énɛ́ lɛ́ɛ ɔ́, vo wɛ è fɔ yě ɖó nú Mawu, bó nɔ́ bɛ́ vɔ̌sánú e mɛ́ hú vɔ̌sánú lɛ́ɛ bǐ lɛ́ɛ ɖó fínɛ́; vɔ̌sánú énɛ́ lɛ́ɛ wɛ nyí nǔníná lɛ́ɛ kpó kanlin e è hu dó sá vɔ̌ tɛnmɛ tɛnmɛ, dó byɔ́ hwɛsɔ́kɛ lɛ́ɛ sín lan kpó.

Ezekiyɛ́li 44:29

Vɔ̌sánú-xwlémawutɔ́ lɛ́ɛ ná nɔ́ ɖu nǔníná jinukún tɔn e è hɛn wá nú mì lɛ́ɛ kpó kanlin e è dǒ sá hwɛsɔ́kɛmɛvɔ́ ná lɛ́ɛ kpó sín lan. Nǔ e è sɔ́ ɖó vo nú mì ɖo Izlayɛ́li to ɔ́ mɛ ɔ́ bǐ wɛ ná nyí yětɔn.

Levíi ví 10:17

“Étɛ́wú wɛ mi ma ɖu kanlin e è dǒ sá hwɛsɔ́kɛmɛvɔ́ ná ɔ́ sín lan ɖo tɛn mímɛ́ ɖé mɛ ǎ? Nǔ mímɛ́ titewungbe ɖokpó wɛ é nyí, bɔ Mawu Mavɔmavɔ ná mi, bónú mi ná dó ɖe hwɛ e togun ɔ́ hu lɛ́ɛ sín kɔ n'i, bónú mi ná bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́ dó hwɛsɔ́kɛmɛvɔ́ ɔ́ jí ɖo Mawu Mavɔmavɔ nukɔn é.

Levíi ví 14:13

É ná gbo gbe lɛ̌ngbɔ́ví ɔ́ ɖo fí e è nɔ gbo gbe kanlin e è nɔ dó sá hwɛsɔ́kɛmɛvɔ́ ɔ́, kpódó ée è nɔ dó zo ɔ́ kpó ɖe ɔ́ ɖo tɛn mímɛ́ ɖé mɛ. Đó hwɛxɔ́súsú vɔ́ ɔ́ kpódó hwɛsɔ́kɛmɛvɔ́ ɔ́ kpó ɔ́, vɔ̌sánú-xwlémawutɔ́ ɔ́ tɔn wɛ, bó nyí nǔ mímɛ́ ɖaxó ɖé.

Levíi ví 2:10

Nǔníná e ná kpo ɔ́, ná nyí Aalɔ́ɔn kpó vǐ tɔn súnnu lɛ́ɛ kpó tɔn. Nǔ mímɛ́ ɖaxó ɖé wɛ é nyí, ɖó vɔ̌ e è xwlé Mawu Mavɔmavɔ ɔ́ mɛ wɛ è ɖe sín.

Levíi ví 22:11

Amɔ̌, nú vɔ̌sánú-xwlémawutɔ́ xɔ kannumɔ ɖé, abǐ è ji i ɖo xwé tɔn gbe ɔ́, kannumɔ ɔ́ sixú ɖu nǔɖuɖu e nyí vɔ̌sánú-xwlémawutɔ́ ɔ́ tɔn é. Mɔ̌ ɖokpó ɔ́, mɛsɛntɔ́ e è ji ɖo vɔ̌sánú-xwlémawutɔ́ ɔ́ xwé ɔ́ lɔmɔ̌ ná ɖu.

Levíi ví 22:7

Nú hwe yi xɔ tlóló ɔ́, é ná húzú mɛ mímɛ́, bó ná ɖu nǔ e è ɖe ɖó vo nú mì lɛ́ɛ, ɖó nǔ tɔn ɖuɖu wɛ.

Levíi ví 4:22

Mawu Mavɔmavɔ ɖɔ: “Ényí togun ɔ́ sín gǎn lɛ́ɛ ɖě má tunwun ǎ, bó gba sɛ́n e Mawu Mavɔmavɔ, Mawu tɔn dó lɛ́ɛ ɖě, bó dó hu hwɛ ɔ́,

Levíi ví 4:27

Mawu Mavɔmavɔ ɖɔ: “Ényí toví ɖé má tunwun ǎ, bó gba sɛ́n e Mawu Mavɔmavɔ dó lɛ́ɛ ɖě, bó dó hu hwɛ ɔ́,

Levíi ví 5:1

Mawu Mavɔmavɔ ɖɔ: “Ényí nǔɖé jɛ bɔ mɛɖé ɖo tɛn tɔn mɛ, abǐ é se, bónú hwɛɖɔtɔ́ lɛ́ɛ ylɔ́ mɛ ɔ́ ɖɔ é ní wá ɖɔ lě e nǔ ɔ́ jɛ gbɔn ɔ́, bónú é má ɖɔ nǔ e é mɔ ɔ́, abǐ nǔ e é se ɔ́ ǎ ɔ́, hwɛ wɛ é hu, bɔ é ji nǔɖé ɔ́, é ná kpan.

Levíi ví 5:6

Énɛ́ ɔ́ gúdo ɔ́, é ná zé lɛ̌ngbɔ́ asi ɖokpó, abǐ gbɔ̌ asi ɖokpó dó sá hwɛsɔ́kɛmɛvɔ́ ná nú Mawu Mavɔmavɔ, bɔ é ná nyí hwɛ e é hu ɔ́ sín vɔ̌. Énɛ́ ɔ́, vɔ̌sánú-xwlémawutɔ́ ɔ́ ná bló lě e è nɔ bló gbɔn, bó nɔ́ xwlé vɔ̌sánú mì ɔ́, bó sá vɔ̌ e nɔ súnsún hwɛ sín kɔ nú mɛ ɔ́ n'i.”

Levíi ví 6:17

Mawu Mavɔmavɔ ɖɔ nú Mɔyízi ɖɔ,

Levíi ví 6:19

Vɔ̌sánú-xwlémawutɔ́ e ná xwlé kanlin e è dǒ sá hwɛsɔ́kɛmɛvɔ́ ɔ́ ná ɔ́ ná ɖu lan tɔn. É ná ɖu ɖo goxɔ ɔ́ sín kɔ́xota, ɖó tɛn mímɛ́ wɛ.

Levíi ví 7:1

Mawu Mavɔmavɔ ɖɔ: “Sɛ́n e ɖɔ xó dó hwɛxɔ́súsú vɔ́ wú ɔ́ ɖíe: nǔ mímɛ́ titewungbe ɖokpó wɛ é nyí.

Levíi ví 7:6

Mɛ e nyí súnnu ɖo hɛ̌nnu e nɔ wa vɔ̌sánú-xwlémawutɔ́ sín azɔ̌ lɛ́ɛ mɛ lɛ́ɛ kɛ́ɖɛ́ wɛ ná ɖu kanlin ɔ́ sín lan. Tɛn mímɛ́ ɖé mɛ wɛ yě ná ɖu ɖe; nǔ mímɛ́ titewungbe ɖokpó wɛ é nyí.

Levíi ví 7:7

Lě e è nǎ sá hwɛxɔ́súsú vɔ́ ɔ́ gbɔn ɔ́ ɖokpó ɔ́ jɛ́n è nǎ sá hwɛsɔ́kɛmɛvɔ́ ɔ́ lɔ gbɔn: sɛ́n ɖokpó ɔ́ wɛ ɖɔ xó dó vɔ̌sísá we énɛ́ lɛ́ɛ wú; kanlin e è dǒ sá vɔ̌ ɔ́ ná ɔ́, ná nyí vɔ̌sánú-xwlémawutɔ́ e nɔ hwɛsɔ́kɛmɛvɔ́ ɔ́ nu, bó sá ɔ́ tɔn.”

Kɛ́nsísɔ́ 18:10

Nǔ e mi ná nɔ́ ɖu lɛ́ɛ nɛ́; súnnu lɛ́ɛ bǐ ná nɔ́ ɖu. A nǎ mɔ nǔ énɛ́ lɛ́ɛ dó mɔ nǔ mímɛ́ titewungbe, bo ná nɔ́ ɖu.

Sɛ́nflínmɛ 18:1

Levíi ví vɔ̌sánú-xwlémawutɔ́ lɛ́ɛ kpó mɛ e ɖo Levíi sín akɔta mɛ lɛ́ɛ kpó ɖó ayǐkúngban ɖě Izlayɛ́li ví ɖě lɛ́ɛ ɖɔhun ǎ. Vɔ̌ e è wǎ sá nú Mawu Mavɔmavɔ lɛ́ɛ kpó nǔ e nyí Mawu Mavɔmavɔ tɔn lɛ́ɛ kpó ɔ́, éé nyí kanta yětɔn ɖ'é mɛ lɛ́ɛ wɛ yě ná nɔ́ ɖu.