Kɛ́nsísɔ́ 18:8 - MAWUXÓWÉMA

⁸ Mawu Mavɔmavɔ ɖɔ nú Aalɔ́ɔn ɖɔ: “Đǒtó mì; un zé nǔníná e Izlayɛ́li ví lɛ́ɛ ɖe ɖó vo nú mì lɛ́ɛ dó así nú we. Un ná yě we; yě ná nyí kanta towe, bó ná nyí kanta vǐ towe lɛ́ɛ tɔn káká sɔ́yi.

Kɛ́nsísɔ́ 18:8 Iomraidhean Croise

2 Axɔ́sú 12:16

Yě mɛ énɛ́ lɛ́ɛ e lɔ mɛ è zě akwɛ́ ɔ́ dó lɛ́ɛ ɔ́, è ba do nú lě e yě ɖo axɔ́ sú azɔ̌watɔ́ lɛ́ɛ gbɔn wɛ é ǎ, ɖó yě nɔ́ hízí nǔ ǎ.

2 Tan 31:4

É ɖɔ nú Jeluzalɛ́munu lɛ́ɛ bǐ ɖɔ yě ní ná nǔ e nyí vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó tɔn lɛ́ɛ yě, bónú yě ná sixú kpé nukún dó azɔ̌ e Mawu Mavɔmavɔ sín sɛ́n ɔ́ zɔ́n yě lɛ́ɛ wú bó wa ganjí.

2 Tan 31:5

Ée mɛ bǐ se xó énɛ́ ɔ́, Izlayɛ́li ví lɛ́ɛ ná nǔ nukɔntɔn e nyɔ́ ɖo gle yětɔn mɛ lɛ́ɛ bɔ é sukpɔ́ ɖésú tawun. Yě ná blěe, vɛ̌ɛn yɔ̌yɔ́, ami, wǐin kpódó jinukún ɖě lɛ́ɛ kpó. Yě lɛ́ hɛn nǔ lɛ́ɛ bǐ sín mǎɖówǒ wá bɔ é sukpɔ́ ɖésú tawun.

Tíntɔ́n 28:43

Nú Aalɔ́ɔn kpódó vǐ tɔn súnnu lɛ́ɛ kpó xwe goxɔ ɔ́ mɛ, bó ná kpé nyɛ Mawu, abǐ nú yě xwe vɔ̌sákpe ɔ́ kɔn, bó ná wa vɔ̌sánú-xwlémawutɔ́zɔ́ yětɔn ɔ́, yě ɖó ná dó cokoto kpɛví énɛ́ ɔ́ dó do. É má nyí mɔ̌ ǎ ɔ́, un ná mɔ ɖɔ yě wa nǔ nyi do, bɔ yě ná kú. Sɛ́n ɖé wɛ sɛ́n énɛ́ ɔ́ nyí, bó ɖo te káká sɔ́yi nú Aalɔ́ɔn kpódó kúnkan tɔn lɛ́ɛ kpó.”

Tíntɔ́n 29:21

Énɛ́ ɔ́ gúdo ɔ́, a nǎ wǔn hun e ɖo vɔ̌sákpe ɔ́ jí ɔ́ kpódó ami e è nɔ kɔn dó ta nú mɛ ɔ́ kpó kpɛɖé kpɛɖé, bó ná mi dó Aalɔ́ɔn kpódó vǐ tɔn lɛ́ɛ kpó sín awu wú. Lě e a nǎ ɖe Aalɔ́ɔn kpódó vǐ tɔn lɛ́ɛ kpó, kpódó awu yětɔn lɛ́ɛ kpó ɖó vo nú nyɛ Mawu Mavɔmavɔ gbɔn ɔ́ nɛ́.

Tíntɔ́n 29:28

Énɛ́ ɔ́ wú wɛ Izlayɛ́li ví lɛ́ɛ ná nɔ́ ɖe akpáxwé énɛ́ lɛ́ɛ ɖo kanlin e yě dó sá kɔnɖókpɔ́ vɔ́ nú mì lɛ́ɛ wú hwebǐnu, bó ná nɔ́ bɛ́ jó nú Aalɔ́ɔn kpódó vǐ tɔn lɛ́ɛ kpó.

Tíntɔ́n 29:29

“Nú Aalɔ́ɔn wá kú ɔ́, è nǎ bɛ́ vɔ̌sánú-xwlémawutɔ́ sín awu tɔn lɛ́ɛ jó nú vǐ tɔn súnnu lɛ́ɛ, bɔ hwenu e è nǎ kɔn ami dó ta nú mɛ ɖokpó ɖo yě mɛ bó ná sɔ́ vɔ̌sánú-xwlémawutɔ́zɔ́ dó así n'i ɔ́, é ná dó.

Tíntɔ́n 40:13

A nǎ fɔ vɔ̌sánú-xwlémawutɔ́ sín awu dó nú Aalɔ́ɔn, bó ná kɔn ami dó ta n'i, bó dó ɖe e ɖó vo bɔ é ná wa vɔ̌sánú-xwlémawutɔ́ sín azɔ̌ nú mì.

Tíntɔ́n 40:15

A nǎ kɔn ami dó ta nú yě lě e a kɔn dó ta nú tɔ́ yětɔn gbɔn é, bɔ yě ná nɔ wa vɔ̌sánú-xwlémawutɔ́zɔ́ nú mì. Ami énɛ́ ɔ́ e a nǎ kɔn dó ta nú yě ɔ́ ná zɔ́n bɔ yě kpó vǐ yětɔn lɛ́ɛ kpó ná nyí vɔ̌sánú-xwlémawutɔ́ nú mì káká sɔ́yi.”

Ezayíi 10:27

Gbe énɛ́ ɔ́ gbe ɔ́, é ná zlɔ́n we agban e ɖo abɔ̌ towe ta, bó ɖo kpinkpɛn we wɛ é; é ná ɖe agban kpinkpɛn énɛ́ e ɖo kɔ jí nú we ɔ́ síin, bó ná zé nyɔ̌ná ɖó tɛn tɔn mɛ.

Levíi ví 21:10

“Vɔ̌sánú-xwlémawutɔ́ ɖaxó ɔ́ wɛ kpa acɛ nú vɔ̌sánú-xwlémawutɔ́ lɛ́ɛ; ami wɛ è ɖǒ ta n'i, bó dó ɖe e ɖó vo nú Mawu, gbe e gbe é yí azɔ̌, bó dó vɔ̌sánú-xwlémawutɔ́ sín awu lɛ́ɛ é. Énɛ́ ɔ́ wú ɔ́, é ná ɖe tablá sín ta ǎ; é ná vún awu dó kɔ nú éɖée, dó ɖe xlɛ́ ɖɔ émí ɖo aluwɛ mɛ ǎ;

Levíi ví 23:20

Vɔ̌sánú-xwlémawutɔ́ ɔ́ ná bló lě e è nɔ bló gbɔn bó nɔ́ xwlé vɔ̌sánú mì ɔ́, bó xwlé yě mì. É ná xwlé yě mì gɔ́ nú wɔ̌xúxú e è zě jinukún nukɔntɔn ɔ́ dó ɖa ná, bó xwlé mì é kpó lɛ̌ngbɔ́ví we e è xwlé mì lɛ́ɛ kpó. È nǎ fɔ yě ɖó vo nú nyɛ Mawu Mavɔmavɔ, bɔ yě ná nyí vɔ̌sánú-xwlémawutɔ́ ɔ́ tɔn.

Levíi ví 6:16

Hǔn, vɔ̌sánú-xwlémawutɔ́ sá nǔníná jinukún tɔn vɔ́ ɖěbǔ dó é ɖésúnɔ tamɛ ɔ́, blěbǔ tɔn wɛ è nǎ dó zo; è nǎ ɖu ɖěbǔ ǎ.”

Levíi ví 6:18

ní ɖɔ nú Aalɔ́ɔn kpó vǐ tɔn súnnu lɛ́ɛ kpó ɖɔ: “Sɛ́n e ɖɔ xó dó hwɛsɔ́kɛmɛvɔ́ wú ɔ́ ɖíe: fí e è nɔ gbo gbe kanlin e è nǎ dó sá vɔ̌ e è nɔ dó zo ɔ́ ɖe ɔ́, wɛ è nǎ gbo gbe kanlin e è nǎ dó sá hwɛsɔ́kɛmɛvɔ́ ɔ́ ɖe, ɖo Mawu Mavɔmavɔ nukɔn: nǔ mímɛ́ titewungbe ɖokpó wɛ é nyí.

Levíi ví 6:20

Nǔ ɖěbǔ yagba kanlin ɔ́ sín lan wú ɔ́, é ná húzú nǔ mímɛ́. Ényí kanlin ɔ́ sín hun kɔn nyi awu ɖé mɛ ɔ́, tɛn mímɛ́ mɛ wɛ è nǎ gbo fí e hun ɔ́ kɔn nyi ɔ́ nya ɖe.

Levíi ví 7:14

Nǔ énɛ́ lɛ́ɛ e é ná ɔ́, è nǎ ɖe ɖokpó ɖokpó, bó ná xwlé Mawu Mavɔmavɔ, bɔ é ná nyí vɔ̌sánú-xwlémawutɔ́ e mi kanlin e è dǒ sá kɔnɖókpɔ́ vɔ́ sín hun gbɔn vɔ̌sákpe ɔ́ wú é tɔn.

Levíi ví 7:28

Mawu Mavɔmavɔ ɖɔ nú Mɔyízi ɖɔ,

Levíi ví 7:6

Mɛ e nyí súnnu ɖo hɛ̌nnu e nɔ wa vɔ̌sánú-xwlémawutɔ́ sín azɔ̌ lɛ́ɛ mɛ lɛ́ɛ kɛ́ɖɛ́ wɛ ná ɖu kanlin ɔ́ sín lan. Tɛn mímɛ́ ɖé mɛ wɛ yě ná ɖu ɖe; nǔ mímɛ́ titewungbe ɖokpó wɛ é nyí.

Levíi ví 8:30

Mɔyízi wún ami mímɛ́ ɔ́ kpódó hun e ɖo vɔ̌sákpe ɔ́ jí é kpɛɖé kpó, bó mi dó Aalɔ́ɔn kpó awu tɔn lɛ́ɛ kpó wú, bó mi dó vǐ tɔn súnnu lɛ́ɛ kpó awu yětɔn lɛ́ɛ kpó wú, bó dó ɖe yě kpó awu yětɔn lɛ́ɛ kpó ɖó vo nú Mawu Mavɔmavɔ.

Kɛ́nsísɔ́ 18:9

Nǔ e ná nyí towe ɖo nǔ mímɛ́ titewungbe e è ma dó zo ǎ lɛ́ɛ mɛ é ɖíe: nǔníná jinukún tɔn lɛ́ɛ bǐ, hwɛxɔ́súsú vɔ́ lɛ́ɛ bǐ kpódó hwɛsɔ́kɛmɛvɔ́ lɛ́ɛ kpó. Nǔ énɛ́ lɛ́ɛ e nyí nǔ mímɛ́ titewungbe lɛ́ɛ ná nyí towe, bó ná nyí vǐ towe lɛ́ɛ tɔn.

Kɛ́nsísɔ́ 5:9

Nǔ e è nǎ jɔ ɖo nǔ e Izlayɛ́li ví lɛ́ɛ ɖe ɖó vo nú Mawu Mavɔmavɔ ɔ́ jí lɛ́ɛ ɔ́, bǐ ná nyí vɔ̌sánú-xwlémawutɔ́ e nukɔn è zě wá ɔ́ tɔn.

1 Kɔlɛ́ntinu 9:13

Dandan mɛ ɔ́, mi tunwun ɖɔ mɛ e nɔ wa azɔ̌ ɖo sinsɛnxɔ mɛ lɛ́ɛ ɔ́, sinsɛnxɔ mɛ sín nǔɖuɖu wɛ yě nɔ́ ɖu; bɔ mɛ e nɔ xwlé vɔ̌sánú Mawu ɖo vɔ̌sákpe jí lɛ́ɛ nɔ mɔ yětɔn yí ɖo vɔ̌sánú énɛ́ lɛ́ɛ mɛ.

Sɛ́nflínmɛ 12:11

Énɛ́ ɔ́ gúdo lo ɔ́, mi ná hɛn nǔ e xó un ɖɔ nú mi lɛ́ɛ bǐ wá fí e Mawu Mavɔmavɔ ná sɔ́, bó ná ɖe susu tɔn xlɛ́ ɖe é. Nǔ e xó un ko ɖɔ nú mi lɛ́ɛ wɛ; yě wɛ nyí: vɔ̌ e è nɔ dó zo lɛ́ɛ, kɔnɖókpɔ́ vɔ́ lɛ́ɛ, mǎɖówǒ jinukún lɛ́ɛ tɔn, nǔ e mi ɖésú jló bó ná lɛ́ɛ, kpó nǔ e sín akpá mi dó bó ná ná Mawu Mavɔmavɔ lɛ́ɛ kpó.

Sɛ́nflínmɛ 12:6

Fínɛ́ wɛ mi ná hɛn vɔ̌ mitɔn lɛ́ɛ wá; é sixú nyí vɔ̌ e è nɔ dó zo é, é sixú nyí kɔnɖókpɔ́ vɔ́, é sixú nyí mǎɖówǒ jinukún mitɔn lɛ́ɛ tɔn, é sixú nyí nǔ e mi ɖésú ɖó jlǒ bó ná lɛ́ɛ, é sixú nyí nǔ e wá ayi mɛ nú mi bɔ mi ná lɛ́ɛ, abǐ éé mi ná dó ɖe akpá e mi dó é ná lɛ́ɛ, é sixú nyí nyibú mitɔn lɛ́ɛ, kpó gbɔ̌ mitɔn lɛ́ɛ kpó sín nukɔngbéví.

Sɛ́nflínmɛ 18:1

Levíi ví vɔ̌sánú-xwlémawutɔ́ lɛ́ɛ kpó mɛ e ɖo Levíi sín akɔta mɛ lɛ́ɛ kpó ɖó ayǐkúngban ɖě Izlayɛ́li ví ɖě lɛ́ɛ ɖɔhun ǎ. Vɔ̌ e è wǎ sá nú Mawu Mavɔmavɔ lɛ́ɛ kpó nǔ e nyí Mawu Mavɔmavɔ tɔn lɛ́ɛ kpó ɔ́, éé nyí kanta yětɔn ɖ'é mɛ lɛ́ɛ wɛ yě ná nɔ́ ɖu.

Sɛ́nflínmɛ 26:13

Mi mɛ ɖokpó ɖokpó ná ɖɔ ɖo Mawu tɔn nukɔn ɖɔ: “Nǔkún e un sɔ́ ɖó vo nú we ɔ́, un ɖe ɖě kpo ǎ, un nǎ Levíi ví lɛ́ɛ, jǒnɔ lɛ́ɛ, tɔ́cyɔvǐ lɛ́ɛ kpó asúkúsi lɛ́ɛ kpó, bɔ é kpé yě lě e a ɖɔ gbɔn é. Un gba sɛ́n e a dǒ lɛ́ɛ ɖě ǎ, un ka wɔn nǔ e a zɔ̌n mì lɛ́ɛ ɖě ǎ.

Eblée 1:9

A yǐ wǎn nú hwɛjijɔ, bó gbɛ́ wǎn nú nǔ nyanya; énɛ́ ɔ́ wú wɛ Mawu, Mawu towe kɔn awǎjijɛ sín ami dó ta nú we, bó dó sɔ́ we bɔ a hú gǎn hǎgbɛ́ towe lɛ́ɛ.”

1 Jǎan 2:20

Midɛɛ lɛ́ɛ ɔ́, Klísu kɔn Yɛsinsɛn dó mi jí; énɛ́ ɔ́ wɛ zɔ́n bɔ mi bǐ tunwun nǔgbó ɔ́.

1 Jǎan 2:27

Midɛɛ lɛ́ɛ ɔ́, Yɛsinsɛn e Klísu kɔn dó mi jí ɔ́ ɖo mi jí; hǔn, é sɔ́ byɔ́ ɖɔ mɛɖé ní kplɔ́n nǔ mi ǎ. Lo ɔ́, ée Yɛsinsɛn énɛ́ nɔ kplɔ́n nǔ bǐ mi ɔ́, bɔ nǔ e é nɔ kplɔ́n mi lɛ́ɛ ka nyí nǔgbó, bó ma nyí nǔvú ǎ é ɔ́, mi bǐ ní se tónú nú kplɔ́n e é nɔ ná mi lɛ́ɛ, ɖo bǔ e mi ɖe xá Jezu ɔ́ mɛ.