Kɛ́nsísɔ́ 17:5 - MAWUXÓWÉMA

⁵ Nǔ énɛ́ e è cyɔ́n dó vɔ̌sákpe ɔ́ nɔ́ flín Izlayɛ́li ví lɛ́ɛ ɖɔ mɛ ɖěbǔ kún ɖó acɛ e ná dó zǎlínkpɔ́n zo nú nyɛ Mawu Mavɔmavɔ ɔ́ zɛ kúnkan Aalɔ́ɔn tɔn lɛ́ɛ wú ó. Mɛ ɖěbǔ bló mɔ̌ ɔ́, awě e xo Kolée kpó ahwan tɔn lɛ́ɛ kpó ɔ́ wɛ ná xo mɛ ɔ́, lě e nyɛ Mawu Mavɔmavɔ ko ɖɔ gbɔn Mɔyízi jí é.

Kɛ́nsísɔ́ 17:5 Iomraidhean Croise

2 Tan 26:16

Lo ɔ́, ée acɛkpikpa tɔn jínjɔ́n ayǐ mɔ̌ ɔ́, é jɛ go yí jí, bó sɔ́ éɖée nyi gbě. É sɔ́ nɔ́ nɔ gbejí nú Mawu Mavɔmavɔ, Mawu tɔn ǎ. É wá jɛ gbe ɖokpó, bɔ é hun káká yi Mawu Mavɔmavɔ xwé gbe, bó jló ná dó zǎlínkpɔ́n zo ɖo vɔ̌sákpe jí.

Ɛsidlási 2:62

Yě ba wěma e mɛ è wlǎn tɔ́gbó yětɔn lɛ́ɛ sín nyǐkɔ dó ɔ́ káká bo ba kpo. È mɔ yě dó mɔ mɛ kwíji kwíji, bo gbɛ́ ɖɔ yě ní má wa vɔ̌sánú-xwlémawutɔ́ sín azɔ̌ ó.

Ɖɛhan 105:26

Énɛ́ ɔ́ wú ɔ́, é sɛ́ mɛsɛntɔ́ tɔn Mɔyízi dó, é kpódó Aalɔ́ɔn e é sɔ́ ɔ́ kpó.

Tíntɔ́n 16:7

É jɛ zǎnzǎn ɔ́, mi ná mɔ lě e Mawu Mavɔmavɔ ná ɖe nǔwúkpíkpé tɔn xlɛ́ mi gbɔn é, ɖó é se nǔ e hlún ɖɔ dó wǔtu tɔn wɛ mi ɖe é. Étɛ́ mǐdɛɛ lɛ́ɛ nyí, bɔ mi ná nɔ hlún nǔ ɖɔ dó mǐ jí?”

Ezayíi 11:1

Atínta Jɛsée tɔn ná tɔ́n ama; ɖɔ tɔn ná tɔ́n kun.

Ezayíi 13:11

Mawu ɖɔ: “Un ná dɔn tó nú gbɛ ɔ́ ɖó dǎkaxixo tɔn wú, un ná dɔn tó nú mɛ nyanya lɛ́ɛ, ɖó nǔ baɖabaɖa e yě dó sin lɛ́ɛ wú. Jimakplɔ́n e nɔ ɖo go yí wɛ lɛ́ɛ ɔ́, un ná sú kún yětɔn dó, acɛgannaganna-kpanúmɛtɔ́ e nɔ ɖo afɔ tɛ ayǐ wɛ lɛ́ɛ ɔ́, un ná zin yě dɛ́.

Ezayíi 27:6

Nú azǎn ɖo azǎn jí jɛ wɛ, bɔ ga ɖo ga jí jɛ wɛ ɔ́, Jakɔ́bu togun ɔ́ ná dó ɖɔ do; Izlayɛ́li ná zɛ ala bó ná wlí sɛ́, bɔ sínsɛ́n tɔn ná gba kpé gbɛ ɔ́ bǐ mɛ.

Ezayíi 5:24

Énɛ́ ɔ́ wú ɔ́, yě ná cí nǔywɛ́ e myɔ ɖíɖɔ́ é ɖɔhun, yě ná cí gběhan xúxú e ji kɛn ɖo myɔ mɛ é ɖɔhun; yě ná nyɔ dó ɖɔ, bɔ jɔhɔn ná d'alɔ folówa yětɔn mɛ afúntúntún ɖɔhun, ɖó yě hɔn Mawu Mavɔmavɔ Nǔbǐwúkpétɔ́ ɔ́ sín sɛ́n nyi gbě, yě gbɛ́ wǎn nú Mɛ Mímɛ́ Izlayɛ́li tɔn ɔ́ sín xó.

Ezekiyɛ́li 16:41

Yě ná dó xwé towe lɛ́ɛ zo. Hwɛ e un ɖó nú we ɔ́, yě wɛ ná wa nǔ e ɖ'é mɛ ɔ́ bǐ xá we ɖo nyɔ̌nu gěgé nukún mɛ. Un ná bló mɔ̌ dó ɖó agagbɛ e zán wɛ a ɖe ɔ́ te, bɔ a sɔ́ ná nɔ́ ná nǔ xɔnnɔ towe lɛ́ɛ ɖěbǔ ǎ.

Ezekiyɛ́li 23:27

Un wa mɔ̌ xá we ɔ́, nǔ blíblí e wa wɛ a ɖe lɛ́ɛ, kpó aga e a bɛ̌ lilɛ sín Ejípu ɔ́ kpó ɔ́, un ná ɖó bǐ te. Énɛ́ ɔ́, súnnu ɖě sɔ́ ná jló we ǎ, a ka sɔ́ ná flín Ejípunu lɛ́ɛ ɖě ǎ.

Ozée 14:5

Mawu Mavɔmavɔ ɖɔ: “Un ná sɔ́ afɔ e Izlayɛ́linu lɛ́ɛ dó gbě ɔ́ kɛ yě. Un ná yí wǎn nú yě titewungbe. Đó un sɔ́ ná sin xomɛ dó yě ǎ.

Kɛ́nsísɔ́ 1:51

Nú è ɖo tɛn ná sɛ nú Goxɔ ɔ́ wɛ hweɖěbǔnu ɔ́, Levíi ví lɛ́ɛ wɛ ná nɔ́ tún; nú è nǎ nɔ te fí ɖé bó ɖó gɔnu ɖó fínɛ́ ɔ́, yědɛɛ lɛ́ɛ wɛ ná nɔ́ ján Goxɔ ɔ́. Nú mɛ ɖěvo ɖé sɛkpɔ́ ɔ́, è ná hu i.

Kɛ́nsísɔ́ 11:1

É wá su gbe ɖokpó, bɔ Izlayɛ́li ví lɛ́ɛ jɛ gbɛvíhan dó sɛ́ dó Mawu Mavɔmavɔ jí, bɔ é nyɔ́ nukún tɔn mɛ ǎ. Ée Mawu Mavɔmavɔ se gbɛvíhan e dó wɛ yě ɖe ɔ́, xomɛ sin i, bɔ é sɛ́ myɔ dó yě, bɔ sin ɖa nǔ ɖo fí e yě ɖǒ gɔnu ɖó ɔ́ ɖo akpá ɖokpó.

Kɛ́nsísɔ́ 16:11

Nǔ énɛ́ ɔ́ wú wɛ hwi kpó ahwan towe lɛ́ɛ bǐ kpó fɔ́n gǔ dó Mawu Mavɔmavɔ jí, ɖó nú è nǎ ɖɔ xó nǔgbó ɔ́, Aalɔ́ɔn wú ɖɔ xó dó wɛ mi ɖe ǎ.”

Kɛ́nsísɔ́ 16:5

bó ɖɔ nú Kolée kpó ahwan tɔn lɛ́ɛ kpó ɖɔ: “É jɛ sɔ zǎnzǎn ɔ́, Mawu Mavɔmavɔ ná ɖe mɛ e nyí étɔn bɔ é sɔ́ ɖó vo bɔ é ná nɔ́ sɛkpɔ́ ɛ ɔ́ xlɛ́. É ná jó mɛ e é sɔ́ ɔ́ dó bɔ é ná wá gɔ̌n tɔn.

Kɛ́nsísɔ́ 17:10

“Mi gosín togun ɔ́ tɛ́ntin; un ná sú mɛ énɛ́ lɛ́ɛ sín kún dó ɖo nukúnxwixwe ɖokpó mɛ.” Ée Mawu Mavɔmavɔ ɖɔ mɔ̌ ɔ́, Mɔyízi kpó Aalɔ́ɔn kpó xwe agbɔ̌nnusú do,

Kɛ́nsísɔ́ 17:6

Ée Mawu Mavɔmavɔ ɖɔ xó énɛ́ ɔ́ nú Mɔyízi bɔ ayǐ hɔ́n ɔ́, togun Izlayɛ́li tɔn ɔ́ bǐ jɛ nǔ hlún ɖɔ dó Mɔyízi kpó Aalɔ́ɔn kpó wú jí. Yě ɖɔ nú yě ɖɔ: “Mi hu togun Mawu Mavɔmavɔ tɔn ɔ́.”

Kɛ́nsísɔ́ 17:8

Mɔyízi kpó Aalɔ́ɔn kpó yi Goxɔ ɔ́ nukɔn,

1 Kɔlɛ́ntinu 10:10

Mi ɖó ná hlún nǔ ɖɔ lě e mɛɖé lɛ́ɛ bló gbɔn ɖo yě mɛ, bɔ wɛnsagun e nɔ hu mɛ ɔ́ wá hu yě ɔ́ ǎ.

Jozuwée 4:7

mi ná yí gbe nú yě ɖɔ: ‘Hwenu e akɔjijɛgbá Mawu Mavɔmavɔ tɔn ɖo Judɛ́ɛn tɔ dó asá wɛ ɔ́, tɔ ɔ́ gbo ɖo nukɔn tɔn; tɔ ɔ́ gbo bɔ sin kplé cí fí ɖokpó nǔɖé wɛ hɛn ɛ ɖó te ɖɔhun. Nǔ énɛ́ ɔ́ e jɛ ɔ́ flín Izlayɛ́li ví lɛ́ɛ wɛ awǐnnya énɛ́ lɛ́ɛ ɖe káká sɔ́yi mavɔ mavɔ.’ ”