Kɛ́nsísɔ́ 18:11 - MAWUXÓWÉMA

¹¹ Nǔ ɖěvo e ná lɛ́ nyí towe lɛ́ɛ ɖíe: nǔ e è nǎ jɔ ɖo nǔníná e Izlayɛ́li ví lɛ́ɛ ná mì lɛ́ɛ mɛ, bɔ è xwlé mì lě e è nɔ xwlé vɔ̌sánú mì gbɔn lɛ́ɛ ɔ́, bǐ wɛ ná nyí towe, bo ná nyí vǐ towe súnnu kpó nyɔ̌nu kpó tɔn. Sɛ́n ɖé wɛ nyí sɛ́n énɛ́ ɔ́, bó ná nɔ ayǐ káká sɔ́yi. Mɛ e ná nyí mɛ mímɛ́ ɖo xwédo towe mɛ lɛ́ɛ bǐ wɛ ná ɖu.

Kɛ́nsísɔ́ 18:11 Iomraidhean Croise

Levíi ví 10:14

Kanlin e Izlayɛ́li ví lɛ́ɛ zé dó wá sá kɔnɖókpɔ́ vɔ́ ɔ́ ná ɔ́, hwi kpó vǐ towe súnnu kpó nyɔ̌nu kpó ná ɖu akɔ́n tɔn kpó asá tɔn kpó. Mi ná nɔ tɛn mímɛ́ mɛ, bó ná ɖu. Kanta mitɔn wɛ nyí akpáxwé énɛ́ lɛ́ɛ. Lě e è nɔ bló gbɔn bó nɔ́ xwlé vɔ̌sánú Mawu Mavɔmavɔ ɔ́ wɛ yě bló d'é jí.

Levíi ví 7:14

Nǔ énɛ́ lɛ́ɛ e é ná ɔ́, è nǎ ɖe ɖokpó ɖokpó, bó ná xwlé Mawu Mavɔmavɔ, bɔ é ná nyí vɔ̌sánú-xwlémawutɔ́ e mi kanlin e è dǒ sá kɔnɖókpɔ́ vɔ́ sín hun gbɔn vɔ̌sákpe ɔ́ wú é tɔn.

Kɛ́nsísɔ́ 18:1

Mawu Mavɔmavɔ ɖɔ nú Aalɔ́ɔn ɖɔ: “Bɛ́ sín din ɔ́, è wa nǔɖé nyi do ɖo Goxɔ ɔ́ mɛ ɔ́, hwi kpó vǐ towe lɛ́ɛ kpó, kpódó nɔví towe súnnu e ɖo akɔta Levíi tɔn ɔ́ mɛ lɛ́ɛ kpó wɛ agban tɔn ná kpɛn. Amɔ̌, ényí hwi kpó vǐ towe lɛ́ɛ kpó ɖo vɔ̌sánú-xwlémawutɔ́ sín azɔ̌ mitɔn wa wɛ ɖo Goxɔ ɔ́ mɛ bó wa nǔɖé nyi do ɔ́, hwi kpó vǐ towe lɛ́ɛ kpó wɛ agban tɔn ná kpɛn.

Kɛ́nsísɔ́ 18:10

Nǔ e mi ná nɔ́ ɖu lɛ́ɛ nɛ́; súnnu lɛ́ɛ bǐ ná nɔ́ ɖu. A nǎ mɔ nǔ énɛ́ lɛ́ɛ dó mɔ nǔ mímɛ́ titewungbe, bo ná nɔ́ ɖu.

Kɛ́nsísɔ́ 18:19

Nǔníná mímɛ́ e Izlayɛ́li ví lɛ́ɛ ná xwlé mì lɛ́ɛ bǐ ɔ́, un ná yě we, bó ná vǐ towe súnnu kpó nyɔ̌nu kpó; sɛ́n ɖé wɛ nyí sɛ́n énɛ́ ɔ́, bó ná nɔ ayǐ káká sɔ́yi. Akɔ ɖé wɛ é nyí bɔ un jɛ xá hwi kpó kúnkan towe lɛ́ɛ kpó; è ɖǒ nǎ gba gbeɖé ǎ.”

Kɛ́nsísɔ́ 18:8

Mawu Mavɔmavɔ ɖɔ nú Aalɔ́ɔn ɖɔ: “Đǒtó mì; un zé nǔníná e Izlayɛ́li ví lɛ́ɛ ɖe ɖó vo nú mì lɛ́ɛ dó así nú we. Un ná yě we; yě ná nyí kanta towe, bó ná nyí kanta vǐ towe lɛ́ɛ tɔn káká sɔ́yi.

Sɛ́nflínmɛ 18:3

Vɔ̌sánú-xwlémawutɔ́ lɛ́ɛ ɖó acɛ bó ná yí nyibú abǐ gbɔ̌ e Izlayɛ́li ví lɛ́ɛ hu bó dó sá kɔnɖókpɔ́ vɔ́ ná lɛ́ɛ ɖě: è ɖǒ ná ná kanlin lɛ́ɛ sín abɔ̌ kpó aglan kpó adɔ lɛ́ɛ kpó yě.