Kɛ́nsísɔ́ 17:7 - MAWUXÓWÉMA

⁷ Izlayɛ́li ví lɛ́ɛ xísí dó Mɔyízi kpó Aalɔ́ɔn kpó. Lo ɔ́, hwenu e yě kpɔ́n Goxɔ ɔ́ sɛ́ dó ɔ́, yě mɔ ɖɔ akpɔ́kpɔ́ cyɔ́n ɛ, bɔ Mawu Mavɔmavɔ ɖo susu tɔn ɖe xlɛ́ wɛ ɖo fínɛ́.

Kɛ́nsísɔ́ 17:7 Iomraidhean Croise

Tíntɔ́n 38:21

Gan e è zǎn dó goxɔ e mɛ è ɖǒ ná zé akɔjijɛwéma ɔ́ ɖó ɔ́ lɛ́ɛ ɖíe. Levíi ví lɛ́ɛ wɛ lɛ́n gan lɛ́ɛ lě e Mɔyízi ɖɔ gbɔn é. Itamáa, vɔ̌sánú-xwlémawutɔ́ Aalɔ́ɔn ví ɔ́ wɛ nɔ ɛ nu.

Kɛ́nsísɔ́ 1:50

A nǎ zé azɔ̌ e nyí Goxɔ ɔ́ tɔn lɛ́ɛ dó alɔ mɛ nú Levíi ví lɛ́ɛ; fínɛ́ wɛ akɔjijɛgbá ɔ́ ɖe. Nǔ e è dǒ bló Goxɔ ɔ́ ná lɛ́ɛ kpó nǔ e è nɔ zán ɖo xwé ɔ́ gbe lɛ́ɛ kpó sín azɔ̌ lɛ́ɛ ɔ́, a nǎ zé dó alɔ mɛ nú yě. Yě wɛ ná nɔ́ zé Goxɔ ɔ́ kpó nǔ e è nɔ zán ɖ'é mɛ lɛ́ɛ bǐ kpó. Yě wɛ ná nɔ wa azɔ̌ ɖo xwé ɔ́ gbe; yě wɛ ná nɔ́ ɖó gɔnu lɛ́ lɛ̌ dó Goxɔ ɔ́.

Kɛ́nsísɔ́ 1:53

Amɔ̌, kúnkan Levíi tɔn lɛ́ɛ kɛ́ɖɛ́ wɛ ná nɔ́ ɖó gɔnu lɛ́ lɛ̌ dó Goxɔ ɔ́, bó ká ná nɔ́ ɖo azɔ̌ yětɔn wa wɛ. Énɛ́ ɔ́, Izlayɛ́li ví lɛ́ɛ ná dɔn xomɛsin nyɛ Mawu Mavɔmavɔ tɔn dó yěɖée jí ǎ.”

Kɛ́nsísɔ́ 14:10

Togun ɔ́ bǐ ká ɖó gbe kpɔ́, bó jɛ ɖiɖɔ jí ɖɔ è nǐ nyi hwǎn dó hu yě; tlóló kpowun ɔ́, susu Mawu Mavɔmavɔ tɔn tɔ́n ɖo Goxɔ ɔ́ jí, ɖo Izlayɛ́li ví lɛ́ɛ bǐ nukɔn.

Kɛ́nsísɔ́ 17:4

Énɛ́ ɔ́, vɔ̌sánú-xwlémawutɔ́ Eleazáa bɛ́ zǎlínkpɔ́nfyɔ́nú mɛ e fyɔ́ lɛ́ɛ tɔn, bó fɔ yě dó tun gan gbajagbaja ɖé lɛ́ɛ ná, bó ná cyɔ́n vɔ̌sákpe ɔ́. Zǎlínkpɔ́nfyɔ́nú énɛ́ lɛ́ɛ ɔ́, ganvɔ wɛ è zě dó tun yě.

Kɛ́nsísɔ́ 17:6

Ée Mawu Mavɔmavɔ ɖɔ xó énɛ́ ɔ́ nú Mɔyízi bɔ ayǐ hɔ́n ɔ́, togun Izlayɛ́li tɔn ɔ́ bǐ jɛ nǔ hlún ɖɔ dó Mɔyízi kpó Aalɔ́ɔn kpó wú jí. Yě ɖɔ nú yě ɖɔ: “Mi hu togun Mawu Mavɔmavɔ tɔn ɔ́.”

Kɛ́nsísɔ́ 18:2

A nǎ ylɔ́ nɔví towe súnnu e ɖo akɔta Levíi tɔn ɔ́ mɛ lɛ́ɛ, bɔ yě ná wá gɔ̌n towe. Hwenu e hwi kpó vǐ towe lɛ́ɛ kpó ná ɖo azɔ̌ wa wɛ ɖo Goxɔ ɔ́ nukɔn ɔ́, yě ná xo kpó ɖó nú mi, bo ná wa azɔ̌ xá mi.

Kɛ́nsísɔ́ 9:15

Gbe e gbe Mɔyízi kɛ́ Goxɔ ɔ́, akpɔ́kpɔ́ cyɔ́n ɛ bǐ. Goxɔ ɔ́ mɛ wɛ akɔjijɛgbá ɔ́ ɖe. Akpɔ́kpɔ́ ɔ́ cí myɔ ɖɔhun ɖo Goxɔ ɔ́ jí sín gbadanu káká bɔ ayǐ hɔ́n.

Mɛsɛ́dó 7:44

“Hwenu e tɔ́gbó mǐtɔn lɛ́ɛ ɖo yiyi wɛ ɖo gbětótló mɛ ɔ́, yě hɛn goxɔ e ɖe xlɛ́ ɖɔ Mawu ɖo kpɔ́ xá yě ɔ́, bɔ awǐnnya we e jí Mawusɛ́n lɛ́ɛ ɖe ɔ́ ɖ'é mɛ. Mɔyízi bló goxɔ énɛ́, bɔ é sɔgbe xá ée é mɔ é.