Kɛ́nsísɔ́ 18:6 - MAWUXÓWÉMA

⁶ Éɖíe! Un ɖe nɔví mitɔn Levíi ví lɛ́ɛ sín Izlayɛ́li ví ɖě lɛ́ɛ mɛ. Yě nyí ce bɔ un sɔ́ yě dó así nú mi, bónú yě ná nɔ́ wa azɔ̌ lɛ́ɛ ɖo Goxɔ ɔ́ mɛ.

Kɛ́nsísɔ́ 18:6 Iomraidhean Croise

Bǐbɛ́mɛ 6:17

Đó nyɛ ná bló bɔ tɔ ná ɖi sín kpé fí bǐ, bɔ nǔ e kó sixú ɖo gbɛ ɖo ayǐkúngban jí é bǐ ná kú. Un ná sú nǔ e ɖó funfún ɖo ayǐkúngban jí é bǐ sín kún dó.

Bǐbɛ́mɛ 9:9

“Nyɛ ɔ́, un jɛ akɔ xá mi, bó jɛ xá kúnkan mitɔn lɛ́ɛ,

Tíntɔ́n 14:17

Bɔ nyɛ ɔ́, un ná bló bɔ Ejípunu lɛ́ɛ ná tlí tó, bó ná jɛ gǔdo mitɔn byɔ́ xu ɔ́ mɛ. Énɛ́ ɔ́, un ná sɔ́ axɔ́sú Ejípu tɔn ɔ́ kpó ahwangɔnu tɔn bǐ kpó, kpó ahwankɛkɛ́ví tɔn lɛ́ɛ kpó, kpódó sɔ́xátɔ́ tɔn lɛ́ɛ kpó dó ɖe susu ce xlɛ́.

Tíntɔ́n 31:6

Un sɔ́ Oxoliyavu Axisamaki ví ɔ́ gɔ́ n'i; akɔta Dan tɔn ɔ́ mɛ wɛ é jɔ ɖe; un ná alɔlyɛ́nwiwa alɔnuzɔ́watɔ́ ɖěvo lɛ́ɛ. Yě ná nɔ kpɔ́, bó ná bló nǔ e un ɖɔ hwi ní bló lɛ́ɛ bǐ:

Ezayíi 48:15

Nyɛ wɛ ɖɔ xó, nyɛ wɛ; nyɛ wɛ ylɔ́ ɛ, nyɛ wɛ ɖɔ bɔ é wá. É sɔ́ nǔɖé bó ná bló ɔ́, un ná bló bɔ bǐ ná nyɔ́.

Ezayíi 51:12

Mawu ɖɔ: “Nyi wɛ nɔ dó wǔsyɛ́n lanmɛ nú mi; nyi wɛ nɔ bló mɔ̌; togun ce, étɛ́wú a ka nɔ ɖi xɛsi nú gbɛtɔ́? Gbɛtɔ́ bǐ wɛ nɔ́ kú; gběhan gbɛ mɛ wɛ yě ɖe.

Ezekiyɛ́li 34:11

“Xó e nyɛ Aklúnɔ Mavɔmavɔ ɖɔ ɔ́ ɖíe: Bɛ́ sín din ɔ́, nyɛ Aklúnɔ Mavɔmavɔ ɔ́, nyi ɖésú wɛ ná yi ba lɛ̌ngbɔ́ ce lɛ́ɛ mɔ, bó kpé nukún dó yě wú.

Ezekiyɛ́li 34:20

Énɛ́ wú wɛ nyɛ Aklúnɔ Mavɔmavɔ ɖo ɖiɖɔ nú mi wɛ ɖɔ nyɛ ɖésúnɔ ná wá gbo hwɛ nú lɛ̌ngbɔ́ gǒxúxú kpó lɛ̌ngbɔ́ kloklo kpó.

Kɛ́nsísɔ́ 3:12

“Nyɛ Mawu Mavɔmavɔ ɖésú wɛ sɔ́ Levíi ví súnnu lɛ́ɛ ɖo Izlayɛ́li ví ɖě lɛ́ɛ bǐ mɛ, bó sɔ́ yě ɖó togun Izlayɛ́li tɔn ɔ́ sín nukɔngbéví lɛ́ɛ bǐ do mɛ; ce wɛ yě nyí.

Kɛ́nsísɔ́ 3:13

Nǔgbó ɔ́, gbe e gbe un hu Ejípunu lɛ́ɛ sín nukɔngbéví súnnu lɛ́ɛ bǐ ɔ́, un ɖe Izlayɛ́li ví lɛ́ɛ sín nukɔngbéví súnnu lɛ́ɛ kpódó kanlin yětɔn lɛ́ɛ sín nukɔngbéví asú lɛ́ɛ kpó ɖó vo nú nyɛɖée; ce wɛ yě nyǐ. Nyɛ wɛ nyí Mawu Mavɔmavɔ.”

Kɛ́nsísɔ́ 3:45

“Đe Levíi ví lɛ́ɛ ɖó vo nú yě ná nyí nyɛ Mawu Mavɔmavɔ ɔ́ tɔn, ɖó Izlayɛ́li ví ɖě lɛ́ɛ sín nukɔngbéví lɛ́ɛ sín tɛnmɛ, bónú yě ná nyí ce. Mɔ̌ ɖokpó ɔ́, jǒ Levíi ví lɛ́ɛ sín kanlin lɛ́ɛ nú mì, ɖó Izlayɛ́li ví ɖě lɛ́ɛ sín kanlin lɛ́ɛ sín nukɔngbéví lɛ́ɛ tɛnmɛ, bónú yě ná nyí ce.

Kɛ́nsísɔ́ 3:6

“Kplá Levíi ví lɛ́ɛ dó así nú vɔ̌sánú-xwlémawutɔ́ Aalɔ́ɔn, bónú yě ná nɔ́ gɔ́ alɔ n'i.

Kɛ́nsísɔ́ 3:9

Énɛ́ ɔ́, a nǎ sɔ́ Levíi ví lɛ́ɛ jó nú Aalɔ́ɔn kpódó vǐ tɔn súnnu lɛ́ɛ kpó bónú yě ná dó alɔ yě. Izlayɛ́li ví ɖě lɛ́ɛ ná sɔ́ yě jó bǐ gbídígbídí.