Kɛ́nsísɔ́ 18:3 - MAWUXÓWÉMA

³ Mi zɔ́n nǔ ɖěbǔ yě ɔ́, yě ná wa; yě ná nɔ́ wa azɔ̌ e kan Goxɔ ɔ́ lɛ́ɛ bǐ. Lo ɔ́, yě ná sɛkpɔ́ nǔ mímɛ́ lɛ́ɛ ǎ; yě ná sɛkpɔ́ vɔ̌sákpe ɔ́ ǎ; é má nyí mɔ̌ ǎ ɔ́, mi kpó yě kpó bǐ ná kú.

Kɛ́nsísɔ́ 18:3 Iomraidhean Croise

Ezekiyɛ́li 44:13

Yě sɔ́ ná wá gɔ̌n ce bó wá wa vɔ̌sánú-xwlémawutɔ́ zɔ́ ɖě gbeɖé ǎ. Nǔ e è nɔ dó wa azɔ̌ nú mì lɛ́ɛ ɔ́, yě sɔ́ ná sɛkpɔ́ ɖě ǎ; yě sɔ́ ná wá tɛn mímɛ́ bǐ ɔ́ mɛ ɖě ǎ. Winnyánú e yě wa, bó dó nǔ baɖabaɖa lɛ́ɛ sin ɔ́ ji nǔɖé ɔ́, yě ná kpan.

Kɛ́nsísɔ́ 1:51

Nú è ɖo tɛn ná sɛ nú Goxɔ ɔ́ wɛ hweɖěbǔnu ɔ́, Levíi ví lɛ́ɛ wɛ ná nɔ́ tún; nú è nǎ nɔ te fí ɖé bó ɖó gɔnu ɖó fínɛ́ ɔ́, yědɛɛ lɛ́ɛ wɛ ná nɔ́ ján Goxɔ ɔ́. Nú mɛ ɖěvo ɖé sɛkpɔ́ ɔ́, è ná hu i.

Kɛ́nsísɔ́ 1:53

Amɔ̌, kúnkan Levíi tɔn lɛ́ɛ kɛ́ɖɛ́ wɛ ná nɔ́ ɖó gɔnu lɛ́ lɛ̌ dó Goxɔ ɔ́, bó ká ná nɔ́ ɖo azɔ̌ yětɔn wa wɛ. Énɛ́ ɔ́, Izlayɛ́li ví lɛ́ɛ ná dɔn xomɛsin nyɛ Mawu Mavɔmavɔ tɔn dó yěɖée jí ǎ.”

Kɛ́nsísɔ́ 18:4

Yě ná xo kpó ɖó nú mi, bó ná wa sinsɛnzɔ́ lɛ́ɛ bǐ kpó azɔ̌ e è nǎ wa ɖo Goxɔ ɔ́ mɛ lɛ́ɛ kpó. Mɛ e ma nyí Levíi ví ǎ ɖěbǔ ká ná sɛkpɔ́ mi ǎ.

Kɛ́nsísɔ́ 18:7

Amɔ̌, Aalɔ́ɔn, hwɛ kpó vǐ towe lɛ́ɛ kpó ɔ́, mi ná nɔ́ wa vɔ̌sánú-xwlémawutɔ́ zɔ́ ɖo vɔ̌sákpe ɔ́ kɔn, bó ná nɔ́ wa ɖo tɛn mímɛ́ bǐ ɔ́ mɛ, ɖo xɔmɛgbovɔ ɔ́ gúdo. Nyɛ wɛ ná azɔ̌ énɛ́ ɔ́ mi. Ényí mɛ ɖěvo séé sɛkpɔ́ mi ɔ́, é ná kú.”

Kɛ́nsísɔ́ 3:25

Gɛɛcɔ́ni ví lɛ́ɛ nɔ́ kpé nukún dó Goxɔ ɔ́ wú; yě nɔ́ kpé nukún dó nǔ e ɖo Goxɔ ɔ́ mɛ lɛ́ɛ, nǔ e ɖo Mawu xwé lɛ́ɛ, nǔ e è nɔ cyɔ́n dó Goxɔ ɔ́ kpódó avɔ e ɖo Goxɔ ɔ́ sín ali nu ɔ́ kpó wú.

Kɛ́nsísɔ́ 3:31

Hǔn yědɛɛ lɛ́ɛ wɛ nɔ kpé nukún dó akɔjijɛgbá ɔ́ kpódó távo ɔ́ kpó, kpódó zogbɛ́nhɛnnú ɔ́ kpó, kpódó vɔ̌sákpe lɛ́ɛ kpó, kpódó nǔzínzán e è nɔ dó wa sinsɛnzɔ́ ná, ɖo tɛn mímɛ́ ɔ́ mɛ lɛ́ɛ kpó, kpódó xɔmɛgbovɔ ɔ́ kpó, kpódó nǔ e ɖ'é wú lɛ́ɛ bǐ kpó wú.

Kɛ́nsísɔ́ 3:36

Yě wɛ nɔ́ kpé nukún dó Goxɔ ɔ́ sín xwlɛ lɛ́ɛ kpódó atín e è nɔ dó blá wɛ̌n lɛ́ɛ kpó, kpódó dotín lɛ́ɛ kpó, kpódó nǔ e jí dotín lɛ́ɛ jínjɔ́n lɛ́ɛ kpó, kpódó nǔzínzán Mawu xwé ɔ́ gbe tɔn lɛ́ɛ bǐ kpó wú.

Kɛ́nsísɔ́ 31:30

Nǔ e nyí Izlayɛ́li ví ɖě lɛ́ɛ tɔn lɛ́ɛ ɔ́, a nǎ zé gbɛtɔ́ ɖokpó ɖo gbɛtɔ́ kanɖé wǒ (50) jí, nyibú ɖokpó ɖo nyibú kanɖé wǒ (50) jí, tócí ɖokpó ɖo tócí kanɖé wǒ (50) jí, lɛ̌ngbɔ́ ɖokpó ɖo lɛ̌ngbɔ́ kanɖé wǒ (50) jí, bó ná bló nǔ ɖokpó ɔ́ nú kanlin alɔkpa alɔkpa lɛ́ɛ bǐ; a nǎ bɛ́ nǔ énɛ́ lɛ́ɛ e a jɔ ɔ́ nú Levíi ví e nɔ́ kpé nukún dó nyɛ Mawu Mavɔmavɔ sín nɔtɛn wú lɛ́ɛ é.”

Kɛ́nsísɔ́ 4:15

Cóbónú yě ná jɛ ali ɔ́, Aalɔ́ɔn kpódó vǐ tɔn súnnu lɛ́ɛ kpó nɔ́ bú nǔ dó nǔ mímɛ́ énɛ́ lɛ́ɛ, kpódó nǔ e è nɔ zán ɖo nǔ énɛ́ lɛ́ɛ kɔn lɛ́ɛ kpó. Yě bló fó ɔ́, Kexáti sín vǐ súnnu lɛ́ɛ nɔ́ wá ɖíɖá. Lo ɔ́, yě ná ɖó alɔ nǔ mímɛ́ lɛ́ɛ ɖě wú ǎ; yě táá kú. Nú è tún Goxɔ ɔ́, azɔ̌ e nyí yědɛɛ lɛ́ɛ tɔn bɔ yě ná wa é nɛ́.