Kɛ́nsísɔ́ 18:5 - MAWUXÓWÉMA

⁵ Midɛɛ lɛ́ɛ ká ná nɔ́ wa azɔ̌ e nyí azɔ̌ mitɔn ɔ́ ɖo tɛn mímɛ́ ɔ́ mɛ, bó ná nɔ́ wa ɖo vɔ̌sákpe ɔ́ kɔn, bónú Mawu Mavɔmavɔ ní má sɔ́ sin xomɛ ɖě dó Izlayɛ́li ví lɛ́ɛ ó.

Kɛ́nsísɔ́ 18:5 Iomraidhean Croise

1 Tan 23:24

Levíi ví e nyí hɛ̌nnugán bɔ è sɔ́ yě mɛ ɖokpó ɖokpó sín kɛ́n lɛ́ɛ nɛ́. Yědɛɛ lɛ́ɛ wɛ è ɖe, bɔ mɛ e ɖó bɛ́ sín xwe ko káká sɔ́yi lɛ́ɛ nɔ́ wa azɔ̌ ɖo Mawu Mavɔmavɔ xwé ɔ́ gbe.

1 Tan 23:32

Yě ná nɔ́ kpé nukún dó goxɔ Mawu Mavɔmavɔ tɔn ɔ́ kpó tɛn mímɛ́ bǐ ɔ́ kpó wú, bó ná nɔ dó alɔ nɔví yětɔn Aalɔ́ɔn ví lɛ́ɛ ɖo azɔ̌ e yě nɔ́ wa ɖo Mawu Mavɔmavɔ xwé gbe lɛ́ɛ kɔn.

1 Tan 24:5

Akɔ wɛ è nyi bo dó má yě, ɖó gǎn e ɖo Mawu Mavɔmavɔ xwé ɔ́ sín azɔ̌ ɔ́ nu, bɔ è nɔ lɛ́ ylɔ́ yě ɖɔ “azɔ̌gán Mawu tɔn” lɛ́ɛ kó ɖo Eleazáa kpó Itamáa kpó ví lɛ́ɛ mɛ.

1 Tan 9:19

Calúmu Kɔlée ví, Eviyasáfu vívú, Kolée vívú vivu ɔ́, kpódó mɛ ɖě lɛ́ɛ e ɖo Kolée hɛ́nnu mɛ lɛ́ɛ kpó wɛ nɔ́ nɔ goxɔ e mɛ è nɔ kpé Mawu Mavɔmavɔ ɖe ɔ́ sín ali nu, lě e tɔ́gbó yětɔn lɛ́ɛ nɔ́ bló gbɔn ɖ'ayǐ, ɖo fí e togun Mawu Mavɔmavɔ tɔn ɔ́ nɔ́ ɖó gɔnu ɖó é.

1 Tan 9:23

Yědɛɛ lɛ́ɛ kpó vǐ yětɔn lɛ́ɛ kpó wɛ nɔ́ nɔ Mawu Mavɔmavɔ xwé ɔ́ sín ali nu; yě wɛ nɔ́ cɔ́ goxɔ ɔ́.

1 Tan 9:33

Yě mɛ e nɔ kpé nukún dó hanjiji wú, bó nyí hɛ̌nnugán Levíi ví lɛ́ɛ tɔn lɛ́ɛ nɛ́; yě mɛ ɖokpó ɖokpó ɖó xɔ yětɔn yětɔn. Yě sɔ́ nɔ wa azɔ̌ ɖěvo ǎ, ɖó yě nɔ́ ɖo hanzɔ́ ɔ́ kɔn zǎn kpó kéze kpó.

Tíntɔ́n 27:21

Aalɔ́ɔn kpódó vǐ tɔn lɛ́ɛ kpó ná nɔ́ kpé nukún dó zogbɛ́n lɛ́ɛ wú ɖo goxɔ ɔ́ mɛ, ɖo xɔmɛgbovɔ e gúdo akɔjijɛgbá ɔ́ ɖe ɔ́ nukɔn; zogbɛ́n lɛ́ɛ ná ɖo títá ɖo nukɔn ce zǎn kéze. Izlayɛ́li ví lɛ́ɛ ɖó ná nyi sɛ́n énɛ́ ɔ́ káká sɔ́yi, sín jijimɛ ɖě yi ɖě jí.”

Jelemíi 23:15

Énɛ́ ɔ́ wú wɛ nyɛ Mawu Mavɔmavɔ, Mawu Nǔbǐwúkpétɔ́ ɔ́, un ɖɔ dó gbeyíɖɔ lɛ́ɛ wú ɖɔ: Un ná ná yě ama e vɛ́ dódó é; un ná ná yě sin e mɛ è kɔn nǔvɛ́nu dó é, bɔ yě ná nu. Đó gbeyíɖɔ Jeluzalɛ́mu tɔn lɛ́ɛ jí wɛ nǔ nyanya gbɔn, bó byɔ́ to ɔ́ mɛ.”

Ezekiyɛ́li 44:15

“Vɔ̌sánú-xwlémawutɔ́ Levíi ví e nyí Sadɔ́ku ví lɛ́ɛ ɔ́, hwenu e Izlayɛ́li ví lɛ́ɛ jó nyɛ Mawu Mavɔmavɔ ɔ́ dó bó ɖo ali bú wɛ ɔ́, yědɛɛ lɛ́ɛ xwedó xwé ce sín sɛ́n lɛ́ɛ. Énɛ́ ɔ́ wú ɔ́, yě kɛ́ɖɛ́ wɛ ná nɔ́ wa azɔ̌ nú mì, yě wɛ ná nɔ́ sɔ́ kanlin e è hu dó sá vɔ̌ lɛ́ɛ sín jǒ kpó hun kpó xwlé mì. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 44:16

Yě ɖokpónɔ wɛ ná nɔ́ byɔ́ xwé ce gbe, bó ná nɔ́ sɛkpɔ́ távo ce, bó ná nɔ́ xwedó tito e un ɖó ayǐ bɔ è nǎ nɔ xwedó dó wa azɔ̌ ɖo xwé ce gbe lɛ́ɛ.

Levíi ví 10:6

Énɛ́ ɔ́ gúdo ɔ́, Mɔyízi ɖɔ nú Aalɔ́ɔn kpó vǐ súnnu tɔn Eleazáa kpó Itamáa kpó ɖɔ: “Mi ma jó ɖa mitɔn dó nyi kannyaa ó, mi ma vún awu mitɔn lɛ́ɛ ó. É má nyí mɔ̌ ǎ ɔ́, mi táá kú, Mawu Mavɔmavɔ táá wá sin xomɛ dó togun ɔ́ bǐ. Mi jó Izlayɛ́li ví nɔví súnnu mitɔn lɛ́ɛ bǐ dó nú yě ní ví mɛ e Mawu Mavɔmavɔ zé myɔ dó hu lɛ́ɛ.

Levíi ví 24:3

Aalɔ́ɔn ná sɔ́ zogbɛ́nhɛnnú ɔ́ dó goxɔ e mɛ un nɔ kpé mi ɖe ɔ́ mɛ, ɖo xɔmɛgbovɔ e gúdo akɔjijɛgbá ɔ́ ɖe ɔ́ nukɔn. Zogbɛ́n lɛ́ɛ ná ɖo jiji wɛ ɖo nukɔn ce dɔ̌n sín gbadanu káká bɔ ayǐ ná hɔ́n. Mi ɖó ná nɔ́ xwedó tito énɛ́ ɔ́ káká sɔ́yi, jijimɛ ɖě jɛ ɖě gúdo.

Zakalíi 10:3

Mawu Mavɔmavɔ ɖɔ: “Un sin xomɛ dó lɛ̌ngbɔ́nyitɔ́ lɛ́ɛ. Un ná dɔn tó nú gbɔ̌sú lɛ́ɛ . Đó nyɛ Mawu Mavɔmavɔ Nǔbǐwúkpétɔ́ ɔ́, un ná kpé nukún dó kanlinkpó ce, Judáa togun ɔ́ wú. Un ná kplá ɛ yi ahwan fun gbé sɔ́ e xɔ susu é ɖɔhun.

Kɛ́nsísɔ́ 1:50

A nǎ zé azɔ̌ e nyí Goxɔ ɔ́ tɔn lɛ́ɛ dó alɔ mɛ nú Levíi ví lɛ́ɛ; fínɛ́ wɛ akɔjijɛgbá ɔ́ ɖe. Nǔ e è dǒ bló Goxɔ ɔ́ ná lɛ́ɛ kpó nǔ e è nɔ zán ɖo xwé ɔ́ gbe lɛ́ɛ kpó sín azɔ̌ lɛ́ɛ ɔ́, a nǎ zé dó alɔ mɛ nú yě. Yě wɛ ná nɔ́ zé Goxɔ ɔ́ kpó nǔ e è nɔ zán ɖ'é mɛ lɛ́ɛ bǐ kpó. Yě wɛ ná nɔ wa azɔ̌ ɖo xwé ɔ́ gbe; yě wɛ ná nɔ́ ɖó gɔnu lɛ́ lɛ̌ dó Goxɔ ɔ́.

Kɛ́nsísɔ́ 1:53

Amɔ̌, kúnkan Levíi tɔn lɛ́ɛ kɛ́ɖɛ́ wɛ ná nɔ́ ɖó gɔnu lɛ́ lɛ̌ dó Goxɔ ɔ́, bó ká ná nɔ́ ɖo azɔ̌ yětɔn wa wɛ. Énɛ́ ɔ́, Izlayɛ́li ví lɛ́ɛ ná dɔn xomɛsin nyɛ Mawu Mavɔmavɔ tɔn dó yěɖée jí ǎ.”

Kɛ́nsísɔ́ 18:4

Yě ná xo kpó ɖó nú mi, bó ná wa sinsɛnzɔ́ lɛ́ɛ bǐ kpó azɔ̌ e è nǎ wa ɖo Goxɔ ɔ́ mɛ lɛ́ɛ kpó. Mɛ e ma nyí Levíi ví ǎ ɖěbǔ ká ná sɛkpɔ́ mi ǎ.

Kɛ́nsísɔ́ 4:18

“Mi ma lɔn nú Kexáti ví lɛ́ɛ wa nǔ e yě ná wa bɔ un ná hu yě ɔ́ ó.

Kɛ́nsísɔ́ 8:19

Un ɖe Levíi ví lɛ́ɛ sín Izlayɛ́li ví ɖě lɛ́ɛ tɛ́ntin, bó sɔ́ yě jó nú Aalɔ́ɔn kpódó vǐ tɔn súnnu lɛ́ɛ kpó, bónú yě ná nɔ́ wa Izlayɛ́li ví lɛ́ɛ sín azɔ̌ ɖo Goxɔ ɔ́ mɛ, bó ná sá vɔ̌ e nɔ́ súnsún hwɛ ɔ́ ɖó ta yětɔn mɛ. Énɛ́ ɔ́, nú Izlayɛ́li ví lɛ́ɛ sɛkpɔ́ Mawu xwé ɔ́, nyladó ɖěbǔ ná kɔn dó yě jí ǎ.”

Kɛ́nsísɔ́ 8:2

é ní ɖɔ nú Aalɔ́ɔn ɖɔ: “Hwenu e a nǎ bɛ́ zogbɛ́n tɛ́nwe lɛ́ɛ ɖó zogbɛ́nhɛnnú ɔ́ jí ɔ́, blǒ bónú yě nǐ ɖi ɖɛ̌ dó nukɔn.”

1 Timɔtée 1:18

Vǐ ce Timɔtée, un ɖo nǔ élɔ́ zɔ́n we wɛ, bɔ é sɔgbe xá nǔ e Mawu ɖɔ é ná jɛ dó jǐ towe lɛ́ɛ, bɔ è ko ɖɔ nú we ɖ'ayǐ é. Xwedó xó énɛ́ lɛ́ɛ, bó ná dó fun ahwan ɖagbe ɔ́,

1 Timɔtée 3:15

È ka nɔ tunwun ǎ; ényí wǐwá ce wá ɖo lǐnlín wɛ ɔ́, wěma élɔ́ ná zɔ́n bɔ a nǎ tunwun lě e a nǎ wa nǔ gbɔn ɖo xwédo Mawu tɔn mɛ é; xwédo e nyí agun Mawu gbɛɖe ɔ́ tɔn, bó nyí dotín kpódó sósyɛ́n kpó nú nǔgbó ɔ́ é.

1 Timɔtée 5:21

Un ɖo byɔ̌byɔ́ we wɛ syɛ́nsyɛ́n ɖo Mawu nukɔn, ɖo Klísu Jezu nukɔn, ɖo wɛnsagun mímɛ́ Mawu tɔn lɛ́ɛ nukɔn ɖɔ hwi ní se tónú nú sɛ́n énɛ́ lɛ́ɛ. Ma nɔ mɛɖé jí ó; ma ka lɔn nú mɛɖé sín nǔ nyɔ́ nukún towe mɛ hú mɛɖé ɖo nǔwiwa towe lɛ́ɛ mɛ ó.

1 Timɔtée 6:20

Timɔtée, hɛn nǔ e è sɔ́ dó así nú we ɔ́ syɛ́nsyɛ́n. Nɔ hɔn nú xógbló, xó e ma sɔgbe xá nǔɖiɖi ɔ́ ǎ lɛ́ɛ, bó hɔn nú nǔnywɛ́ ma nyí nǔnywɛ́ e mɛ lɛ́ɛ nɔ ylɔ́ ɖɔ nǔnywɛ́, bó nɔ ɖo nǔ dɔn ɖ'é kɔn wɛ é.