Kɛ́nsísɔ́ 16:29 - MAWUXÓWÉMA

²⁹ Ényí mɛ élɔ́ lɛ́ɛ kú sɛ́ kú e mɛ bǐ nɔ́ kú ɔ́, hǔn Mawu Mavɔmavɔ wɛ sɛ́ mì dó ǎ.

Kɛ́nsísɔ́ 16:29 Iomraidhean Croise

Gbɛvíhan 4:22

Sinyɔ́ɔ, fí e è dɔn tó nú we yi jɛ ɔ́ kpé. È sɔ́ ná kplá we yi to ɖěvo mɛ ɖě ǎ. Amɔ̌, hwɛ Edɔ́mu ɔ́, Mawu ná dɔn tó nú we, ɖó hwɛ e a hu lɛ́ɛ wú; é ná ɖe acɛ e a gba lɛ́ɛ nyi wěxo.

1 Axɔ́sú 22:28

Micée ka ɖɔ n'i ɖɔ: “Nú a lɛ̌ kɔ wá wǔyɛ́yɛ́ afɔyɛ́yɛ́ hǔn, Mawu Mavɔmavɔ ɖɔ xó gbɔn jǐ ce ǎ.” Ée é ɖɔ mɔ̌ gúdo ɔ́, é ɖɔ: “Togun lɛ́ɛ bǐ ní ɖótó.”

Jelemíi 5:9

Un na dɔn tó nú yě ɖó nǔ énɛ́ lɛ́ɛ wú ǎ cé? Togun mɔ̌hunkɔ ɔ́, un ná wa nǔ xá ɛ ǎ cé? Xó e nyɛ Mawu Mavɔmavɔ ɖɔ ɔ́ nɛ́.

Ezayíi 10:3

Hwenu e Mawu ká ná dɔn tó nú mɛ ɔ́, hwenu e jɔhɔn ná sí te sín zɔ kpó zǐngídi kpó jǎwe ɔ́, nɛ̌ mi nǎ wa nǔ gbɔn? Mɛ̌ xwé mi ná hɔn yi hwlá cí bɔ é ná dó alɔ mi? Fítɛ́ mi ná bɛ́ dɔkun mitɔn lɛ́ɛ ɖó?

Nǔnywɛ́tɔ́xó 3:19

Đó nǔ e ɖo te kpɔ́n kanlin ɔ́ jɛ́n ɖo te kpɔ́n gbɛtɔ́ lɔ; funfún e ɖo kanlin xomɛ é jɛ́n ɖo gbɛtɔ́ xomɛ; kanlin ná kú, gbɛtɔ́ lɔ ná kú. Gbɛtɔ́ nyí nǔɖé hú kanlin ǎ; ɖó nǔ lɛ́ɛ bǐ wɛ nyí nǔ yǎyá.

Jɔ̌bu 35:15

A nɔ ɖɔ Mawu kún ko ɖo xomɛsin tɔn dó wa nǔ xá mɛ wɛ ó, é kún nɔ ké ya nú sɛ́n tɔn e gba wɛ è nɔ ɖe lɛ́ɛ ó.

2 Tan 18:27

Bɔ Micée ka ɖɔ n'i ɖɔ: “Nú a lɛ̌ kɔ wá wǔyɛ́yɛ́ afɔyɛ́yɛ́ hǔn, Mawu Mavɔmavɔ ɖɔ xó gbɔn jǐ ce ǎ.” Ée é ɖɔ mɔ̌ gúdo ɔ́, é ɖɔ: “Togun lɛ́ɛ bǐ ní ɖótó!”

Tíntɔ́n 32:34

Hǔn bo yi, bó kplá togun ɔ́ yi fí e un ɖɔ nú we ɔ́; wɛnsagun ce ka ná nɔ nukɔn towe. Amɔ̌, gbe e gbe un ná ba hlɔn ɔ́, un ná dɔn tó nú yě, ɖó hwɛ e yě hu ɔ́ wú.”

Tíntɔ́n 20:5

Ma jɛ kpo bo ɖe kɔ́ nú yě ó; ma sɛn yě ó, ɖó nyɛ Mawu Mavɔmavɔ, Mawu towe ɔ́, un nɔ ba gbeɖé ɖɔ a nǐ sɛn nǔ ɖěvo zɛ nyɛ wú ǎ; ényí mɛɖé gbɛ́ wǎn nú mì ɔ́, vǐ tɔn lɛ́ɛ ná sún sin tɔn, vǐvú tɔn lɛ́ɛ, vitikli tɔn lɛ́ɛ kpódó kpaba tɔn lɛ́ɛ kpó ná sún sin tɔn.

Nǔɖexlɛ́mɛ 11:5

Ényí mɛɖé jló ná wa nǔ nyanya dó yě wú ɔ́, myɔ nɔ tɔ́n sín nu yětɔn mɛ bó nɔ fyɔ́ kɛntɔ́ yětɔn lɛ́ɛ. Lě e è ɖǒ ná hu mɛ e ná ba ná wa nǔ nyanya dó yě wú lɛ́ɛ gbɔn é nɛ́.

1 Axɔ́sú 18:36

Ée gan e mɛ è nɔ xwlé vɔ̌sánú hwe lɛ́ kɔ tɔn Mawu Mavɔmavɔ ɔ́ xo ɔ́, gbeyíɖɔ Mawu Mavɔmavɔ tɔn Elíi sɛkpɔ́ vɔ̌sákpe ɔ́, bó ɖɔ: “Mawu Mavɔmavɔ, Mawu Ablaxámu tɔn, Mawu Izáki tɔn, Mawu Izlayɛ́li tɔn! Đe xlɛ́ égbé din ɖɔ hwi wɛ nyí Mawu Izlayɛ́li tɔn, bɔ nyɛ nyí mɛsɛntɔ́ towe; ɖe xlɛ́ ɖɔ gbe towe wɛ un xwedó dó bló nǔ énɛ́ lɛ́ɛ bǐ.