Kɛ́nsísɔ́ 18:13 - MAWUXÓWÉMA

¹³ Nǔ énɛ́ lɛ́ɛ e yě ná hɛn wá nú nyɛ Mawu Mavɔmavɔ lɛ́ɛ ná nyí towe. Mɛ e ná nyí mɛ mímɛ́ ɖo xwédo towe mɛ lɛ́ɛ bǐ wɛ ná ɖu.

Kɛ́nsísɔ́ 18:13 Iomraidhean Croise

2 Axɔ́sú 4:42

É wá su gbe ɖokpó, bɔ nya ɖé gosín Baalu-Calica wá. Nya ɔ́ hɛn ɔ́ji nukɔntɔn e é ya é sín wɔ̌xúxú ko wá nú gbeyíɖɔ Mawu tɔn ɔ́. É lɛ́ hɛn blěe nukɔntɔn e é ya ɔ́ dó glo tɔn mɛ wá n'i. Elizée ɖɔ nú mɛsɛntɔ́ tɔn ɖɔ: “Mǎ nú mɛ e ɖo fí lɛ́ɛ nú yě ɖu.”

2 Tan 31:5

Ée mɛ bǐ se xó énɛ́ ɔ́, Izlayɛ́li ví lɛ́ɛ ná nǔ nukɔntɔn e nyɔ́ ɖo gle yětɔn mɛ lɛ́ɛ bɔ é sukpɔ́ ɖésú tawun. Yě ná blěe, vɛ̌ɛn yɔ̌yɔ́, ami, wǐin kpódó jinukún ɖě lɛ́ɛ kpó. Yě lɛ́ hɛn nǔ lɛ́ɛ bǐ sín mǎɖówǒ wá bɔ é sukpɔ́ ɖésú tawun.

Tíntɔ́n 22:29

“Vǐ nukɔntɔn e nyibú, abǐ lɛ̌ngbɔ́, abǐ gbɔ̌ yǎyá ná ji ɔ́, è ɖǒ ná jó e dó nyi nɔ tɔn kɔn nú azǎn tɛ́nwe; azǎn tántɔngɔ́ ɔ́ gbe ɔ́, è nǎ sɔ́ ɛ ná mì.

Tíntɔ́n 23:19

Nyɛ wɛ nyí Mawu Mavɔmavɔ, Mawu mitɔn; énɛ́ ɔ́ wú ɔ́, mi ná zé nǔ nukɔntɔn e gle mitɔn lɛ́ɛ ná ɔ́ wá xwé ce gbe. Mi ka ná ɖa gbɔ̌ví ɖo nɔ tɔn sín anɔ̌sin mɛ ǎ .

Tíntɔ́n 34:26

Mi ná zé nǔ nukɔntɔn e gle mitɔn lɛ́ɛ ná ɔ́ wá nyɛ Mawu Mavɔmavɔ, Mawu mitɔn xwé gbe. Mi ka ná ɖa gbɔ̌ví ɖo nɔ tɔn sín anɔ̌sin mɛ ǎ.”

Jelemíi 24:2

Xasun we lɛ́ɛ ɔ́, ɖokpó tíin, bɔ fígi ɖagbe ɖ'é mɛ, bó nyɔ́ káká bó cí fígi nukɔn nukɔntɔn e è nɔ gbɛ ɔ́ ɖɔhun; xasun ɖě ɔ́, fígi e ɖ'é mɛ ɔ́ gblé, bó gblé káká bɔ è sixú ɖu ǎ.

Ezekiyɛ́li 44:30

Nǔkún nukɔntɔn e ná nɔ́ nyɔ́ ɖo gle mɛ lɛ́ɛ ná nɔ́ nyí vɔ̌sánú-xwlémawutɔ́ lɛ́ɛ tɔn, bɔ nǔjɔ e è nǎ ná mì ɖo Izlayɛ́li tomɛ lɛ́ɛ bǐ ná nyí yětɔn. Mɛ lɛ́ɛ ná nɔ́ ná yě linfín yětɔn e nyɔ́ hú bǐ é, bɔ nyɛ Mawu Mavɔmavɔ ná nɔ́ xo ɖɛ dó xwé yětɔn jí.

Ozée 9:10

Mawu Mavɔmavɔ ɖɔ: “Đ'ayǐ xóxó ɔ́, un mɔ Izlayɛ́linu lɛ́ɛ, yě cí vǐwun e ɖo gbětótló mɛ é ɖɔhun. Un mɔ tɔ́gbó mitɔn lɛ́ɛ, yě cí fígi sín sínsɛ́n nukɔntɔn lɛ́ɛ ɖɔhun. Lo ɔ́, ée yě jɛ Baalu-Peɔ́ɔ tlóló ɔ́, yě jɛ vodún Baalu sɛn jí, bó jó yěɖée dó nú vodún hɛ̌n, bɔ yě kpó asú yětɔn vodún ɔ́ kpó bǐ húzú nǔ gbɛ́hɛn.

Levíi ví 22:7

Nú hwe yi xɔ tlóló ɔ́, é ná húzú mɛ mímɛ́, bó ná ɖu nǔ e è ɖe ɖó vo nú mì lɛ́ɛ, ɖó nǔ tɔn ɖuɖu wɛ.

Levíi ví 23:17

Mi ná hɛn wɔ̌xúxú we sín xwé mitɔn lɛ́ɛ gbe, bó ná xwlé mì, lě e è nɔ xwlé vɔ̌ mì gbɔn é. Linfín kilóo atɔn wɛ è nǎ dó ɖa wɔ̌xúxú ɔ́ ɖokpó ná, bó ná dó tɔ́n mɛ. Nǔkún nukɔntɔn e è ya ɔ́ mɛ wɛ è nǎ ɖe ɖe, bó dó xwlé vɔ̌sánú énɛ́ ɔ́ mì.

Micée 7:1

É blá wǔ mɛ nya! Un cí mɛ e xwe atínsínsɛ́n gbɛ gbé, bɔ è ka ko gbɛ bǐ sín atín ɔ́ jí é ɖɔhun. É sɔ́ mɔ vǐwun ɖé ná ɖu ǎ; é ká sɔ́ mɔ fígi vǐví víví e é jló lɛ́ɛ ɖě ná ɖu ǎ.

Sɛ́nflínmɛ 18:4

Mi ná ná jinukún e mi ná ya dó nukɔn lɛ́ɛ yě; mi ná ná vɛ̌ɛn kpó ami kpó yě; mɔ̌ ɖokpó ɔ́, fún nukɔntɔn e mi ná kpa sín gbɔ̌ lɛ́ɛ wú é ɔ́, mi na ná yě.

Sɛ́nflínmɛ 26:2

jinukún e ná nɔ́ nyɔ́ dó nukɔn ɖo to ɔ́ mɛ lɛ́ɛ ɔ́, mi ná nɔ́ ɖe ɖě ɖó vo bó bɛ́ dó xasun mɛ, bó ná nɔ́ yi fí e Mawu Mavɔmavɔ, Mawu mitɔn ná sɔ́, bó ná ɖe susu tɔn xlɛ́ ɖe é.