Kɛ́nsísɔ́ 18:7 - MAWUXÓWÉMA

⁷ Amɔ̌, Aalɔ́ɔn, hwɛ kpó vǐ towe lɛ́ɛ kpó ɔ́, mi ná nɔ́ wa vɔ̌sánú-xwlémawutɔ́ zɔ́ ɖo vɔ̌sákpe ɔ́ kɔn, bó ná nɔ́ wa ɖo tɛn mímɛ́ bǐ ɔ́ mɛ, ɖo xɔmɛgbovɔ ɔ́ gúdo. Nyɛ wɛ ná azɔ̌ énɛ́ ɔ́ mi. Ényí mɛ ɖěvo séé sɛkpɔ́ mi ɔ́, é ná kú.”

Kɛ́nsísɔ́ 18:7 Iomraidhean Croise

Ɖɛhan 115:10

Aalɔ́ɔn ví lɛ́ɛ mi, mi jó miɖée dó nú Mawu Mavɔmavɔ. - É wɛ nyí alɔgɔ́númɛtɔ́ yětɔn, é wɛ nyí gǎglónú yětɔn.

Tíntɔ́n 28:1

Mawu Mavɔmavɔ lɛ́ ɖɔ nú Mɔyízi ɖɔ: “Mɔyízi, ylɔ̌ nɔví towe Aalɔ́ɔn ní wá gɔ̌n towe, é kpódó vǐ tɔn Nadavu, Avihu, Eleazáa kpódó Itamáa kpó. A nǎ ɖe yě ɖó vo nú Izlayɛ́li ví ɖě lɛ́ɛ, bɔ yě ná nɔ wa vɔ̌sánú-xwlémawutɔ́zɔ́ nú mì.

Tíntɔ́n 29:9

A nǎ sin gǒjíblánú yětɔn lɛ́ɛ nú yě, bó ná xwe gbǎkún yětɔn lɛ́ɛ nú yě. Bɛ́ sín gbe énɛ́ ɔ́ gbe ɔ́, yě ná nyí vɔ̌sánú-xwlémawutɔ́ káká sɔ́yi lě e un ɖɔ gbɔn é.

Ezekiyɛ́li 44:15

“Vɔ̌sánú-xwlémawutɔ́ Levíi ví e nyí Sadɔ́ku ví lɛ́ɛ ɔ́, hwenu e Izlayɛ́li ví lɛ́ɛ jó nyɛ Mawu Mavɔmavɔ ɔ́ dó bó ɖo ali bú wɛ ɔ́, yědɛɛ lɛ́ɛ xwedó xwé ce sín sɛ́n lɛ́ɛ. Énɛ́ ɔ́ wú ɔ́, yě kɛ́ɖɛ́ wɛ ná nɔ́ wa azɔ̌ nú mì, yě wɛ ná nɔ́ sɔ́ kanlin e è hu dó sá vɔ̌ lɛ́ɛ sín jǒ kpó hun kpó xwlé mì. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 44:16

Yě ɖokpónɔ wɛ ná nɔ́ byɔ́ xwé ce gbe, bó ná nɔ́ sɛkpɔ́ távo ce, bó ná nɔ́ xwedó tito e un ɖó ayǐ bɔ è nǎ nɔ xwedó dó wa azɔ̌ ɖo xwé ce gbe lɛ́ɛ.

Ezekiyɛ́li 44:8

Mi ɖésúnɔ sɔ́ nɔ́ wá wa azɔ̌ nú mì ɖo xwé ce gbe ǎ; lo ɔ́, akɔta ɖěvo lɛ́ɛ wɛ mǐ sɔ́ azɔ̌ énɛ́ jó ná, bɔ yě nɔ́ bló ɖó tɛn mitɔn mɛ.

Levíi ví 16:2

“Đɔ nú nɔví towe Aalɔ́ɔn ɖɔ ní má nɔ byɔ́ tɛn mímɛ́ bǐ ɔ́ mɛ, ɖo xɔmɛgbovɔ ɔ́ gúdo hwebǐnu, ɖo fí e akɔjijɛgbá ɔ́ kpódó nusú tɔn kpó ɖe ɔ́ ó. É má nyí mɔ̌ ǎ ɔ́, é ná kú hwenu e un ná tɔ́n ɖo akpɔ́kpɔ́ mɛ, ɖo akɔjijɛgbá ɔ́ sín nusú jí é.

Levíi ví 7:35

Ée ná nyí Aalɔ́ɔn kpó vǐ tɔn súnnu lɛ́ɛ kpó sín kanta ɖo vɔ̌sánú e è nǎ dó zo ɖo Mawu Mavɔmavɔ nukɔn lɛ́ɛ mɛ é nɛ́, bɛ́ sín gbe e gbe è nǎ kɔn ami dó ta nú yě bɔ yě ná bɛ́ vɔ̌sánú-xwlémawutɔ́ sín azɔ̌ é.

Kɛ́nsísɔ́ 1:51

Nú è ɖo tɛn ná sɛ nú Goxɔ ɔ́ wɛ hweɖěbǔnu ɔ́, Levíi ví lɛ́ɛ wɛ ná nɔ́ tún; nú è nǎ nɔ te fí ɖé bó ɖó gɔnu ɖó fínɛ́ ɔ́, yědɛɛ lɛ́ɛ wɛ ná nɔ́ ján Goxɔ ɔ́. Nú mɛ ɖěvo ɖé sɛkpɔ́ ɔ́, è ná hu i.

Kɛ́nsísɔ́ 18:20

Mawu Mavɔmavɔ lɛ́ ɖɔ nú Aalɔ́ɔn ɖɔ: “A nǎ ɖǒ ayǐkúngban ɖě ɖo to ɔ́ mɛ ǎ; kanta ɖěbǔ ná nyí towe ɖo yě mɛ ǎ; nyɛ wɛ nyí kanta towe, bó nyí nǔ e ná nyí towe ɖo Izlayɛ́li ví lɛ́ɛ tɛ́ntin é.”

Kɛ́nsísɔ́ 18:3

Mi zɔ́n nǔ ɖěbǔ yě ɔ́, yě ná wa; yě ná nɔ́ wa azɔ̌ e kan Goxɔ ɔ́ lɛ́ɛ bǐ. Lo ɔ́, yě ná sɛkpɔ́ nǔ mímɛ́ lɛ́ɛ ǎ; yě ná sɛkpɔ́ vɔ̌sákpe ɔ́ ǎ; é má nyí mɔ̌ ǎ ɔ́, mi kpó yě kpó bǐ ná kú.

Kɛ́nsísɔ́ 3:10

A nǎ sɔ́ Aalɔ́ɔn kpódó vǐ tɔn súnnu lɛ́ɛ kpó, bɔ yědɛɛ lɛ́ɛ kɛ́ɖɛ́ wɛ ná nɔ wa vɔ̌sánú-xwlémawutɔ́ zɔ́ ɔ́. Nú mɛ ɖěvo e ma nyí vɔ̌sánú-xwlémawutɔ́ ǎ ɖě sɛkpɔ́ azɔ̌ énɛ́ ɔ́, è ɖǒ ná hu i.”

Kɛ́nsísɔ́ 3:38

Mɔyízi kpódó Aalɔ́ɔn kpó, kpódó Aalɔ́ɔn sín vǐ lɛ́ɛ kpó ɔ́, yědɛɛ lɛ́ɛ ɖó gɔnu ɖó Mawu xwé ɔ́ nukɔn, ɖo zǎnzǎnhwe jí. Azɔ̌ yětɔn wɛ nyí ɖɔ yě ná nɔ́ sɛkpɔ́ Mawu Mavɔmavɔ ɖó Izlayɛ́li ví lɛ́ɛ tɛnmɛ, bɔ nú mɛ ɖěvo sɛkpɔ́ ɔ́, è ɖǒ ná hu i.

Matíe 10:8

Mi gbɔ azɔn nú azinzɔnnɔ lɛ́ɛ; mi fɔ́n mɛkúkú lɛ́ɛ; mi gbɔ azɔn nú gudunɔ lɛ́ɛ, bó bló nú yě ní húzú mɛ mímɛ́; mi nya yɛ nyanya lɛ́ɛ. Lě e un ná acɛ mi vɔ̌nu ɔ́, mi lɔmɔ̌ mi bo wa nǔ lɛ́ɛ bǐ vɔ̌nu.

Jǎan 3:27

Jǎan ka yí gbe nú yě ɖɔ: “Mawu má ná nǔɖé mɛɖé ǎ ɔ́, é sixú mɔ ǎ.

Efɛ́zinu 3:8

Un sɔ mɛ e ma sɔ atɛ́n ɖo mɛɖeɖóvo Mawu tɔn lɛ́ɛ mɛ ɔ́ ǎ, có Mawu ka jɔwǔ mì, bó ɖɔ nyɛ ní jlá Wɛn Ɖagbe e nyí dɔkun maɖókpodó Klísu tɔn ɔ́ mɛ e ma nyí Jwifu ǎ lɛ́ɛ é.

Sɛ́nflínmɛ 18:2

Yě ná ɖó ayǐkúngban ɖěbǔ ɖo Izlayɛ́li ví ɖě lɛ́ɛ tɛ́ntin ǎ; Mawu Mavɔmavɔ wɛ nyí nǔ e yě ɖǒ é.

Eblée 5:4

Mɛ ɖěbǔ nɔ na susu e ɖo vɔ̌sánú-xwlémawutɔ́ ɖaxó nyínyí mɛ ɔ́ éɖée ǎ; lo ɔ́, Mawu wɛ nɔ ylɔ́ mɛ lě e é ylɔ́ Aalɔ́ɔn gbɔn é.

Jozuwée 18:7

Levíi ví lɛ́ɛ ɔ́, è nǎ ná ayǐkúngban ɖě yě ǎ, ɖó nǔ e nyí yětɔn ɔ́ jɛ́n kó nyí ɖɔ yě ná nyí vɔ̌sánú-xwlémawutɔ́, bó ná wa azɔ̌ nú Mawu Mavɔmavɔ. Akɔta Gadi tɔn kpódó Hwlibɛ́ni tɔn kpó, kpódó akɔta vlɔ́ Manasée tɔn kpó ɔ́, è ko ná ayǐkúngban yědɛɛ lɛ́ɛ ɖo Judɛ́ɛn tɔ ɔ́ sín zǎnzǎnhwe jí. Mɛsɛntɔ́ Mawu Mavɔmavɔ tɔn Mɔyízi ɖésú wɛ ná yě.”

1 Piyɛ́ɛ 5:2

mi kpé nukún dó mɛ e Mawu sɔ́ dó así nú mi lɛ́ɛ wú, lě e lɛ̌ngbɔ́nyitɔ́ lɛ́ɛ nɔ kpé nukún dó lɛ̌ngbɔ́ e è sɔ́ dó así nú yě lɛ́ɛ wú gbɔn é; mi sɔ́ jlǒ ɖagbe dó kpé nukún dó yě wú lě e Mawu jló gbɔn é; ní ma nyí gǎn wɛ é hú mi bɔ mi bló ó. Mi wa azɔ̌ mitɔn kpódó bǐbí ɖó dó nǔ wǔ kpán; ní ma nyí akwɛ́ wɛ mi xwedó ó.

1 Piyɛ́ɛ 5:3

Mi ma nɔ ba ná kpa acɛ gannaganna nú mɛ e è sɔ́ dó así nú mi ɖɔ mi ní kpé nukún dó yě wú lɛ́ɛ ó; lo ɔ́, mi ní nyí kpɔ́ndéwú nú lɛ̌ngbɔ́ lɛ́ɛ.

1 Samuwɛ́li 2:28

Un sɔ́ tɔ́gbó towe Aalɔ́ɔn xwédo ɔ́ ɖo akɔta Izlayɛ́li tɔn lɛ́ɛ bǐ mɛ, bɔ é ná wa vɔ̌sánú-xwlémawutɔ́zɔ́ nú mì; yě wɛ ná nɔ sɛkpɔ́ vɔ̌sákpe ce, bó ná nɔ́ dó zǎlínkpɔ́n zo, bó ná nɔ́ kan xó byɔ́ mì; vɔ̌ e Izlayɛ́li ví lɛ́ɛ ná sá, bɔ è nǎ dǒ zo ɔ́, un ná lan tɔn ɖě yě ɖ'é mɛ.