Kɛ́nsísɔ́ 16:9 - MAWUXÓWÉMA

⁹ Ée Mawu Mavɔmavɔ, Mawu Izlayɛ́li tɔn ɔ́ ɖe mi ɖó vo ɖo Izlayɛ́li ví ɖě lɛ́ɛ mɛ, bónú mi ná nɔ́ sɛkpɔ́ ɛ, bó ná nɔ́ kpé nukún dó Goxɔ tɔn wú, bó ná nɔ́ sɛn Mawu Mavɔmavɔ ɖó Izlayɛ́li togun ɔ́ ta mɛ ɔ́, nǔ énɛ́ ɔ́ kpé mi ǎ wɛ a?

Kɛ́nsísɔ́ 16:9 Iomraidhean Croise

Bǐbɛ́mɛ 30:15

Bɔ Lěya yí gbe n'i ɖɔ: “Asú ce e a yǐ ɔ́ kpé we ǎ, bɔ a nǎ lɛ́ yí atínsínsɛ́n wǎn yíyí tɔn vǐ ce tɔn ɔ́ wɛ a?” Bɔ Hlacɛ́li yí gbe n'i ɖɔ: “É nyɔ́! Égbé zǎn mɛ ɔ́, asú towe ná wá xɔ nú we, ɖó atínsínsɛ́n wǎn yíyí tɔn vǐ towe tɔn e a nǎ ná mì ɔ́ nu.”

2 Samuwɛ́li 7:19

Aklúnɔ, Mawu Mavɔmavɔ ce, nǔ énɛ́ e a blǒ nú mì ɔ́ kó su nukún towe mɛ ǎ, bɔ a lɛ̌ dó akpá ɖ'ayǐ nú xwédo ce din, bɔ é ná nɔ ayǐ káká sɔ́yi, bó lɛ́ wá ɖɔ nú nyɛ mɛ e nyí gbɛtɔ́ yǎyá é.

2 Tan 35:3

É ɖɔ xó nú Levíi ví lɛ́ɛ lɔ. Levíi ví lɛ́ɛ wɛ nɔ kplɔ́n nǔ Izlayɛ́li ví lɛ́ɛ bǐ bɔ è sɔ́ yě ɖó vo nú Mawu Mavɔmavɔ. É ɖɔ nú yě ɖɔ: “Mi zé akɔjijɛgbá mímɛ́ ɔ́ ɖó xwé e axɔ́sú Izlayɛ́li tɔn Salomɔ́ɔ Davídi ví ɔ́ sá nú Mawu ɔ́ gbe. Mi sɔ́ ná nɔ́ ɖíɖá ɖó abɔ̌ta ɖě ǎ. Din ɔ́, mi bo wa azɔ̌ nú Mawu Mavɔmavɔ, Mawu mitɔn ɔ́ kpó togun tɔn Izlayɛ́li ɔ́ kpó.

Nɛɛmíi 12:44

Gbe énɛ́ ɔ́ gbe ɔ́, è ɖe mɛ, bɔ è ná nɔ cɔ́ xɔ e mɛ è nɔ bɛ́ agban lɛ́ɛ dó é. Xɔ énɛ́ lɛ́ɛ mɛ wɛ è nɔ bɛ́ nǔ e è nǎ Mawu lɛ́ɛ dó: jinukún nukɔntɔn e nyɔ́ ɖo mɛ ɖokpó ɖokpó gle mɛ é, kpó mǎɖówǒ lɛ́ɛ kpó. É lɛ́ zɔ́n yě ɖɔ yě ní yi gbɔn toxo lɛ́ɛ mɛ, bó yí nǔ e nyí vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó tɔn bɔ sɛ́n ɔ́ ɖɔ é. Judáa to ɔ́ bǐ ɖo awǎ jɛ wɛ, ɖó vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó ɖo azɔ̌ yětɔn lɛ́ɛ wa wɛ.

Ezayíi 7:13

Bɔ Ezayíi ɖɔ n'i ɖɔ: “Hwi kpó hɛ̌nnu towe kpó ní ɖótó mì. Davídi ví lɛ́ɛ mi, mi ɖótó mì! Nǔ e dó sin wɛ mi ɖe káká bɔ é kpé kɔ nú gbɛtɔ́ lɛ́ɛ é víví hwe dó mi, bɔ mi ná ɖ'é wú káká bɔ é ná kpé kɔ nú Mawu ce wɛ a?

Ezekiyɛ́li 34:18

Ée mi mɔ ama ɖagbe ɖo amagbo mɛ bó ɖo ɖuɖu wɛ ɔ́, é kpé ǎ cé? Bɔ étɛ́wú mi ká nɔ gbídí ama e kpo ɔ́ ɖó afɔ wú? Ée mi mɔ sin ɖiɖi bó ɖo nunu wɛ ɔ́, é kpé ǎ cé? Bɔ étɛ́wú mi ka nɔ dó afɔ sin e kpo ɔ́ mɛ, bó nɔ́ hɛn blú?

Ezekiyɛ́li 44:16

Yě ɖokpónɔ wɛ ná nɔ́ byɔ́ xwé ce gbe, bó ná nɔ́ sɛkpɔ́ távo ce, bó ná nɔ́ xwedó tito e un ɖó ayǐ bɔ è nǎ nɔ xwedó dó wa azɔ̌ ɖo xwé ce gbe lɛ́ɛ.

Kɛ́nsísɔ́ 1:53

Amɔ̌, kúnkan Levíi tɔn lɛ́ɛ kɛ́ɖɛ́ wɛ ná nɔ́ ɖó gɔnu lɛ́ lɛ̌ dó Goxɔ ɔ́, bó ká ná nɔ́ ɖo azɔ̌ yětɔn wa wɛ. Énɛ́ ɔ́, Izlayɛ́li ví lɛ́ɛ ná dɔn xomɛsin nyɛ Mawu Mavɔmavɔ tɔn dó yěɖée jí ǎ.”

Kɛ́nsísɔ́ 16:13

A kplá mǐ sín to e mɛ nyibúnɔ́sin kpó wǐin kpó ɖo sisa ɖe wɛ ɔ́ mɛ, bó ná hu mǐ ɖo gbětótló mɛ. É ɖo mɔ̌ có énɛ́ ɔ́ kó kpé we ǎ, bɔ a jlǒ ná kpa acɛ nú mǐ gǎn mǐtɔn wɛ a nyǐ ɖɔhun.

Kɛ́nsísɔ́ 16:8

Mɔyízi lɛ́ ɖɔ nú Kolée ɖɔ: “Levíi ví lɛ́ɛ mi, mi ɖótó mì.

Kɛ́nsísɔ́ 3:6

“Kplá Levíi ví lɛ́ɛ dó así nú vɔ̌sánú-xwlémawutɔ́ Aalɔ́ɔn, bónú yě ná nɔ́ gɔ́ alɔ n'i.

Kɛ́nsísɔ́ 3:9

Énɛ́ ɔ́, a nǎ sɔ́ Levíi ví lɛ́ɛ jó nú Aalɔ́ɔn kpódó vǐ tɔn súnnu lɛ́ɛ kpó bónú yě ná dó alɔ yě. Izlayɛ́li ví ɖě lɛ́ɛ ná sɔ́ yě jó bǐ gbídígbídí.

Mɛsɛ́dó 13:2

Gbe ɖokpó ka wá su bɔ yě ɖo Aklúnɔ sɛn wɛ, bó ɖo nu blá wɛ, bɔ Yɛsinsɛn ɖɔ nú yě ɖɔ: “Mi ɖe Baanabási kpódó Sólu kpán ɖó vo nú mì, nú yě ná yi wa azɔ̌ e wú un ylɔ́ yě é.”

1 Kɔlɛ́ntinu 4:3

Nyɛ ɔ́, ényí mi ɖɔ hwɛ xá mì, abǐ è ɖɔ hwɛ xá mì, ɖo hwɛɖɔxɔsá gbɛtɔ́ lɛ́ɛ tɔn ɔ́, énɛ́ ɔ́ vɛ́ nú mì ɖěbǔ ǎ; un ka ɖo hwɛ ɖɔ xá nyɛ ɖésúnɔ wɛ ǎ.

Sɛ́nflínmɛ 10:8

Hwenɛ́nu ɔ́, Mawu Mavɔmavɔ ɖe akɔta Levíi tɔn ɔ́ ɖó vo, bó zé azɔ̌ élɔ́ lɛ́ɛ dó así nú yě: yě ná nɔ hɛn akɔjijɛgbá Mawu Mavɔmavɔ tɔn, yě ná nɔ́ ɖo xwé gbe bó ná nɔ ɖo azɔ̌ tɔn wa wɛ hwebǐnu, yě ná nɔ́ xo ɖɛ dó mɛ jí, ɖo Mawu Mavɔmavɔ sín nyǐkɔ mɛ. Yě wɛ kpo ɖo azɔ̌ énɛ́ lɛ́ɛ wa wɛ káká jɛ égbé.

1 Samuwɛ́li 18:23

Mɛsɛntɔ́ lɛ́ɛ yi ɖɔ xó énɛ́ ɔ́ nú Davídi, bɔ Davídi ɖɔ: “Mi vɛdó ɖɔ axɔ́súví dida ɔ́, nǔ da ayihún wɛ sín a? Nyɛ ɔ́ wamamɔnɔ wɛ nú mì, un nyí mɛɖé ǎ.”