Kɛ́nsísɔ́ 18:16 - MAWUXÓWÉMA

¹⁶ Nabí e è nǎ dó xɔ gbɛ nú vǐ súnnu e ɖó sun ɖokpó ɔ́ wɛ nyí gankwɛ́ atɔ́ɔ́n. Gankwɛ́ e è nɔ zán ɖo sinsɛnxɔ mɛ, bɔ é nɔ́ da glǎmu wǒ ɔ́ wɛ è nǎ zán.

Kɛ́nsísɔ́ 18:16 Iomraidhean Croise

Tíntɔ́n 30:13

Mɛ e sín kɛ́n a nǎ sɔ́ lɛ́ɛ ɖokpó ɖokpó ná ná gankwɛ́ glǎmu atɔ́ɔ́n, bɔ kpinkpɛn tɔn ná sɔgbe xá akwɛ́ e è nɔ zán ɖo Mawu xwé gbe ɔ́ sín vlɔ̌. É wɛ a nǎ yǐ ɖo mɛ ɖokpó ɖokpó sí nú mì.

Tíntɔ́n 38:24

Siká e è zǎn dó wa goxɔ ɔ́ sín azɔ̌ lɛ́ɛ ná ɔ́ bǐ bló kilóo afɛnɛ kanɖé gbantɔ́n-nukún-we (877) bɔ glǎmu afɔɖé kanwe ko (300) jɛjí; gan e è nɔ dó da nǔ ná ɖo sinsɛnxɔ mɛ ɔ́ wɛ è zě dó da.

Ezekiyɛ́li 45:12

È sɔ́ gankwɛ́ e è nɔ ylɔ́ ɖɔ síklu ɔ́ ɖokpó ɔ́, è nǎ mɔ gela ko ɖ'é mɛ, bɔ síklu kanɖé ko (60) wɛ ka nyí mǐnu ɖokpó.

Levíi ví 27:25

“Ényí è sun axi nǔ lɛ́ɛ ɔ́, akwɛ́ e è nɔ zán ɖo Mawu xwé gbe ɔ́ wɛ è nǎ zě dó xɔ. Akwɛ́ ɔ́ ɖokpó nɔ́ da glǎmu wǒ.”

Kɛ́nsísɔ́ 18:15

Nukɔngbéví yětɔn súnnu e yě ná xwlé mì lɛ́ɛ kpó kanlin yětɔn lɛ́ɛ sín nukɔngbéví asú e yě ná xwlé mì lɛ́ɛ kpó bǐ wɛ ná nyí towe. Lo ɔ́, a nǎ xɔ gbɛ nú nukɔngbéví yětɔn lɛ́ɛ bǐ, bó ná xɔ nú kanlin yětɔn e nyí kanlin blíblí lɛ́ɛ sín nukɔngbéví lɛ́ɛ.

Kɛ́nsísɔ́ 18:17

Lo ɔ́, a nǎ xɔ gbɛ nú lɛ̌ngbɔ́ kpódó gbɔ̌ kpó sín nukɔngbéví ǎ; è ko ɖe kanlin énɛ́ lɛ́ɛ ɖó vo nú mì. A nǎ kɔn hun yětɔn kɔn nyi vɔ̌sákpe ɔ́ jí, bó ná dó jǒ yětɔn zo, bɔ é ná nyí vɔ̌ e è nɔ dó zo ɔ́; wǎn tɔn nɔ́ nyɔ́ se nú nyɛ Mawu Mavɔmavɔ.

Kɛ́nsísɔ́ 3:46

Amɔ̌, nú è sɔ́ kɛ́n yětɔn ɔ́, è nǎ mɔ ɖɔ nukɔngbéví Izlayɛ́li ví lɛ́ɛ tɔn afɔɖé kanɖé gban-nukún-atɔn (273) lán ɖ'é jí. Yě mɛ e lán ɖ'é jí lɛ́ɛ ɔ́, è nǎ vɔ́ yě xɔ.

Kɛ́nsísɔ́ 3:47

Hǔn a nǎ yǐ gankwɛ́ atɔ́ɔ́n atɔ́ɔ́n ɖó yě mɛ ɖokpó ɖokpó ta. Gankwɛ́ ɔ́ ná nyí ée è nɔ zán ɖo Mawu xwé, bɔ é nɔ́ da glǎmu wǒ ɔ́.