Kɛ́nsísɔ́ 16:10 - MAWUXÓWÉMA

¹⁰ Mawu Mavɔmavɔ yí gbe ɖɔ hwi kpó nɔví towe súnnu Levíi ví lɛ́ɛ bǐ kpó ní sɛkpɔ́ émí, bɔ énɛ́ ɔ́ kpé mi ǎ, bɔ mi lɛ́ ɖo vɔ̌sánú-xwlémawutɔ́ sín azɔ̌ ba ná wa gɔ́ nú énɛ́ ɔ́ wɛ dandan.

Kɛ́nsísɔ́ 16:10 Iomraidhean Croise

Nǔnywɛ́xó 13:10

Goyíyí ɔ́, tagba wɛ é nɔ́ dɔn wá; lo ɔ́, mɛ e è kplɔ́n nǔ i ɔ́ é nɔ́ se ɔ́, mɛ énɛ́ ɔ́ ɖó nǔnywɛ́.

Kɛ́nsísɔ́ 18:1

Mawu Mavɔmavɔ ɖɔ nú Aalɔ́ɔn ɖɔ: “Bɛ́ sín din ɔ́, è wa nǔɖé nyi do ɖo Goxɔ ɔ́ mɛ ɔ́, hwi kpó vǐ towe lɛ́ɛ kpó, kpódó nɔví towe súnnu e ɖo akɔta Levíi tɔn ɔ́ mɛ lɛ́ɛ kpó wɛ agban tɔn ná kpɛn. Amɔ̌, ényí hwi kpó vǐ towe lɛ́ɛ kpó ɖo vɔ̌sánú-xwlémawutɔ́ sín azɔ̌ mitɔn wa wɛ ɖo Goxɔ ɔ́ mɛ bó wa nǔɖé nyi do ɔ́, hwi kpó vǐ towe lɛ́ɛ kpó wɛ agban tɔn ná kpɛn.

Kɛ́nsísɔ́ 18:7

Amɔ̌, Aalɔ́ɔn, hwɛ kpó vǐ towe lɛ́ɛ kpó ɔ́, mi ná nɔ́ wa vɔ̌sánú-xwlémawutɔ́ zɔ́ ɖo vɔ̌sákpe ɔ́ kɔn, bó ná nɔ́ wa ɖo tɛn mímɛ́ bǐ ɔ́ mɛ, ɖo xɔmɛgbovɔ ɔ́ gúdo. Nyɛ wɛ ná azɔ̌ énɛ́ ɔ́ mi. Ényí mɛ ɖěvo séé sɛkpɔ́ mi ɔ́, é ná kú.”

Kɛ́nsísɔ́ 3:10

A nǎ sɔ́ Aalɔ́ɔn kpódó vǐ tɔn súnnu lɛ́ɛ kpó, bɔ yědɛɛ lɛ́ɛ kɛ́ɖɛ́ wɛ ná nɔ wa vɔ̌sánú-xwlémawutɔ́ zɔ́ ɔ́. Nú mɛ ɖěvo e ma nyí vɔ̌sánú-xwlémawutɔ́ ǎ ɖě sɛkpɔ́ azɔ̌ énɛ́ ɔ́, è ɖǒ ná hu i.”

Kɛ́nsísɔ́ 3:6

“Kplá Levíi ví lɛ́ɛ dó así nú vɔ̌sánú-xwlémawutɔ́ Aalɔ́ɔn, bónú yě ná nɔ́ gɔ́ alɔ n'i.

Luki 22:24

Yě jɛ nǔ dɔn jí kpó adǎn kpó ɖo yěɖée tɛ́ntin, ɖɔ mɛ̌ ká ɖó ná nyí nǔɖaxó ɖo émí mɛ a jí.

Hlɔ̌manu 12:10

Mi nɔ ɖó wǎn yíyí titewungbe nú miɖée lě e nɔví nɔví lɛ́ɛ nɔ́ yí wǎn nú yěɖée gbɔn é. Mi nɔ ɖó sísí titewungbe nú miɖée.

Filípunu 2:3

Mi ma sɔ́ ce jɛ́n ná nyɔ́ sín ayixa, abǐ mɛɖée sɔ́ su dó wǔvɔ́ sín ayixa dó wa nǔ ɖěbǔ ná ó; lo ɔ́, mi nɔ sɔ́ miɖée hwe ɖo mɛ ɖě lɛ́ɛ nukɔn, bónú mɛ ɖokpó ɖokpó ní nɔ mɔ ɖɔ mɛ ɖě lɛ́ɛ hú gǎn émí.

3 Jǎan 1:9

Un wlán wěma kléwún ɖé sɛ́ dó agun ɔ́; lo ɔ́, Diotlefɛ́si e nɔ yí wǎn nú gǎnɖuɖu ɖo yě nu ɔ́ ka gbɛ́ ɖɔ émí kún ná kpé nǔɖé xá mǐ ó.

Hwɛɖɔtɔ́ 17:12

Mika sɔ́ ɛ dó ɖó sinsɛngán tɔn, bó ná ɛ xɔ.