Kɛ́nsísɔ́ 18:1 - MAWUXÓWÉMA

¹ Mawu Mavɔmavɔ ɖɔ nú Aalɔ́ɔn ɖɔ: “Bɛ́ sín din ɔ́, è wa nǔɖé nyi do ɖo Goxɔ ɔ́ mɛ ɔ́, hwi kpó vǐ towe lɛ́ɛ kpó, kpódó nɔví towe súnnu e ɖo akɔta Levíi tɔn ɔ́ mɛ lɛ́ɛ kpó wɛ agban tɔn ná kpɛn. Amɔ̌, ényí hwi kpó vǐ towe lɛ́ɛ kpó ɖo vɔ̌sánú-xwlémawutɔ́ sín azɔ̌ mitɔn wa wɛ ɖo Goxɔ ɔ́ mɛ bó wa nǔɖé nyi do ɔ́, hwi kpó vǐ towe lɛ́ɛ kpó wɛ agban tɔn ná kpɛn.

Kɛ́nsísɔ́ 18:1 Iomraidhean Croise

Tíntɔ́n 28:38

Hwenu e é ná wá nyɛ Mawu Mavɔmavɔ ɔ́ nukɔn, bó ná xwlé vɔ̌sánú Izlayɛ́li ví lɛ́ɛ tɔn mì ɔ́, nǔwlánwlán énɛ́ ɔ́ ná ɖo nukɔn tɔn. Énɛ́ ɔ́, nú Izlayɛ́li ví lɛ́ɛ ná bó xwlé vɔ̌sánú mì nyi do ɔ́, un ná kpɔ́n dó nǔwlánwlán énɛ́ ɔ́ e ɖo Aalɔ́ɔn nukɔn ɔ́ wú, bó yí vɔ̌sánú yětɔn lɛ́ɛ.

Ezayíi 53:11

Mawu ɖɔ: “Mɛsɛntɔ́ ce ji ya tobutóbú énɛ́ lɛ́ɛ mɔ̌ ɔ́, é ná wá mɔ wěziza; nǔ ná nyɔ́ n'i káká. Mɛsɛntɔ́ ce ɔ́, hwɛjijɔnɔ nǔgbó ɔ́ ná sɔ́ mɛ gěgé dó húzú hwɛjijɔnɔ, ɖó é wɛ ɖíɖá hwɛgban yětɔn.

Ezayíi 53:6

Mǐ bǐ wɛ ɖo flúflú wɛ lɛ̌ngbɔ́ e bú é ɖɔhun, mɛ ɖokpó ɖokpó mlɛ́ ali e jló e é, Mawu Mavɔmavɔ ka ɖíɖá ɛ hwɛgban mǐ bǐ tɔn.

Ezekiyɛ́li 4:4

“Mlɔ̌ amyɔ jí, bó zé nǔ e Izlayɛ́li togun ɔ́ wa nyi do lɛ́ɛ sín agban ɖó hwiɖée jí. Azǎn nabí e a nǎ nɔ ayǐmlɔ́mlɔ́ amyɔ jí mɔ̌ xɔ ɔ́, a nǎ hɛn hwɛ e Izlayɛ́li togun ɔ́ hu lɛ́ɛ sín agban n'i.

Levíi ví 10:17

“Étɛ́wú wɛ mi ma ɖu kanlin e è dǒ sá hwɛsɔ́kɛmɛvɔ́ ná ɔ́ sín lan ɖo tɛn mímɛ́ ɖé mɛ ǎ? Nǔ mímɛ́ titewungbe ɖokpó wɛ é nyí, bɔ Mawu Mavɔmavɔ ná mi, bónú mi ná dó ɖe hwɛ e togun ɔ́ hu lɛ́ɛ sín kɔ n'i, bónú mi ná bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́ dó hwɛsɔ́kɛmɛvɔ́ ɔ́ jí ɖo Mawu Mavɔmavɔ nukɔn é.

Levíi ví 22:16

Hǔn nú vɔ̌sánú-xwlémawutɔ́ lɛ́ɛ má nɔ lě e yě ɖó ná nɔ cóbó ɖu nǔɖuɖu mɔ̌hun ɔ́ ǎ, lobo ɖu ɔ́, hwɛ wɛ yě dó kɔ nú Izlayɛ́li ví lɛ́ɛ. Nyɛ wɛ nyí Mawu Mavɔmavɔ. Nyɛ wɛ ɖe yě ɖó vo nú azɔ̌ ce.”

Levíi ví 22:9

“Vɔ̌sánú-xwlémawutɔ́ lɛ́ɛ ɖó ná nyi sɛ́n ce; yě má gba sɛ́n ce bó dɔn hwɛ dó kɔ nú yěɖée bó kú ó. Mawu Mavɔmavɔ wɛ un nyí; nyɛ wɛ ɖe yě ɖó vo nú azɔ̌ ce.

Kɛ́nsísɔ́ 14:34

Azǎn kanɖé (40) wɛ mi sɔ́ ɖó te bo dó ba do nú to ɔ́; mɔ̌ ɖokpó ɔ́, mi ná hɛn hwɛgban mitɔn lɛ́ɛ xɔ xwe kanɖé (40); xwe ɖokpó ɖo azǎn ɖokpó tɛnmɛ. Énɛ́ ɔ́, nú un húzú kpan nukɔn mɛ ɔ́ nǔ e ɖ'é mɛ ɔ́ mi ná tunwun.

Kɛ́nsísɔ́ 16:10

Mawu Mavɔmavɔ yí gbe ɖɔ hwi kpó nɔví towe súnnu Levíi ví lɛ́ɛ bǐ kpó ní sɛkpɔ́ émí, bɔ énɛ́ ɔ́ kpé mi ǎ, bɔ mi lɛ́ ɖo vɔ̌sánú-xwlémawutɔ́ sín azɔ̌ ba ná wa gɔ́ nú énɛ́ ɔ́ wɛ dandan.

Kɛ́nsísɔ́ 17:13

É cí mɛ e kú lɛ́ɛ kpó mɛ e kpo ɖo gbɛ lɛ́ɛ kpó tɛ́ntin; énɛ́ ɔ́, awě e ɖo mɛ xo wɛ ɔ́ nɔ te.

Kɛ́nsísɔ́ 17:3

Đó zǎlínkpɔ́nfyɔ́nú énɛ́ lɛ́ɛ na bo nyí mɛ e hu hwɛ bó kú lɛ́ɛ tɔn ɔ́, nyɛ Mawu Mavɔmavɔ ɔ́ wɛ è sɔ́ xwlé. È nǎ fɔ yě dó tun gan gbajagbaja ɖé ná, bó ná fɔ cyɔ́n vɔ̌sákpe ɔ́, bɔ yě ná nyí flǐn ɖé nú Izlayɛ́li ví lɛ́ɛ.”

Kɛ́nsísɔ́ 17:7

Izlayɛ́li ví lɛ́ɛ xísí dó Mɔyízi kpó Aalɔ́ɔn kpó. Lo ɔ́, hwenu e yě kpɔ́n Goxɔ ɔ́ sɛ́ dó ɔ́, yě mɔ ɖɔ akpɔ́kpɔ́ cyɔ́n ɛ, bɔ Mawu Mavɔmavɔ ɖo susu tɔn ɖe xlɛ́ wɛ ɖo fínɛ́.

Kɛ́nsísɔ́ 18:11

Nǔ ɖěvo e ná lɛ́ nyí towe lɛ́ɛ ɖíe: nǔ e è nǎ jɔ ɖo nǔníná e Izlayɛ́li ví lɛ́ɛ ná mì lɛ́ɛ mɛ, bɔ è xwlé mì lě e è nɔ xwlé vɔ̌sánú mì gbɔn lɛ́ɛ ɔ́, bǐ wɛ ná nyí towe, bo ná nyí vǐ towe súnnu kpó nyɔ̌nu kpó tɔn. Sɛ́n ɖé wɛ nyí sɛ́n énɛ́ ɔ́, bó ná nɔ ayǐ káká sɔ́yi. Mɛ e ná nyí mɛ mímɛ́ ɖo xwédo towe mɛ lɛ́ɛ bǐ wɛ ná ɖu.

Kɛ́nsísɔ́ 3:6

“Kplá Levíi ví lɛ́ɛ dó así nú vɔ̌sánú-xwlémawutɔ́ Aalɔ́ɔn, bónú yě ná nɔ́ gɔ́ alɔ n'i.

Sɛ́nflínmɛ 10:8

Hwenɛ́nu ɔ́, Mawu Mavɔmavɔ ɖe akɔta Levíi tɔn ɔ́ ɖó vo, bó zé azɔ̌ élɔ́ lɛ́ɛ dó así nú yě: yě ná nɔ hɛn akɔjijɛgbá Mawu Mavɔmavɔ tɔn, yě ná nɔ́ ɖo xwé gbe bó ná nɔ ɖo azɔ̌ tɔn wa wɛ hwebǐnu, yě ná nɔ́ xo ɖɛ dó mɛ jí, ɖo Mawu Mavɔmavɔ sín nyǐkɔ mɛ. Yě wɛ kpo ɖo azɔ̌ énɛ́ lɛ́ɛ wa wɛ káká jɛ égbé.

Eblée 13:17

Mi se tónú nú agunnukɔntɔ́ mitɔn lɛ́ɛ, bó hwíhwɛ́ miɖée ɖo glɔ́ yětɔn; yě nɔ ɖo nukún kpé dó mi wú wɛ hwebǐnu, ɖó yě ɖó ná ɖó azɔ̌ e yě wa ɔ́ sín gbe nú Mawu. Ényí mi se tónú nú yě ɔ́, yě ná wa azɔ̌ yětɔn kpódó xomɛhunhun kpó; ényí mi ma ka se tónú nú yě ǎ ɔ́, yě ná wa azɔ̌ yětɔn wǔɖéwúɖé; énɛ́ ɔ́, mi ka sɔ́ ná mɔ le ɖěbǔ ɖ'é mɛ ǎ.

Eblée 4:15

Vɔ̌sánú-xwlémawutɔ́ ɖaxó e ma sixú kpé wú bó ji ya xá mǐ ɖo gǎnmaɖó mǐtɔn lɛ́ɛ mɛ ǎ ɔ́ wɛ mǐ ɖó ǎ. É nyɔ́ wa ɔ́, vɔ̌sánú-xwlémawutɔ́ ɖaxó mǐtɔn ɔ́, è tɛ́n ɛ kpɔ́n mǐ ɖɔhun ɖo nǔ bǐ mɛ; amɔ̌, é hu hwɛ ǎ.

1 Piyɛ́ɛ 2:24

É bɛ́ hwɛ mǐtɔn lɛ́ɛ dó éɖée jí ɖo aklúzu jí, bónú mi ma sɔ́ hu hwɛ ó, bónú mi ná zán gbɛ jlɔ́jlɔ́. Akpado tɔn lɛ́ɛ wɛ zɔ́n bɔ è gbɔ azɔn nú mi.

Hwɛɖɔtɔ́ 17:12

Mika sɔ́ ɛ dó ɖó sinsɛngán tɔn, bó ná ɛ xɔ.