Kɛ́nsísɔ́ 16:3 - MAWUXÓWÉMA

³ Yě kplé lɛ́ lɛ̌ dó Mɔyízi kpó Aalɔ́ɔn kpó, bó ɖɔ nú yě ɖɔ: “É kpé mɔ̌ lo! Đó mǐ mɛ e ɖo Izlayɛ́li sín togun ɔ́ mɛ lɛ́ɛ bǐ wɛ nyí Mawu Mavɔmavɔ tɔn, bɔ Mawu Mavɔmavɔ ɖo mǐ bǐ tɛ́ntin. Aniwú wɛ mi nɔ mɔ ɖɔ émí hú gǎn mɛ e ɖo togun Mawu Mavɔmavɔ tɔn mɛ lɛ́ɛ bǐ?”

Kɛ́nsísɔ́ 16:3 Iomraidhean Croise

Ɛsidlási 9:2

Yě ɖésúnɔ da nyɔ̌nu togun énɛ́ lɛ́ɛ mɛ tɔn lɛ́ɛ, bó da nú vǐ yětɔn súnnu lɛ́ɛ, bɔ togun mímɛ́ ɔ́ ján dó to énɛ́ ɔ́ mɛ nu lɛ́ɛ mɛ. Gǎn lɛ́ɛ kpódó hwɛɖɔtɔ́ lɛ́ɛ kpó wɛ nyí mɛ nukɔntɔn e dó nǔ baɖabaɖa énɛ́ ɔ́ sin é.”

Ɖɛhan 106:16

Yě jɛ wǔ hwan Mɔyízi wú jí ɖo fí e yě ɖó gɔnu ɖó ɔ́, yě jɛ wǔ hwan Aalɔ́ɔn mɛ e Mawu Mavɔmavɔ sɔ́ ɖó vo é wú jí,

Ɖɛhan 68:17

Bɔ hwi só nuvínu gěgé nɔ, étɛ́wú a ɖo wǔ hwan só e Mawu sɔ́ bó ná nɔ jí é wɛ? Só e Mawu Mavɔmavɔ sɔ́ bɔ é ná nyí nɔtɛn tɔn káká sɔ́yi é wɛ.

Tíntɔ́n 19:6

Amɔ̌, midɛɛ lɛ́ɛ ɔ́, mi ná nyí vɔ̌sánú-xwlémawutɔ́ lɛ́ɛ sín axɔ́súɖuto ɖokpó, bó ná nyí akɔta ɖe ɖó vo ɖé. Xó e a nǎ ɖɔ nú Izlayɛ́li ví lɛ́ɛ ɔ́ nɛ́.”

Kɛ́nsísɔ́ 14:14

bó ná ɖɔ nú to énɛ́ ɔ́ mɛ nu lɛ́ɛ. Yě tunwun ɖɔ hwi Mawu Mavɔmavɔ ɔ́, a ɖo togun élɔ́ tɛ́ntin; yě tunwun ɖɔ a nɔ tɔ́n dó yě jí gannaganna, bɔ akpɔ́kpɔ́ towe ɖo jǐ yětɔn. Yě tunwun ɖɔ kéze ɔ́, a nɔ ɖo nukɔn yětɔn, ɖo akpɔ́kpɔ́ ɖaxó mɛ, bɔ zǎn mɛ ɔ́, a nɔ ɖo nukɔn yětɔn ɖo myɔ ɖé mɛ.

Kɛ́nsísɔ́ 16:11

Nǔ énɛ́ ɔ́ wú wɛ hwi kpó ahwan towe lɛ́ɛ bǐ kpó fɔ́n gǔ dó Mawu Mavɔmavɔ jí, ɖó nú è nǎ ɖɔ xó nǔgbó ɔ́, Aalɔ́ɔn wú ɖɔ xó dó wɛ mi ɖe ǎ.”

Kɛ́nsísɔ́ 16:7

É jɛ sɔ ɔ́, mi ná bɛ́ myɔkán d'é mɛ, bó ná kɔn zǎlínkpɔ́n d'é jí ɖo Mawu Mavɔmavɔ nukɔn. Énɛ́ ɔ́, è nǎ mɔ mɛ e Mawu Mavɔmavɔ sɔ́ é; è nǎ tunwun mɛ e nyí étɔn é. Mi mɛ Levíi ví lɛ́ɛ wɛ un ná ɖɔ ná ɖɔ é kpé mɔ̌ lo.”

Kɛ́nsísɔ́ 23:21

Mawu Mavɔmavɔ mɔ hwɛ ɖě ɖo Jakɔ́bu ví lɛ́ɛ tɛ́ntin ǎ. É mɔ tagba ɖěbǔ ɖo Izlayɛ́li ví lɛ́ɛ tɛ́ntin ǎ. Mawu Mavɔmavɔ, Mawu yětɔn ɖo kpɔ́ xá yě. É wɛ nyí axɔ́sú Izlayɛ́li togun ɔ́ tɔn. É wɛ nyí axɔ́sú e yě bǐ nɔ́ kpa awǒbóbó ná é.

Kɛ́nsísɔ́ 35:34

Mi ma hɛn to e mɛ mi ná yi nɔ, bɔ nyɛ ɖésúnɔ ná nɔ tɛ́ntin mitɔn ɔ́ blí ó, ɖó nyɛ wɛ nyí Mawu Mavɔmavɔ; nyɛ wɛ nɔ nɔ Izlayɛ́li ví lɛ́ɛ tɛ́ntin.”

Kɛ́nsísɔ́ 5:3

Nú mɛ ɔ́ na bo nyí súnnu abǐ nyɔ̌nu ɔ́, mi ɖó ná ɖe e tɔ́n sín agun ɔ́ mɛ, bónú é má wá hɛn fí e mi ɖó gɔnu ɖó ɔ́ hɛn blí ó, ɖó un ɖo tɛ́ntin mitɔn.”

Mɛsɛ́dó 7:39

“Lo ɔ́, tɔ́gbó mǐtɔn lɛ́ɛ jló ná se tónú n'i ǎ, lobo gbɛ́ xó tɔn, bó jló ná lɛ́ kɔ yi Ejípu,

Mɛsɛ́dó 7:51

“Mi tamɛtitɔ́, tótlítɔ́, ayisyɛ́nsyɛ́nnɔ lɛ́ɛ mi; gǔ jɛ́n mi nɔ fɔ́n dó Yɛsinsɛn jí; nǔ e tɔ́gbó mitɔn lɛ́ɛ wa ɔ́, é wa wɛ jɛ́n mi lɔmɔ̌ ɖe.