Kɛ́nsísɔ́ 16:14 - MAWUXÓWÉMA

¹⁴ Gbeɖé, a kplá mǐ yi to e mɛ nyibúnɔ́sin kpó wǐin kpó ɖo sisa wɛ ɖe ɔ́ mɛ ǎ. A nǎ gle mǐ ǎ, a ka ná vǐwungbo mǐ ǎ. Nukúntíntɔ́nnɔ lɛ́ɛ wɛ a ka kpé nǔ xá wɛ a vɛdó a? Mǐ jǎwe ǎ, mǐ gbɛ́!”

Kɛ́nsísɔ́ 16:14 Iomraidhean Croise

Tíntɔ́n 22:5

“Mǐ nǐ ɖɔ mɛɖé ɖo zunkan dó zo wɛ, bɔ myɔ ɔ́ yi fyɔ́ blěe e mɛ ɖě ɔ́ kplé ɖó kpɔ́ lɛ́ɛ, abǐ éé kpo ɖo te lɛ́ɛ, abǐ gle ɔ́ bǐ; nú nǔ nyí mɔ̌ ɔ́, mɛ e dó zunkan zo ɔ́ ɖó ná sú mɛ ɖě ɔ́ sín nǔ e fyɔ́ lɛ́ɛ bǐ sésé sín axɔ́.

Tíntɔ́n 23:10

“Mi ná nɔ́ lɛ gle mitɔn, bó ná nɔ́ ya nǔ e mi dó ɖ'é jí lɛ́ɛ xɔ xwe ayizɛ́n.

Tíntɔ́n 23:11

Amɔ̌, xwe tɛ́nwegɔ́ ɔ́ mɛ ɔ́, mi ná jó gle lɛ́ɛ dó bǐ, mi ná lɛ ǎ. Hwe énɛ́ ɔ́ nu ɔ́, wamamɔnɔ e ɖo to mitɔn mɛ lɛ́ɛ ná mɔ nǔkúnflá lɛ́ɛ ɖu, bɔ gběkanlin lɛ́ɛ ná ɖu ée ná kpo ɔ́. Mɔ̌ ɖokpó ɔ́, mi ná lɛ́ jó vǐwungbo mitɔn lɛ́ɛ kpódó olívugbo mitɔn lɛ́ɛ kpo dó xwe énɛ́ ɔ́ xwe.

Tíntɔ́n 3:17

un ná kplá mi sín Ejípu tomɛ fí e mi ɖo ya ji ɖe wɛ é, bó ná kplá mi yi Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpó Jebuzinu lɛ́ɛ kpó sín to mɛ. Un ná kplá mi yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ.’

Tíntɔ́n 3:8

Énɛ́ ɔ́ wú wɛ un jɛ te bó ná hwlɛ́n ɛ ɖo Ejípunu lɛ́ɛ sí, bó ná kplá ɛ sín Ejípu yi to ɖaxó ɖagbe ɖagbe ɖé mɛ. Un ná kplá ɛ yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ, ɖo fí e Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó nɔ́ nɔ lɛ́ɛ é.

Levíi ví 20:24

Bó ɖɔ nú yě ɖɔ: ‘Mitɔn wɛ ayǐkúngban yětɔn ná nyí; to énɛ́ e mɛ anɔ̌sin kpódó wǐin kpó gɔ́ ɔ́, nyɛ wɛ ná mi.’ Nyɛ wɛ nyí Mawu Mavɔmavɔ, Mawu mitɔn e ɖe mi ɖó vo nú togun ɖě lɛ́ɛ é.

Kɛ́nsísɔ́ 13:27

Yě ɖɔ nú Mɔyízi ɖɔ: “Mǐ yi to e mɛ a sɛ́ mǐ dó ɔ́ mɛ. Anɔ̌sin kpó wǐin kpó nɔ́ sa ɖo to ɔ́ mɛ nǔgbó. Atínsínsɛ́n to ɔ́ mɛ tɔn ɖě ɖíe.

Kɛ́nsísɔ́ 14:8

Nú Mawu Mavɔmavɔ nyɔ́ xomɛ dó mǐ wú ɔ́, é ná kplá mǐ yi to ɔ́ mɛ, bó ná ná to ɔ́ mǐ. Anɔ̌sin kpó wǐin kpó wɛ nɔ́ sa ɖo fínɛ́.

Kɛ́nsísɔ́ 20:5

Nɛ̌ gbɔn bɔ mi kplá mǐ sín Ejípu wá tɛn nyanya élɔ́ mɛ fí? È sixú dó nǔ ɖěbǔ ɖó fí ǎ; fígitín ɖě ɖo fí ǎ, vǐwungbo ɖě ɖo fí ǎ, glenáditín ɖě ɖo fí ǎ, sin nunu ka lɛ́ ɖo fí ǎ.”

Hwɛɖɔtɔ́ 16:21

Lo ɔ́, Filisitɛ́ɛn lɛ́ɛ wlí i, bó tɔ́n nukún i; yě kplá ɛ yi Gaza, bó zé ganvɔ sín wlɔ dó blá ɛ ná, bó zɔ́n ɛ gǎnnugǎnnu ɖɔ é ní nɔ li nǔ ɖo sé kɔn, ɖo gankpá mɛ.

1 Samuwɛ́li 11:2

Lo ɔ́, axɔ́sú ɔ́ ɖɔ nú yě ɖɔ: “Nú mi jló nú má jɛ akɔ xá mi ɔ́, mi ná yí gbe bɔ un ná tɔ́n nukún aɖisíxwé tɔn ɔ́ mi bǐ sésé dó dó winnyá Izlayɛ́li togun ɔ́ bǐ.”