Kɛ́nsísɔ́ 18:12 - MAWUXÓWÉMA

¹² Un ná we nǔ nukɔn tɔn e nyɔ́ ɖo gle yětɔn mɛ bɔ yě wá ná nyɛ Mawu Mavɔmavɔ lɛ́ɛ; nǔ lɛ́ɛ wɛ nyí: ami e nyɔ́ hú ami ɖě lɛ́ɛ bǐ é, vɛ̌ɛn kpó jinukún kpó e nyɔ́ hú ɖě lɛ́ɛ bǐ é.

Kɛ́nsísɔ́ 18:12 Iomraidhean Croise

Bǐbɛ́mɛ 27:28

Mawu ní sɛ́ amyɔsun dó we sín jǐxwé; ní ná we ayǐkúngban ɖagbe lɛ́ɛ; ní ná we jinukún kpó vɛ̌ɛn yɔ̌yɔ́ kpó kɔn nyi kpɔ́.

2 Axɔ́sú 4:42

É wá su gbe ɖokpó, bɔ nya ɖé gosín Baalu-Calica wá. Nya ɔ́ hɛn ɔ́ji nukɔntɔn e é ya é sín wɔ̌xúxú ko wá nú gbeyíɖɔ Mawu tɔn ɔ́. É lɛ́ hɛn blěe nukɔntɔn e é ya ɔ́ dó glo tɔn mɛ wá n'i. Elizée ɖɔ nú mɛsɛntɔ́ tɔn ɖɔ: “Mǎ nú mɛ e ɖo fí lɛ́ɛ nú yě ɖu.”

2 Tan 31:5

Ée mɛ bǐ se xó énɛ́ ɔ́, Izlayɛ́li ví lɛ́ɛ ná nǔ nukɔntɔn e nyɔ́ ɖo gle yětɔn mɛ lɛ́ɛ bɔ é sukpɔ́ ɖésú tawun. Yě ná blěe, vɛ̌ɛn yɔ̌yɔ́, ami, wǐin kpódó jinukún ɖě lɛ́ɛ kpó. Yě lɛ́ hɛn nǔ lɛ́ɛ bǐ sín mǎɖówǒ wá bɔ é sukpɔ́ ɖésú tawun.

Ɖɛhan 147:14

É ná fífá we ɖo ayǐkúngban towe jí, bó ná jinukún e nyɔ́ ganjí lɛ́ɛ we bɔ a ɖu gɔ́ xo.

Ɖɛhan 81:16

Énɛ́ ɔ́, mɛ e gbɛ́ wǎn nú Mawu Mavɔmavɔ lɛ́ɛ ná jó goyíyí bǐ dó, bɔ Izlayɛ́li ví lɛ́ɛ ná mɔ agbɔ̌n káká sɔ́yi.

Tíntɔ́n 22:29

“Vǐ nukɔntɔn e nyibú, abǐ lɛ̌ngbɔ́, abǐ gbɔ̌ yǎyá ná ji ɔ́, è ɖǒ ná jó e dó nyi nɔ tɔn kɔn nú azǎn tɛ́nwe; azǎn tántɔngɔ́ ɔ́ gbe ɔ́, è nǎ sɔ́ ɛ ná mì.

Tíntɔ́n 23:19

Nyɛ wɛ nyí Mawu Mavɔmavɔ, Mawu mitɔn; énɛ́ ɔ́ wú ɔ́, mi ná zé nǔ nukɔntɔn e gle mitɔn lɛ́ɛ ná ɔ́ wá xwé ce gbe. Mi ka ná ɖa gbɔ̌ví ɖo nɔ tɔn sín anɔ̌sin mɛ ǎ .

Tíntɔ́n 34:26

Mi ná zé nǔ nukɔntɔn e gle mitɔn lɛ́ɛ ná ɔ́ wá nyɛ Mawu Mavɔmavɔ, Mawu mitɔn xwé gbe. Mi ka ná ɖa gbɔ̌ví ɖo nɔ tɔn sín anɔ̌sin mɛ ǎ.”

Ezekiyɛ́li 44:30

Nǔkún nukɔntɔn e ná nɔ́ nyɔ́ ɖo gle mɛ lɛ́ɛ ná nɔ́ nyí vɔ̌sánú-xwlémawutɔ́ lɛ́ɛ tɔn, bɔ nǔjɔ e è nǎ ná mì ɖo Izlayɛ́li tomɛ lɛ́ɛ bǐ ná nyí yětɔn. Mɛ lɛ́ɛ ná nɔ́ ná yě linfín yětɔn e nyɔ́ hú bǐ é, bɔ nyɛ Mawu Mavɔmavɔ ná nɔ́ xo ɖɛ dó xwé yětɔn jí.

Levíi ví 2:12

É ka ɖo mɔ̌ có mi sixú dó tɔ́n abǐ wǐin jinukún nukɔntɔn sín nǔníná e mi hɛn wá nú Mawu Mavɔmavɔ ɔ́ mɛ. Lo ɔ́, è sixú sɔ́ dó sá vɔ̌ e è nɔ dó zo ɔ́ ná ɖo vɔ̌sákpe jí, bɔ é ná nyí nǔníná wǎnɖagbenɔ ǎ.

Levíi ví 2:14

“Ényí jinukún mitɔn nukɔntɔn lɛ́ɛ wɛ nyí nǔníná jinukún tɔn e mi ná ná Mawu Mavɔmavɔ ɔ́, jinukún yɔ̌yɔ́ e ɖo gotín nu lɛ́ɛ wɛ mi ná mɛ bó ná glín.

Levíi ví 23:17

Mi ná hɛn wɔ̌xúxú we sín xwé mitɔn lɛ́ɛ gbe, bó ná xwlé mì, lě e è nɔ xwlé vɔ̌ mì gbɔn é. Linfín kilóo atɔn wɛ è nǎ dó ɖa wɔ̌xúxú ɔ́ ɖokpó ná, bó ná dó tɔ́n mɛ. Nǔkún nukɔntɔn e è ya ɔ́ mɛ wɛ è nǎ ɖe ɖe, bó dó xwlé vɔ̌sánú énɛ́ ɔ́ mì.

Levíi ví 23:20

Vɔ̌sánú-xwlémawutɔ́ ɔ́ ná bló lě e è nɔ bló gbɔn bó nɔ́ xwlé vɔ̌sánú mì ɔ́, bó xwlé yě mì. É ná xwlé yě mì gɔ́ nú wɔ̌xúxú e è zě jinukún nukɔntɔn ɔ́ dó ɖa ná, bó xwlé mì é kpó lɛ̌ngbɔ́ví we e è xwlé mì lɛ́ɛ kpó. È nǎ fɔ yě ɖó vo nú nyɛ Mawu Mavɔmavɔ, bɔ yě ná nyí vɔ̌sánú-xwlémawutɔ́ ɔ́ tɔn.

Sɛ́nflínmɛ 18:3

Vɔ̌sánú-xwlémawutɔ́ lɛ́ɛ ɖó acɛ bó ná yí nyibú abǐ gbɔ̌ e Izlayɛ́li ví lɛ́ɛ hu bó dó sá kɔnɖókpɔ́ vɔ́ ná lɛ́ɛ ɖě: è ɖǒ ná ná kanlin lɛ́ɛ sín abɔ̌ kpó aglan kpó adɔ lɛ́ɛ kpó yě.

Sɛ́nflínmɛ 18:4

Mi ná ná jinukún e mi ná ya dó nukɔn lɛ́ɛ yě; mi ná ná vɛ̌ɛn kpó ami kpó yě; mɔ̌ ɖokpó ɔ́, fún nukɔntɔn e mi ná kpa sín gbɔ̌ lɛ́ɛ wú é ɔ́, mi na ná yě.

Sɛ́nflínmɛ 26:2

jinukún e ná nɔ́ nyɔ́ dó nukɔn ɖo to ɔ́ mɛ lɛ́ɛ ɔ́, mi ná nɔ́ ɖe ɖě ɖó vo bó bɛ́ dó xasun mɛ, bó ná nɔ́ yi fí e Mawu Mavɔmavɔ, Mawu mitɔn ná sɔ́, bó ná ɖe susu tɔn xlɛ́ ɖe é.

Sɛ́nflínmɛ 32:14

Nyibú asi lɛ́ɛ kpó gbɔ̌ lɛ́ɛ kpó sín anɔ̌sin wɛ yě nɔ́ nu. Lɛ̌ngbɔ́ lɛ́ɛ kpó agbo lɛ́ɛ kpó, kpó gbǎgbá kloklo lɛ́ɛ kpó sín lan wɛ yě nɔ́ ɖu. Yě nɔ́ ɖu jinukún ɖagbe ɖagbe, bó nɔ́ nu vɛ̌ɛn e vǐwungbo yětɔn ná é.