Kɛ́nsísɔ́ 18:21 - MAWUXÓWÉMA

²¹ Mawu Mavɔmavɔ lɛ́ ɖɔ nú Aalɔ́ɔn ɖɔ: “Un ná ná nǔ e nyɔ́ ɖo Izlayɛ́li lɛ́ɛ bǐ sín mǎɖówǒ Levíi ví súnnu lɛ́ɛ, ɖó azɔ̌ e wa wɛ yě ɖe ɖo Goxɔ ɔ́ mɛ ɔ́ nu.

Kɛ́nsísɔ́ 18:21 Iomraidhean Croise

Bǐbɛ́mɛ 14:20

Susu nú Mawu Ajalɔ̌nlɔn. É jó kɛntɔ́ towe lɛ́ɛ nú we.” Ablámu ná ɛ nǔ e é bɛ́ wá lɛ́ɛ bǐ sín mǎɖówǒ.

Bǐbɛ́mɛ 47:24

Amɔ̌, nú mi ya jinukún lɛ́ɛ ɔ́, mi ná ná atɔ́ɔ́nvlɔ́ɖó axɔ́sú ɔ́; do ɛnɛ e kpo ɔ́ mɛ wɛ mi kpó vǐ mitɔn lɛ́ɛ kpó, mɛ e ɖo xwé mitɔn gbe lɛ́ɛ kpó ná ɖu ɖe, bɔ mi ná lɛ́ dó ɖó gle lɛ́ɛ mɛ.”

Bǐbɛ́mɛ 47:26

Nǔ énɛ́ e Jozɛ́fu ɖó ayǐ ɔ́ húzú sɛ́n bɔ Jozɛ́fu ɖe tɔ́n, bɔ é kpo ɖo te káká jɛ égbé: ɖo Ejípu ɔ́, atɔ́ɔ́nvlɔ́ɖó jinukún e è ya lɛ́ɛ tɔn nɔ́ nyí axɔ́sú ɔ́ tɔn. Hunnɔ lɛ́ɛ kɛ́ɖɛ́ sín ayǐkúngban wɛ ma nyí axɔ́sú ɔ́ tɔn ǎ.

2 Tan 31:12

Énɛ́ ɔ́, è bɛ̌ nǔ e è jɔ lɛ́ɛ, mǎɖówǒ lɛ́ɛ kpódó nǔ mímɛ́ lɛ́ɛ kpó dó xɔ lɛ́ɛ mɛ; è ɖe ɖě kpo ǎ. Kɔnaniahu Levíi ví ɔ́ wɛ è sɔ́ ɖó nǔ énɛ́ lɛ́ɛ nu, bɔ nɔví tɔn Cimɛ́yi gɔ́ n'i.

Nɛɛmíi 10:29

Hwenu e mǐ ɖo kannumɔgbénu ɔ́, mɛ élɔ́ lɛ́ɛ gɔ́ nú yě: vɔ̌sánú-xwlémawutɔ́ Levíi ví lɛ́ɛ, hɔnjínɔtɔ́ lɛ́ɛ, hanjitɔ́ lɛ́ɛ, kpó mɛ e nɔ wa azɔ̌ kpaa ɖo Mawu xwé lɛ́ɛ kpó; toví wɛ nú yě. Mǐ mɛ e nɔ zɔ nú toɖévomɛnu lɛ́ɛ, bó nɔ́ gbejí nú Mawusɛ́n ɔ́ lɛ́ɛ ɔ́, mǐ kpó asi mǐtɔn lɛ́ɛ kpó, vǐ mǐtɔn súnnu kpó nyɔ̌nu kpó e ko ɖó nǔnywɛ́ lɛ́ɛ bǐ kpó wɛ gɔ́ nú yě.

Nɛɛmíi 10:37

Mǐ nɔ bɛ́ nukɔn ví mǐtɔn lɛ́ɛ yi Mawu xwé, bó nɔ bɛ́ vǐ nukɔntɔn e kanlin mǐtɔn lɛ́ɛ ji lɛ́ɛ yi Mawu xwé gbe lě e sɛ́n ɔ́ zɔ́n gbɔn é; mǐ nɔ bɛ́ vǐ nukɔntɔn e kanlin mǐtɔn ɖaxó ɖaxó lɛ́ɛ kpó kpɛví kpɛví lɛ́ɛ kpó ji lɛ́ɛ yi Mawu mǐtɔn sín xwé gbe, bó nɔ bɛ́ yě jó nú vɔ̌sánú-xwlémawutɔ́ e nɔ wa mawuxɔmɛzɔ́ lɛ́ɛ.

Nɛɛmíi 10:38

Mɔ̌ ɖokpó ɔ́, mǐ nɔ lɛ́ ná linfín mǐtɔn e nyɔ́ dóó ɔ́ ɖě vɔ̌sánú-xwlémawutɔ́ lɛ́ɛ, bó nɔ lɛ́ ná yě atínsínsɛ́n kpó vɛ̌ɛn yɔ̌yɔ́ kpó, kpódó ami kpó. È nɔ bɛ́ nǔ énɛ́ lɛ́ɛ dó xɔ ɖé lɛ́ɛ mɛ, bɔ xɔ lɛ́ɛ bɔdó Mawuxɔ ɔ́ wú. Nǔ e nyɔ́ ɖo gle mǐtɔn mɛ lɛ́ɛ bǐ sín mǎɖówǒ ɔ́, Levíi ví lɛ́ɛ tɔn wɛ nɔ nyí énɛ́ ɔ́. Levíi ví lɛ́ɛ ɖésú wɛ nɔ yi fí e mǐ nɔ wa azɔ̌ ɖe lɛ́ɛ, bó nɔ yí mǎɖówǒ énɛ́ ɔ́.

Nɛɛmíi 12:44

Gbe énɛ́ ɔ́ gbe ɔ́, è ɖe mɛ, bɔ è ná nɔ cɔ́ xɔ e mɛ è nɔ bɛ́ agban lɛ́ɛ dó é. Xɔ énɛ́ lɛ́ɛ mɛ wɛ è nɔ bɛ́ nǔ e è nǎ Mawu lɛ́ɛ dó: jinukún nukɔntɔn e nyɔ́ ɖo mɛ ɖokpó ɖokpó gle mɛ é, kpó mǎɖówǒ lɛ́ɛ kpó. É lɛ́ zɔ́n yě ɖɔ yě ní yi gbɔn toxo lɛ́ɛ mɛ, bó yí nǔ e nyí vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó tɔn bɔ sɛ́n ɔ́ ɖɔ é. Judáa to ɔ́ bǐ ɖo awǎ jɛ wɛ, ɖó vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó ɖo azɔ̌ yětɔn lɛ́ɛ wa wɛ.

Nɛɛmíi 12:47

Đo Zolobabɛ́li kpó Nɛɛmíi kpó hwenu ɔ́, Izlayɛ́li to ɔ́ bǐ wɛ nɔ ná nǔ e nyí hanjitɔ́ lɛ́ɛ kpó hɔnjínɔtɔ́ lɛ́ɛ kpó tɔn ɔ́ ayǐhɔ́ngbe ayǐhɔ́ngbe. È nɔ ná nǔ e è sɔ́ ɖó vo nú Mawu lɛ́ɛ Levíi ví lɛ́ɛ, bɔ Levíi ví lɛ́ɛ nɔ́ bɛ́ wá jó nú Aalɔ́ɔn ví lɛ́ɛ.

Nɛɛmíi 13:12

Énɛ́ ɔ́, Judáa toxo ɔ́ bǐ bɛ́ mǎɖówǒ blěe tɔn, kpó vɛ̌ɛn yɔ̌yɔ́ tɔn kpó ami kpó tɔn wá xɔ e mɛ è nɔ bɛ́ agban dó lɛ́ɛ.

Nɛɛmíi 13:5

Đ'ayǐ xóxó ɔ́, nǔ e è nɔ bɛ́ dó xɔ énɛ́ ɔ́ mɛ lɛ́ɛ ɖíe: nǔ e è nǎ Mawu lɛ́ɛ, zǎlínkpɔ́n, gannú lɛ́ɛ, mǎɖówǒ jinukún e è nɔ ylɔ́ ɖɔ blěe é tɔn, mǎɖówǒ vɛ̌ɛn yɔ̌yɔ́ tɔn, mǎɖówǒ ami tɔn, nǔ e sɛ́n ɔ́ ɖɔ è nǎ ná Levíi ví lɛ́ɛ é, kpó nǔ e sɛ́n ɔ́ ɖɔ è nǎ ná hanjitɔ́ lɛ́ɛ kpó é.

Malacíi 2:4

Énɛ́ ɔ́, mi ná tunwun ɖɔ un ɖe gbeta énɛ́ tɔ́n nú mi, bónú akɔ e un jɛ xá Levíi ɔ́ ná nɔ te káká sɔ́yi. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Malacíi 3:10

Mawu Mavɔmavɔ Nǔbǐwúkpétɔ́ ɔ́ ɖɔ: ‘Mi hɛn mǎɖówǒ lɛ́ɛ gbesisɔ tɔn wá sinsɛnxɔ ce mɛ, bónú nǔɖuɖu ná tíin ɖo xwé ce gbe. Mi bló gbɔn mɔ̌ bó dó tɛ́n mì kpɔ́n, bó ná kpɔ́n ɖɔ un ma ná hun sɛ́xwé hɔn lɛ́ɛ ɖó nuvo nú mi a jí; un ma ná kɔn nyɔ̌ná dó mi jí bɔ é ná túnflá a jí.

Kɛ́nsísɔ́ 18:6

Éɖíe! Un ɖe nɔví mitɔn Levíi ví lɛ́ɛ sín Izlayɛ́li ví ɖě lɛ́ɛ mɛ. Yě nyí ce bɔ un sɔ́ yě dó así nú mi, bónú yě ná nɔ́ wa azɔ̌ lɛ́ɛ ɖo Goxɔ ɔ́ mɛ.

Kɛ́nsísɔ́ 3:6

“Kplá Levíi ví lɛ́ɛ dó así nú vɔ̌sánú-xwlémawutɔ́ Aalɔ́ɔn, bónú yě ná nɔ́ gɔ́ alɔ n'i.

Kɛ́nsísɔ́ 31:28

A nǎ ɖe nǔjɔ ɖo sɔ́ja e yi fun ahwan lɛ́ɛ sín nǔ lɛ́ɛ jí nú nyɛ Mawu Mavɔmavɔ. A nǎ zé gbɛtɔ́ ɖokpó ɖo gbɛtɔ́ afɔwe kanwe ko (500) jí, nyibú ɖokpó ɖo nyibú afɔwe kanwe ko jí (500), tócí ɖokpó ɖo tócí afɔwe kanwe ko (500) jí, bó ná zé lɛ̌ngbɔ́ ɖokpó ɖo lɛ̌ngbɔ́ afɔwe kanwe ko (500) jí.

Galatinu 6:6

Mɛ e kplɔ́n Mawuxó ɔ́ wɛ è ɖe ɔ́ ɖó ná má nǔ ɖagbe e ɖo así tɔn lɛ́ɛ bǐ xá mɛ e ɖo Mawuxó ɔ́ kplɔ́n ɛ wɛ é.

Sɛ́nflínmɛ 18:8

Kanta e Levíi ví ɖě lɛ́ɛ nɔ́ yí é wɛ é lɔmɔ̌ ná yí gɔ́ nú tɔ́ tɔn gú e é sa lɛ́ɛ.

Eblée 7:5

Mɛ e jɔ ɖo Levíi kún mɛ, bó nyí vɔ̌sánú-xwlémawutɔ́ lɛ́ɛ ɔ́, ɖo sɛ́n ɔ́ mɛ ɔ́, yě ɖó ná nɔ yí mǎɖówǒ nǔ bǐ tɔn ɖo togun Izlayɛ́li tɔn sí. Nú è nǎ ɖɔ ɔ́, yě nɔ yí mǎɖówǒ ɖo nɔví yětɔn lɛ́ɛ sí, có Ablaxámu ví jɛ́n mɛ énɛ́ lɛ́ɛ lɔmɔ̌ nyí.