Kɛ́nsísɔ́ 18:23 - MAWUXÓWÉMA

²³ Levíi ví lɛ́ɛ kɛ́ɖɛ́ wɛ ná wa sinsɛnzɔ́ ɔ́ ɖo Goxɔ ɔ́ mɛ, bɔ hwɛ e yě ná hu ɖo Goxɔ ɔ́ mɛ lɛ́ɛ ná nɔ kɔ nú yě. Levíi ví lɛ́ɛ ná ɖó gǔ ɖě, akɔta Izlayɛ́li ví lɛ́ɛ tɔn ɖě lɛ́ɛ ɖɔhun ǎ; sɛ́n ɖé wɛ nyí sɛ́n énɛ́ ɔ́, bó ná nɔ ayǐ káká sɔ́yi.

Kɛ́nsísɔ́ 18:23 Iomraidhean Croise

Tíntɔ́n 27:21

Aalɔ́ɔn kpódó vǐ tɔn lɛ́ɛ kpó ná nɔ́ kpé nukún dó zogbɛ́n lɛ́ɛ wú ɖo goxɔ ɔ́ mɛ, ɖo xɔmɛgbovɔ e gúdo akɔjijɛgbá ɔ́ ɖe ɔ́ nukɔn; zogbɛ́n lɛ́ɛ ná ɖo títá ɖo nukɔn ce zǎn kéze. Izlayɛ́li ví lɛ́ɛ ɖó ná nyi sɛ́n énɛ́ ɔ́ káká sɔ́yi, sín jijimɛ ɖě yi ɖě jí.”

Ezekiyɛ́li 44:10

“Levíi ví e xwedó Izlayɛ́li ví ɖě lɛ́ɛ e jó mì dó, bó ɖo vodún yětɔn lɛ́ɛ sɛn wɛ lɛ́ɛ ɔ́, nǔ e yě wa ɔ́ ji nǔɖé ɔ́, yě ná kpan.

Kɛ́nsísɔ́ 18:1

Mawu Mavɔmavɔ ɖɔ nú Aalɔ́ɔn ɖɔ: “Bɛ́ sín din ɔ́, è wa nǔɖé nyi do ɖo Goxɔ ɔ́ mɛ ɔ́, hwi kpó vǐ towe lɛ́ɛ kpó, kpódó nɔví towe súnnu e ɖo akɔta Levíi tɔn ɔ́ mɛ lɛ́ɛ kpó wɛ agban tɔn ná kpɛn. Amɔ̌, ényí hwi kpó vǐ towe lɛ́ɛ kpó ɖo vɔ̌sánú-xwlémawutɔ́ sín azɔ̌ mitɔn wa wɛ ɖo Goxɔ ɔ́ mɛ bó wa nǔɖé nyi do ɔ́, hwi kpó vǐ towe lɛ́ɛ kpó wɛ agban tɔn ná kpɛn.

Kɛ́nsísɔ́ 18:20

Mawu Mavɔmavɔ lɛ́ ɖɔ nú Aalɔ́ɔn ɖɔ: “A nǎ ɖǒ ayǐkúngban ɖě ɖo to ɔ́ mɛ ǎ; kanta ɖěbǔ ná nyí towe ɖo yě mɛ ǎ; nyɛ wɛ nyí kanta towe, bó nyí nǔ e ná nyí towe ɖo Izlayɛ́li ví lɛ́ɛ tɛ́ntin é.”

Kɛ́nsísɔ́ 19:21

“Sɛ́n ɖé wɛ sɛ́n énɛ́ ɔ́ nyí, bó ná nɔ te káká sɔ́yi nú Izlayɛ́li ví lɛ́ɛ. Mɛ e ná mì wǔsláslá sin ɔ́ dó mɛ wú ɔ́, ná nya avɔ tɔn lɛ́ɛ. Mɛ e ka ná ɖó alɔ sin ɔ́ wú ɔ́ ná nyí mɛ blíblí káká jɛ gbadanu.

Kɛ́nsísɔ́ 26:62

Levíi ví súnnu e kó ɖó sun ɖokpó, kpó éé kó ɖó hú mɔ̌ lɛ́ɛ kpó sín kɛ́n wɛ è sɔ́, bɔ bǐ bló adɔ̌kpo ɖě afɔwó-afatɔ́n (23.000). È xa yědɛɛ lɛ́ɛ dó Izlayɛ́li ví ɖě lɛ́ɛ mɛ ǎ, ɖó è ɖó ná ná ayǐkúngban ɖě yědɛɛ lɛ́ɛ mɛ ɖě lɛ́ɛ ɖɔhun ǎ.

Kɛ́nsísɔ́ 3:7

Yě ná nɔ́ wa sinsɛnzɔ́ yětɔn ɖó Aalɔ́ɔn kpódó Izlayɛ́li togun ɔ́ bǐ kpó tɛnmɛ, ɖo Goxɔ ɔ́ nukɔn. Yě ná nɔ́ wa azɔ̌ e ɖo Goxɔ ɔ́ mɛ lɛ́ɛ.

Kɛ́nsísɔ́ 35:29

“Sɛ́n e mi kpó vǐ mitɔn lɛ́ɛ kpó ná nɔ́ xwedó hwebǐnu dó ɖɔ hwɛ xá mɛ ɖo fí e mi ná nɔ́ nɔ lɛ́ɛ bǐ é nɛ́.

Sɛ́nflínmɛ 10:9

Énɛ́ wɛ zɔ́n bɔ akɔta énɛ́ má ɖó ayǐkúngban ɖěbǔ ɖo akɔta ɖě lɛ́ɛ mɛ ǎ. Nǔ e yě ɖó acɛ ná ɔ́ wɛ nyí ɖɔ yě ná sɛn Mavɔmavɔ. Nǔ e Mawu Mavɔmavɔ, Mawu mitɔn ɖɔ nú yě ɔ́ nɛ́.

Jozuwée 13:14

Akɔta Levíi tɔn ɔ́ kɛ́ɖɛ́ jɛ́n è ma ná ayǐkúngban ɖě ǎ. Vɔ̌ e è nɔ dó zo nú Mawu Mavɔmavɔ, Mawu Izlayɛ́li tɔn ɔ́ wɛ nyí yětɔn, lě e Mawu Mavɔmavɔ ɖésú kó dó akpá tɔn n'i gbɔn é.