Kɛ́nsísɔ́ 18:30 - MAWUXÓWÉMA

³⁰ A nǎ lɛ́ ɖɔ nú yě ɖɔ: ‘Nú mi ɖe éé ná ná Mawu Mavɔmavɔ wɛ mi ɖe lɛ́ɛ ɔ́, éé kpo ɔ́ ná nyí mitɔn, lě e nɔví mitɔn ɖě lɛ́ɛ ná mǎɖówǒ yětɔn lɛ́ɛ ɔ́, jinukún e kpo ɔ́ kpó vɛ̌ɛn e kpo ɔ́ kpó nɔ́ nyí yětɔn gbɔn é.

Kɛ́nsísɔ́ 18:30 Iomraidhean Croise

Bǐbɛ́mɛ 43:11

Énɛ́ ɔ́, tɔ́ yětɔn Jakɔ́bu ɖɔ nú yě ɖɔ: “Ényí mɔ̌ wɛ hǔn, nǔ e mi ná bló ɔ́ ɖíe: nú mi xweyǐgbe ɔ́, mi ná hɛn nǔ e nyɔ́ hú nǔ bǐ ɖo to mǐtɔn mɛ lɛ́ɛ ati mɛ, bó ná yi ná nya ɔ́: mi ná hɛn célu kpɛɖé, wǐin kpɛɖé, bó ná hɛn nǔsáwǔ wǎnɖagbenɔ, atínhúnhɔ́n kpɛɖé, pitáci kpɛɖé, kpódó amadi kpɛɖé kpó.

Bǐbɛ́mɛ 50:10

Ée yě jɛ Golɛnu-Atadi ɖo Judɛ́ɛn tɔ ɔ́ gúdo ɔ́, yě wa cyɔnú ɖo fínɛ́ bɔ é fɛ́ wǔ titewungbe. Énɛ́ ɔ́, Jozɛ́fu nɔ aluwɛ mɛ xɔ azǎn tɛ́nwe nú tɔ́ tɔn.

Tíntɔ́n 29:27

“A nǎ ɖe xlɛ́ ɖɔ agbo ɔ́ sín akɔ́n kpó asá tɔn kpó e è ɖe, bó xwlé nyɛ Mawu Mavɔmavɔ gbɔn mɔ̌ ɔ́, lan e è sɔ́ ɖó vo nú mì ɔ́ wɛ.

Malacíi 1:8

Ée mi nɔ hɛn kanlin nukúntíntɔ́nnɔ, kanlin gǒ lílɔ́ ɖé, abǐ kanlin azinzɔnnɔ wá xwlé mì ɔ́, nǔ sɔgbe wa wɛ mi ɖe bó vɛdó a? Ényí mi yi ná kanlin mɔ̌hunkɔtɔn tokpɔngán ɔ́, é ná víví n'i bɔ é na ɖo gbesisɔ mɛ bo ná ná nǔ e ba wɛ mi ɖe ɔ́ mi wɛ mi vɛdó a? Nǔ wɛ nyí bɔ nyɛ Mawu Mavɔmavɔ Nǔbǐwúkpétɔ́ ɔ́ ɖo kinkanbyɔ́ mi wɛ.

Kɛ́nsísɔ́ 18:29

Nǔ e è nǎ ná mi lɛ́ɛ bǐ mɛ ɔ́, ée nyɔ́ hú ɖě lɛ́ɛ bǐ sésé lɛ́ɛ mɛ wɛ mi ná ɖe ɖe, bɔ è nǎ sɔ́ ɖó vo nú mì.

Kɛ́nsísɔ́ 18:31

Mi kpó xwédo mitɔn kpó ná ɖu ɖo fí e jló mi é, ɖó axɔ́ e è sú mi ɖó azɔ̌ e mi wa ɖo Goxɔ ɔ́ mɛ ɔ́ nu ɔ́ nɛ́.

Matíe 6:33

Axɔ́súɖuɖu Mawu tɔn kpódó jlǒ tɔn wiwa kpó ní nɔ́ myá nukún nú mi jɛ nukɔn; énɛ́ ɔ́, é ná ná nǔ énɛ́ lɛ́ɛ bǐ mi.

Sɛ́nflínmɛ 6:5

A nǎ yí wǎn nú Mawu Mavɔmavɔ, Mawu towe kpódó ayi towe bǐ kpó, kpódó lǐndɔ̌n towe bǐ kpó, kpódó hlɔ̌nhlɔ́n towe bǐ kpó.