Kɛ́nsísɔ́ 16:11 - MAWUXÓWÉMA

¹¹ Nǔ énɛ́ ɔ́ wú wɛ hwi kpó ahwan towe lɛ́ɛ bǐ kpó fɔ́n gǔ dó Mawu Mavɔmavɔ jí, ɖó nú è nǎ ɖɔ xó nǔgbó ɔ́, Aalɔ́ɔn wú ɖɔ xó dó wɛ mi ɖe ǎ.”

Kɛ́nsísɔ́ 16:11 Iomraidhean Croise

1 Tan 26:19

Kolée kpó Mɛlali kpó sín vǐ e ɖo gbɛ̌ta hɔnjínɔtɔ́ lɛ́ɛ tɔn mɛ lɛ́ɛ nɛ́.

Ɖɛhan 106:16

Yě jɛ wǔ hwan Mɔyízi wú jí ɖo fí e yě ɖó gɔnu ɖó ɔ́, yě jɛ wǔ hwan Aalɔ́ɔn mɛ e Mawu Mavɔmavɔ sɔ́ ɖó vo é wú jí,

Tíntɔ́n 17:2

Énɛ́ ɔ́, togun ɔ́ ba xó Mɔyízi. Yě ɖɔ n'i ɖɔ: “Nǎ sin mǐ, nú mǐ ná nu.” Bɔ Mɔyízi ɖɔ nú yě ɖɔ: “Aniwú mi ɖo xó ba mì wɛ? Étɛ́wú mi ɖo Mawu Mavɔmavɔ tɛ́n kpɔ́n wɛ?”

Kɛ́nsísɔ́ 11:1

É wá su gbe ɖokpó, bɔ Izlayɛ́li ví lɛ́ɛ jɛ gbɛvíhan dó sɛ́ dó Mawu Mavɔmavɔ jí, bɔ é nyɔ́ nukún tɔn mɛ ǎ. Ée Mawu Mavɔmavɔ se gbɛvíhan e dó wɛ yě ɖe ɔ́, xomɛ sin i, bɔ é sɛ́ myɔ dó yě, bɔ sin ɖa nǔ ɖo fí e yě ɖǒ gɔnu ɖó ɔ́ ɖo akpá ɖokpó.

Kɛ́nsísɔ́ 16:12

Ée Mɔyízi ɖɔ mɔ̌ ɔ́, é sɛ́ mɛ dó bɔ è yi ylɔ́ Eliavu ví Datáni kpó Abilámu kpó wá. Lo ɔ́, yě ɖɔ sɛ́ dó Mɔyízi ɖɔ: “Mǐ jǎwe ǎ!

Kɛ́nsísɔ́ 16:3

Yě kplé lɛ́ lɛ̌ dó Mɔyízi kpó Aalɔ́ɔn kpó, bó ɖɔ nú yě ɖɔ: “É kpé mɔ̌ lo! Đó mǐ mɛ e ɖo Izlayɛ́li sín togun ɔ́ mɛ lɛ́ɛ bǐ wɛ nyí Mawu Mavɔmavɔ tɔn, bɔ Mawu Mavɔmavɔ ɖo mǐ bǐ tɛ́ntin. Aniwú wɛ mi nɔ mɔ ɖɔ émí hú gǎn mɛ e ɖo togun Mawu Mavɔmavɔ tɔn mɛ lɛ́ɛ bǐ?”

Luki 10:16

É lɛ́ ɖɔ nú ahwanvú tɔn lɛ́ɛ ɖɔ: “Mɛ e ɖótó mi ɔ́, nyɛ wɛ é ɖótó; mɛ e ka gbɛ́ mi ɔ́, nyɛ wɛ é gbɛ́. Mɛ e ka gbɛ́ mì ɔ́, é gbɛ́ mɛ e sɛ́ mì dó ɔ́.”

Jǎan 13:20

Má ɖɔ nǔgbó nú mi: mɛ e yí mɛ e un sɛ́ dó ɔ́ ɖěbǔ sín jǒnɔ ɔ́, nyɛ ɖésúnɔ wɛ é yí, bɔ mɛ e ka yí mì ɔ́, mɛ e sɛ́ mì dó ɔ́ wɛ é yí.”

Mɛsɛ́dó 5:4

Hwenu e a ma ko sa ayǐkúngban ɔ́ ǎ ɔ́, towe wɛ é nyí ǎ cé? Ée a ka wá sa ɔ́, akwɛ́ tɔn ɔ́, é má nyí towe wɛ é nyí a? Fítɛ́ a ka ba ayi hízíhízí mɔ̌hun sín? Gbɛtɔ́ lɛ́ɛ wɛ a ɖǒ nǔvú ná ǎ, Mawu wɛ a ɖǒ nǔvú ná.”

Hlɔ̌manu 13:2

Énɛ́ ɔ́, mɛ e nɔ sí te dó acɛkpikpa ɔ́ jí ɔ́, nǔ e Mawu ɖɔ è nǐ wa ɔ́ jí sí te dó wɛ é ɖe. Mɛ e ka nɔ sí te dó nǔ e Mawu ɖɔ è nǐ wa lɛ́ɛ jí ɔ́ ná dɔn hwɛɖónúmɛ Mawu tɔn dó éɖée jí.

1 Kɔlɛ́ntinu 10:10

Mi ɖó ná hlún nǔ ɖɔ lě e mɛɖé lɛ́ɛ bló gbɔn ɖo yě mɛ, bɔ wɛnsagun e nɔ hu mɛ ɔ́ wá hu yě ɔ́ ǎ.

1 Kɔlɛ́ntinu 3:5

Nǔ e un ná kanbyɔ́ mi ɔ́, mɛ̌ ka nyí Apolosu? Mɛ̌ ka nyí Pɔ́lu? Azɔ̌watɔ́ Mawu tɔn e jí Mawu ylɔ́ mi gbɔn, bɔ mi ɖi nǔ ɔ́ wɛ mǐ nyí kpowun. Azɔ̌ e Aklúnɔ zɔ́n ɖokpó ɖokpó mǐtɔn ɔ́ wa wɛ mǐ ɖe.

Judi 1:16

Mɛ énɛ́ lɛ́ɛ ɔ́, nǔɖé nɔ jɛ yětɔn jí gbeɖé ǎ; vo sa wɛ jɛ́n yě nɔ ɖe; yě nɔ zán gbɛ yětɔn lě e é jló yě gbɔn é; yě nɔ yí nu go, bó nɔ klɔ́ mɛ, bó ná dó mɔ nǔɖé yí ɖo mɛ sí.

1 Samuwɛ́li 8:7

Énɛ́ ɔ́, Mawu Mavɔmavɔ ɖɔ nú Samuwɛ́li ɖɔ: “Đǒtó Izlayɛ́li ví lɛ́ɛ; blǒ nǔ e ba wɛ yě ɖe ɔ́ nú yě. Đó hwi wɛ yě gbɛ̌ ǎ, nyɛ wɛ yě gbɛ̌ ɖɔ nyi kún sɔ́ ná ɖu axɔ́sú ɖo émí nu ó.