Kɛ́nsísɔ́ 17:4 - MAWUXÓWÉMA

⁴ Énɛ́ ɔ́, vɔ̌sánú-xwlémawutɔ́ Eleazáa bɛ́ zǎlínkpɔ́nfyɔ́nú mɛ e fyɔ́ lɛ́ɛ tɔn, bó fɔ yě dó tun gan gbajagbaja ɖé lɛ́ɛ ná, bó ná cyɔ́n vɔ̌sákpe ɔ́. Zǎlínkpɔ́nfyɔ́nú énɛ́ lɛ́ɛ ɔ́, ganvɔ wɛ è zě dó tun yě.

Kɛ́nsísɔ́ 17:4 Iomraidhean Croise

Tíntɔ́n 30:36

A nǎ li ɖě kpɔ́ɖɔ́kpɔ́ɖɔ́, bó ná sɔ́ ɖó akɔjijɛgbá ɔ́ nukɔn ɖo goxɔ ɔ́ mɛ fí e un ná nɔ́ wá kpé we ɖe ɔ́, bɔ mi ná nɔ́ mɔ dó mɔ nǔ mímɛ́ titewungbe ɖé.

Tíntɔ́n 30:6

A nǎ zé vɔ̌sákpe ɔ́ ɖó xɔmɛgbovɔ ɔ́ nukɔn; xɔmɛgbovɔ e gúdo akɔjijɛgbá e mɛ awǐnnyatɛ ɖe ɔ́ nukɔn, ɖo fí e un ná nɔ́ wá kpé we ɖe é.

Kɛ́nsísɔ́ 17:10

“Mi gosín togun ɔ́ tɛ́ntin; un ná sú mɛ énɛ́ lɛ́ɛ sín kún dó ɖo nukúnxwixwe ɖokpó mɛ.” Ée Mawu Mavɔmavɔ ɖɔ mɔ̌ ɔ́, Mɔyízi kpó Aalɔ́ɔn kpó xwe agbɔ̌nnusú do,

Kɛ́nsísɔ́ 17:3

Đó zǎlínkpɔ́nfyɔ́nú énɛ́ lɛ́ɛ na bo nyí mɛ e hu hwɛ bó kú lɛ́ɛ tɔn ɔ́, nyɛ Mawu Mavɔmavɔ ɔ́ wɛ è sɔ́ xwlé. È nǎ fɔ yě dó tun gan gbajagbaja ɖé ná, bó ná fɔ cyɔ́n vɔ̌sákpe ɔ́, bɔ yě ná nyí flǐn ɖé nú Izlayɛ́li ví lɛ́ɛ.”

Kɛ́nsísɔ́ 17:7

Izlayɛ́li ví lɛ́ɛ xísí dó Mɔyízi kpó Aalɔ́ɔn kpó. Lo ɔ́, hwenu e yě kpɔ́n Goxɔ ɔ́ sɛ́ dó ɔ́, yě mɔ ɖɔ akpɔ́kpɔ́ cyɔ́n ɛ, bɔ Mawu Mavɔmavɔ ɖo susu tɔn ɖe xlɛ́ wɛ ɖo fínɛ́.