Kɛ́nsísɔ́ 16:5 - MAWUXÓWÉMA

⁵ bó ɖɔ nú Kolée kpó ahwan tɔn lɛ́ɛ kpó ɖɔ: “É jɛ sɔ zǎnzǎn ɔ́, Mawu Mavɔmavɔ ná ɖe mɛ e nyí étɔn bɔ é sɔ́ ɖó vo bɔ é ná nɔ́ sɛkpɔ́ ɛ ɔ́ xlɛ́. É ná jó mɛ e é sɔ́ ɔ́ dó bɔ é ná wá gɔ̌n tɔn.

Kɛ́nsísɔ́ 16:5 Iomraidhean Croise

Ɖɛhan 105:26

Énɛ́ ɔ́ wú ɔ́, é sɛ́ mɛsɛntɔ́ tɔn Mɔyízi dó, é kpódó Aalɔ́ɔn e é sɔ́ ɔ́ kpó.

Ɖɛhan 115:10

Aalɔ́ɔn ví lɛ́ɛ mi, mi jó miɖée dó nú Mawu Mavɔmavɔ. - É wɛ nyí alɔgɔ́númɛtɔ́ yětɔn, é wɛ nyí gǎglónú yětɔn.

Ɖɛhan 65:4

Hwɛ e un hu lɛ́ɛ hú gǎn mì. Amɔ̌, hwɛ ɔ́, a nǎ súnsún hwɛ sín kɔ nú mì.

Tíntɔ́n 28:1

Mawu Mavɔmavɔ lɛ́ ɖɔ nú Mɔyízi ɖɔ: “Mɔyízi, ylɔ̌ nɔví towe Aalɔ́ɔn ní wá gɔ̌n towe, é kpódó vǐ tɔn Nadavu, Avihu, Eleazáa kpódó Itamáa kpó. A nǎ ɖe yě ɖó vo nú Izlayɛ́li ví ɖě lɛ́ɛ, bɔ yě ná nɔ wa vɔ̌sánú-xwlémawutɔ́zɔ́ nú mì.

Tíntɔ́n 28:41

“A nǎ dó awu énɛ́ lɛ́ɛ nú nɔví towe Aalɔ́ɔn kpódó vǐ tɔn súnnu lɛ́ɛ kpó. A nǎ kɔn ami dó ta nú yě, a nǎ zé azɔ̌ yětɔn dó así nú yě, a nǎ ɖe yě ɖó vo, bɔ yě ná nɔ wa vɔ̌sánú-xwlémawutɔ́ sín azɔ̌ ɔ́ nú mì.

Tíntɔ́n 28:43

Nú Aalɔ́ɔn kpódó vǐ tɔn súnnu lɛ́ɛ kpó xwe goxɔ ɔ́ mɛ, bó ná kpé nyɛ Mawu, abǐ nú yě xwe vɔ̌sákpe ɔ́ kɔn, bó ná wa vɔ̌sánú-xwlémawutɔ́zɔ́ yětɔn ɔ́, yě ɖó ná dó cokoto kpɛví énɛ́ ɔ́ dó do. É má nyí mɔ̌ ǎ ɔ́, un ná mɔ ɖɔ yě wa nǔ nyi do, bɔ yě ná kú. Sɛ́n ɖé wɛ sɛ́n énɛ́ ɔ́ nyí, bó ɖo te káká sɔ́yi nú Aalɔ́ɔn kpódó kúnkan tɔn lɛ́ɛ kpó.”

Jelemíi 30:21

Mɛ e ná nyí gǎn ɖo yě nu ɔ́, un ná sɔ́ ɖo tɛ́ntin yětɔn; mɛ e ná kpa acɛ dó yě nu ɔ́, un ná sɔ́ ɖo yě mɛ. Un ná dɔn ɛ bɔ é ná sɛkpɔ́ mì, ɖó nú un ma ylɔ́ mɛɖé ǎ ɔ́, mɛ ɔ́ sixú syɛ́n ta bó sɛkpɔ́ mì ǎ. Nyɛ Mawu Mavɔmavɔ wɛ ɖɔ mɔ̌.

Jelemíi 49:19

Lě e kinnikínní nɔ yi wu ɖo zunkan mɛ ɖo Judɛ́ɛn tɔ ɔ́ tó nú kanlin e ɖo gběhan mɛ lɛ́ɛ, bó nɔ́ wlí ɖě, bɔ ée kpo lɛ́ɛ nɔ́ gbadó gbɔn ɔ́, mɔ̌ wɛ un ná fyán Edɔ́mu to ɔ́ kpó toxo tɔn lɛ́ɛ kpó. Un ná gba mɛ bǐ dó sín fínɛ́, ɖo nukúnxwixwe ɖokpó mɛ, bó ná zé mɛ e un sɔ́ ɔ́ ɖó Edɔ́mu to ɔ́ nu. Mɛ̌ ka ɖó acɛ nyɛ ɖɔhun? Nú un wa nǔɖé ɔ́, mɛ̌ ka sixú kan nǔ e wú un wa mɔ̌ ɔ́ byɔ́ mì? Gǎn tɛ́ sixú nɔ te nukɔn ce?

Jelemíi 50:44

Lě e kinnikínní nɔ́ yi wu ɖo zunkan mɛ ɖo Judɛ́ɛn tɔ ɔ́ tó, nú kanlin e ɖo gběhan mɛ lɛ́ɛ, bó nɔ́ wlí ɖě bɔ ée kpo lɛ́ɛ nɔ́ gbadó ɔ́ ɖɔhun wɛ kɛntɔ́ ná fyán Babilɔ́nu kpó toxo tɔn lɛ́ɛ kpó. Un ná gba mɛ bǐ dó sín fínɛ́ ɖo nukúnxwixwe ɖokpó mɛ, bó ná zé mɛ e un sɔ́ ɔ́ ɖó to ɔ́ nu. Mɛ̌ ká ɖó acɛ nyɛ ɖɔhun? Nú un wa nǔɖé ɔ́, mɛ̌ ka sixú kan nǔ e wú un wa mɔ̌ ɔ́ byɔ́ mì? Gǎn tɛ́ sixú nɔ te nukɔn ce?”

Ezekiyɛ́li 40:46

Xɔ e kpan nukɔn taligbé é ká nyí vɔ̌sánú-xwlémawutɔ́ e nɔ́ wa azɔ̌ ɖo vɔ̌sákpe ɔ́ jí lɛ́ɛ tɔn. Levíi ví lɛ́ɛ mɛ ɔ́, mɛ e nyí Sadɔ́ku ví lɛ́ɛ kɛ́ɖɛ́ jɛ́n ná nɔ́ yi tɛn mímɛ́ ɔ́ mɛ, bó ná nɔ́ wa azɔ̌ nú Mawu Mavɔmavɔ.”

Ezekiyɛ́li 43:19

A nǎ sɔ́ nyibúsú ɖokpó nú vɔ̌sánú-xwlémawutɔ́ Levíi ví Sadɔ́ku ví lɛ́ɛ, bɔ yě ná sɔ́ dó sá hwɛsɔ́kɛmɛvɔ́; yědɛɛ lɛ́ɛ kɛ́ɖɛ́ wɛ un ná gbe ɖɔ yě ná nɔ́ xwlé vɔ̌sánú mì. Xó e nyɛ Mawu Mavɔmavɔ ɖɔ ɔ́ nɛ́.

Ezekiyɛ́li 45:4

È nǎ sɔ́ fí énɛ́ ɖó vo nú mì, bɔ é ná nyí vɔ̌sánú-xwlémawutɔ́ e ɖo azɔ̌ wa nú nyɛ Mawu Mavɔmavɔ wɛ lɛ́ɛ tɔn. Tɛn énɛ́ ɔ́ mɛ wɛ xwé yětɔn lɛ́ɛ ná nɔ, bɔ xwé ce lɔ ná nɔ fínɛ́.

Levíi ví 10:3

Énɛ́ ɔ́, Mɔyízi ɖɔ nú Aalɔ́ɔn ɖɔ: “Nǔ e Mawu Mavɔmavɔ kó ɖɔ ɖ'ayǐ gbɔn xógbe élɔ́ lɛ́ɛ jí ɔ́ nɛ́. É ɖɔ: ‘Un jló ɖɔ mɛ e nɔ wa azɔ̌ nú mì lɛ́ɛ ní nɔ́ ɖó sísí nú mǐmɛ́ e un nyí ɔ́; énɛ́ ɔ́, togun ɔ́ bǐ ná nɔ́ kpa susu nú mì.’ ” Aalɔ́ɔn ka kɛ nu ǎ.

Levíi ví 8:2

“Kplá Aalɔ́ɔn kpó vǐ tɔn súnnu lɛ́ɛ kpó, bó hɛn awu lɛ́ɛ, ami e è nɔ ɖó ta nú mɛ é, nyibúsú e è nǎ dǒ sá hwɛsɔ́kɛmɛvɔ́ ná é, agbo we lɛ́ɛ, kpódó xasun e mɛ è bɛ̌ wɔ̌xúxú e mɛ è ma dó tɔ́n ǎ é kpó dó é.

Malacíi 3:18

Mi ná lɛ́ vɔ́ mɔ vogbingbɔn e ɖo hwɛjijɔnɔ lɛ́ɛ kpódó mɛdídá lɛ́ɛ kpó tɛ́ntin é, vogbingbɔn e ɖo mɛ e nɔ sɛn mì kpó mɛ e ma nɔ sɛn mì ǎ lɛ́ɛ kpó tɛ́ntin é.”

Kɛ́nsísɔ́ 16:3

Yě kplé lɛ́ lɛ̌ dó Mɔyízi kpó Aalɔ́ɔn kpó, bó ɖɔ nú yě ɖɔ: “É kpé mɔ̌ lo! Đó mǐ mɛ e ɖo Izlayɛ́li sín togun ɔ́ mɛ lɛ́ɛ bǐ wɛ nyí Mawu Mavɔmavɔ tɔn, bɔ Mawu Mavɔmavɔ ɖo mǐ bǐ tɛ́ntin. Aniwú wɛ mi nɔ mɔ ɖɔ émí hú gǎn mɛ e ɖo togun Mawu Mavɔmavɔ tɔn mɛ lɛ́ɛ bǐ?”

Kɛ́nsísɔ́ 16:6

Kolée, hwi kpódó ahwan towe lɛ́ɛ kpó ɔ́, nǔ e mi ná bló ɔ́ ɖíe: mi zé zǎlínkpɔ́nfyɔ́nú.

Kɛ́nsísɔ́ 17:5

Nǔ énɛ́ e è cyɔ́n dó vɔ̌sákpe ɔ́ nɔ́ flín Izlayɛ́li ví lɛ́ɛ ɖɔ mɛ ɖěbǔ kún ɖó acɛ e ná dó zǎlínkpɔ́n zo nú nyɛ Mawu Mavɔmavɔ ɔ́ zɛ kúnkan Aalɔ́ɔn tɔn lɛ́ɛ wú ó. Mɛ ɖěbǔ bló mɔ̌ ɔ́, awě e xo Kolée kpó ahwan tɔn lɛ́ɛ kpó ɔ́ wɛ ná xo mɛ ɔ́, lě e nyɛ Mawu Mavɔmavɔ ko ɖɔ gbɔn Mɔyízi jí é.

Kɛ́nsísɔ́ 17:8

Mɔyízi kpó Aalɔ́ɔn kpó yi Goxɔ ɔ́ nukɔn,

Jǎan 15:16

Mi wɛ sɔ́ mì ǎ; lo ɔ́, nyɛ wɛ cyán mi, bó sɛ́ mi dó gbɛ ɔ́ mɛ, bónú mi ná sɛ́n, bó gba kún káká sɔ́yi; énɛ́ ɔ́, mi byɔ́ nǔ ɖěbǔ Tɔ́ ɔ́ ɖo nyǐkɔ ce mɛ ɔ́, é ná ná bǐ mi.

Mɛsɛ́dó 1:2

káká yi jɛ gbe e gbe Mawu sɔ́ ɛ yi jǐxwé é. Cóbónú é ná yi jǐxwé ɔ́, é kplɔ́n nǔ mɛsɛ́dó e é cyán lɛ́ɛ gbɔn Yɛsinsɛn jí.

Mɛsɛ́dó 1:24

Énɛ́ ɔ́ gúdo ɔ́, yě xo ɖɛ, bó ɖɔ: “Aklúnɔ, hwi mɛ e nɔ mɔ nǔ jɛ mɛ ɖokpó ɖokpó sín ayi mɛ é, xlɛ́ mɛ e a sɔ́ ɖo mɛ we élɔ́ lɛ́ɛ mɛ é mǐ,

Mɛsɛ́dó 13:2

Gbe ɖokpó ka wá su bɔ yě ɖo Aklúnɔ sɛn wɛ, bó ɖo nu blá wɛ, bɔ Yɛsinsɛn ɖɔ nú yě ɖɔ: “Mi ɖe Baanabási kpódó Sólu kpán ɖó vo nú mì, nú yě ná yi wa azɔ̌ e wú un ylɔ́ yě é.”

Mɛsɛ́dó 15:7

Ée yě dɔn nǔ ɖ'é kɔn káká ɔ́, Piyɛ́ɛ sí te bó ɖɔ: “Nɔví ce lɛ́ɛ mi, mi nywɛ́ ɖɔ é kó lín din, bɔ Mawu ɖe mì ɖó vo ɖo mi mɛ, nú ma jlá Wɛn Ɖagbe ɔ́ mɛ e ma nyí Jwifu ǎ lɛ́ɛ, nú yě ná se, lobo ɖi nǔ.

Mɛsɛ́dó 22:14

É ka ɖɔ: ‘Mawu tɔ́gbó mǐtɔn lɛ́ɛ tɔn ɔ́ ko sɔ́ we, bónú a na tunwun jló tɔn, bó ná mɔ mɛsɛntɔ́ Mawu tɔn hwɛjijɔnɔ ɖokpó géé ɔ́, bó ná se xó e na tɔ́n sín nu tɔn mɛ é.

Efɛ́zinu 2:13

Amɔ̌ din ɔ́, ɖo bǔ e mǐ ɖe xá Klísu Jezu ɔ́ mɛ ɔ́, mi mɛ e ɖo zɔ ɖ'ayǐ lɛ́ɛ ɔ́, mi sɛkpɔ́ Mawu, gbɔn Vǐ tɔn sín hun gbla mɛ.

2 Timɔtée 2:19

Nǔ ɖo mɔ̌ có dodó syɛ́nsyɛ́n Mawu tɔn ɔ́ ɖo te ganjí, bɔ xó élɔ́ lɛ́ɛ nyí wuntun bó ɖ'é wú: “Aklúnɔ tunwun mɛ e nyí étɔn lɛ́ɛ é!” “Mɛ ɖěbǔ ɖɔ émí nyí Aklúnɔ tɔn ɔ́, mɛ ɔ́ ɖó ná lɛ́ kɔ sín nǔ nyanya wiwa gúdo.”

Eblée 12:14

Mi dó gǎn, bó nɔ fífá mɛ xá mɛ bǐ, bó zán gbɛ mímɛ́; ɖó, nú mɛɖé ma wa nǔ gbɔn mɔ̌ ǎ ɔ́, é ná sixú mɔ Aklúnɔ ǎ.

Nǔɖexlɛ́mɛ 1:6

bó zé mǐ dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú mǐ ná nɔ wa azɔ̌ nú Tɔ́ tɔn Mawu. Susu kpó hlɔ̌nhlɔ́n kpó ní nyí étɔn káká sɔ́yi mavɔ mavɔ! Amǐ.

1 Samuwɛ́li 2:28

Un sɔ́ tɔ́gbó towe Aalɔ́ɔn xwédo ɔ́ ɖo akɔta Izlayɛ́li tɔn lɛ́ɛ bǐ mɛ, bɔ é ná wa vɔ̌sánú-xwlémawutɔ́zɔ́ nú mì; yě wɛ ná nɔ sɛkpɔ́ vɔ̌sákpe ce, bó ná nɔ́ dó zǎlínkpɔ́n zo, bó ná nɔ́ kan xó byɔ́ mì; vɔ̌ e Izlayɛ́li ví lɛ́ɛ ná sá, bɔ è nǎ dǒ zo ɔ́, un ná lan tɔn ɖě yě ɖ'é mɛ.