Kɛ́nsísɔ́ 18:4 - MAWUXÓWÉMA

⁴ Yě ná xo kpó ɖó nú mi, bó ná wa sinsɛnzɔ́ lɛ́ɛ bǐ kpó azɔ̌ e è nǎ wa ɖo Goxɔ ɔ́ mɛ lɛ́ɛ kpó. Mɛ e ma nyí Levíi ví ǎ ɖěbǔ ká ná sɛkpɔ́ mi ǎ.

Kɛ́nsísɔ́ 18:4 Iomraidhean Croise

Ezekiyɛ́li 44:14

Din ɔ́, azɔ̌ kpaa e ɖo xwé ce gbe lɛ́ɛ wɛ un ná sɔ́ dó así nú yě bɔ yě ná nɔ́ wa.”

Kɛ́nsísɔ́ 1:51

Nú è ɖo tɛn ná sɛ nú Goxɔ ɔ́ wɛ hweɖěbǔnu ɔ́, Levíi ví lɛ́ɛ wɛ ná nɔ́ tún; nú è nǎ nɔ te fí ɖé bó ɖó gɔnu ɖó fínɛ́ ɔ́, yědɛɛ lɛ́ɛ wɛ ná nɔ́ ján Goxɔ ɔ́. Nú mɛ ɖěvo ɖé sɛkpɔ́ ɔ́, è ná hu i.

Kɛ́nsísɔ́ 1:53

Amɔ̌, kúnkan Levíi tɔn lɛ́ɛ kɛ́ɖɛ́ wɛ ná nɔ́ ɖó gɔnu lɛ́ lɛ̌ dó Goxɔ ɔ́, bó ká ná nɔ́ ɖo azɔ̌ yětɔn wa wɛ. Énɛ́ ɔ́, Izlayɛ́li ví lɛ́ɛ ná dɔn xomɛsin nyɛ Mawu Mavɔmavɔ tɔn dó yěɖée jí ǎ.”

Kɛ́nsísɔ́ 18:3

Mi zɔ́n nǔ ɖěbǔ yě ɔ́, yě ná wa; yě ná nɔ́ wa azɔ̌ e kan Goxɔ ɔ́ lɛ́ɛ bǐ. Lo ɔ́, yě ná sɛkpɔ́ nǔ mímɛ́ lɛ́ɛ ǎ; yě ná sɛkpɔ́ vɔ̌sákpe ɔ́ ǎ; é má nyí mɔ̌ ǎ ɔ́, mi kpó yě kpó bǐ ná kú.

Kɛ́nsísɔ́ 18:5

Midɛɛ lɛ́ɛ ká ná nɔ́ wa azɔ̌ e nyí azɔ̌ mitɔn ɔ́ ɖo tɛn mímɛ́ ɔ́ mɛ, bó ná nɔ́ wa ɖo vɔ̌sákpe ɔ́ kɔn, bónú Mawu Mavɔmavɔ ní má sɔ́ sin xomɛ ɖě dó Izlayɛ́li ví lɛ́ɛ ó.

Kɛ́nsísɔ́ 3:10

A nǎ sɔ́ Aalɔ́ɔn kpódó vǐ tɔn súnnu lɛ́ɛ kpó, bɔ yědɛɛ lɛ́ɛ kɛ́ɖɛ́ wɛ ná nɔ wa vɔ̌sánú-xwlémawutɔ́ zɔ́ ɔ́. Nú mɛ ɖěvo e ma nyí vɔ̌sánú-xwlémawutɔ́ ǎ ɖě sɛkpɔ́ azɔ̌ énɛ́ ɔ́, è ɖǒ ná hu i.”

Kɛ́nsísɔ́ 31:30

Nǔ e nyí Izlayɛ́li ví ɖě lɛ́ɛ tɔn lɛ́ɛ ɔ́, a nǎ zé gbɛtɔ́ ɖokpó ɖo gbɛtɔ́ kanɖé wǒ (50) jí, nyibú ɖokpó ɖo nyibú kanɖé wǒ (50) jí, tócí ɖokpó ɖo tócí kanɖé wǒ (50) jí, lɛ̌ngbɔ́ ɖokpó ɖo lɛ̌ngbɔ́ kanɖé wǒ (50) jí, bó ná bló nǔ ɖokpó ɔ́ nú kanlin alɔkpa alɔkpa lɛ́ɛ bǐ; a nǎ bɛ́ nǔ énɛ́ lɛ́ɛ e a jɔ ɔ́ nú Levíi ví e nɔ́ kpé nukún dó nyɛ Mawu Mavɔmavɔ sín nɔtɛn wú lɛ́ɛ é.”

Kɛ́nsísɔ́ 8:26

É ná nɔ́ gɔ́ alɔ nú nɔví tɔn lɛ́ɛ ɖo Goxɔ ɔ́ mɛ, bó ná nɔ́ kpé nukún dó nǔ e è sɔ́ ɖ'ayǐ nú yě lɛ́ɛ wú. Lo ɔ́, azɔ̌ sɔ́ ná nɔ́ jɛ yě jí ɖě ǎ. Lě e a nǎ nɔ́ bló gbɔn nú Levíi ví lɛ́ɛ ɖo azɔ̌ yětɔn sín alixo ɔ́ nɛ́.”

1 Samuwɛ́li 6:19

Bɛti-Cɛmɛ́cinu lɛ́ɛ kpɔ́n akɔjijɛgbá Mawu Mavɔmavɔ tɔn ɔ́ mɛ, bɔ Mawu Mavɔmavɔ hu súnnu kanɖé gban (70) ɖo yě mɛ, bɔ to ɔ́ bǐ byɔ́ aluwɛ mɛ, ɖó Mawu Mavɔmavɔ sín alɔ wɛ jɛ yě wú.