Kɛ́nsísɔ́ 16:15 - MAWUXÓWÉMA

¹⁵ Ée Mɔyízi se mɔ̌ ɔ́, xomɛ sin i ɖésú. É ɖɔ nú Mawu Mavɔmavɔ ɖɔ: “Ma yí nǔníná yětɔn ó; un yí nǔ ɖěbǔ ɖo yě sí kpɔ́n gbeɖé ǎ; un tlɛ yí tócí vɔ́vɔ́ ɖo yě sí ǎ, un ka wa nǔ nyi do nú mɛɖé ɖo yě mɛ gbeɖé kpɔ́n ǎ.”

Kɛ́nsísɔ́ 16:15 Iomraidhean Croise

2 Samuwɛ́li 22:22

Un wa nǔ e Mawu Mavɔmavɔ ɖɔ nú mì lɛ́ɛ; un wa nǔɖé nyi do nú Mawu ce ǎ.

Tíntɔ́n 32:19

Ée yě sɛkpɔ́ fí e togun ɔ́ ɖó gɔnu ɖó ɔ́ tlóló ɔ́, Mɔyízi mɔ nyibúví ɔ́ sɛ́ dó, bó mɔ togun ɔ́ ɖo we ɖú wɛ. Ée Mɔyízi mɔ mɔ̌ ɔ́, xomɛ sin i káká, bɔ é bɛ́ awǐnnyatɛ e ɖo alɔ tɔn mɛ lɛ́ɛ nyi gbě, bɔ yě wá gba ɖo só ɔ́ kpá.

Nǔnywɛ́xó 21:27

Vɔ̌sísá mɛdídá lɛ́ɛ tɔn ɔ́, nǔ baɖabaɖa wɛ; ée lɛ́ nylá bǐ é nɛ́ nyí yě lɛ́ sá vɔ̌ ɔ́ kpó linlin nyanya kpó nɛ́.

Kɛ́nsísɔ́ 12:3

Mɔyízi ka nyí mɛɖé, bó nɔ́ sɔ́ éɖée hwe ɖésú; é nɔ́ sɔ́ éɖée hwe hú gbɛtɔ́ e ɖo ayǐkúngban jí lɛ́ɛ bǐ.

Kɛ́nsísɔ́ 16:16

Mɔyízi ɖɔ nú Kolée ɖɔ: “É jɛ sɔ ɔ́, hwi kpó ahwan towe lɛ́ɛ kpó ní wá Mawu Mavɔmavɔ nukɔn; Aalɔ́ɔn lɔmɔ̌ ná ɖo fínɛ́.

Matíe 5:22

Lo ɔ́, nyɛ ka ɖo ɖiɖɔ nú mi wɛ ɖɔ: mɛ ɖěbǔ sin xomɛ dó nɔzo tɔn ɔ́, é jɛ xá ɖɔ è nǐ ɖɔ hwɛ xá mɛ énɛ́; mɛ e ka na zun nɔzo tɔn ɖɔ: ‘Nǔvɔ́nɔ’ ɔ́, é jɛ xá ɖɔ toxóɖɔgbɛ́ ɔ́ ní dɔn tó n'i. Mɛ e ka na zun nɔzo tɔn ɖɔ: ‘Nǔwanǔmɔnɔ’ ɔ́, zojimací wɛ jɛ xá ɛ.

Maki 3:5

Énɛ́ ɔ́, akpɔ ɖó e dó tótlítlí yětɔn wú, bɔ é kpɔ́n yě xaan lɛ́ dó kpódó xomɛsin kpó, bó ɖɔ nú nya ɔ́ ɖɔ: “Dlɛ̌n alɔ towe”, bɔ é dlɛ́n alɔ, bɔ alɔ tɔn jɛ tɛn tɔn mɛ.

1 Kɔlɛ́ntinu 9:15

Lo ɔ́, un zé acɛ énɛ́ lɛ́ɛ ɖokpó dó wa azɔ̌ ná ǎ; é ka nyí ɖɔ biba wɛ un ɖe wú wɛ un ɖo xó élɔ́ wlán wɛ ǎ. Ényí un kú ɔ́, é nyɔ́ nú mì hú è nǎ yí nǔ énɛ́ e zɔ́n bɔ un nɔ jlá ajɔ̌ nú nyɛɖée ɔ́ sín así ce.

2 Kɔlɛ́ntinu 1:12

Nǔ e wú mǐ hɛn ɔ́, mǐ ná gó ɔ́ ɖíe: ayixa mǐtɔn ná gǎnjɛwú mǐ ɖɔ mǐ zǎn gbɛ mǐtɔn ɖo gbɛ ɔ́ mɛ; ɖo tají ɔ́, mǐ zán gbɛ mǐtɔn ɖo tɛ́ntin mitɔn kpó ayi ɖokpó kpó, kpó nǔgbó e nɔ gosín Mawu gɔ̌n ɔ́ kpó. Nǔ énɛ́ e mǐ ka wa ɔ́, fɛ́nú Mawu tɔn wɛ xlɛ́ ali mǐ; é nyí nǔnywɛ́ gbɛtɔ́ tɔn ǎ.

2 Kɔlɛ́ntinu 7:2

Mi hun xomɛ dó mǐ wú! Mǐ wa nǔɖé nyi do nú mɛ ɖěbǔ ǎ; mǐ vɔ mɛ ɖěbǔ ǎ; mǐ ka xo mɛ ɖěbǔ ɖu ǎ.

Efɛ́zinu 4:26

Ényí mi sin xomɛ hǔn, mi cɔ́ miɖée bó ma jɛ hwɛ mɛ ó; hwe ma yi xɔ dó xomɛsin mitɔn ó.

1 Tɛsalonikinu 2:10

Mi ná ɖe kúnnu ná, bɔ Mawu lɔmɔ̌ ná ɖe kúnnu ná ɖɔ gbɛ mímɛ́, gbɛ jlɔ́jlɔ́, gbɛ e mɛɖé ma ná mɔ nǔjɛdo ɖé ɖɔ d'é wú ǎ ɔ́ wɛ mǐ zán ɖo tɛ́ntin mitɔn.