Kɛ́nsísɔ́ 15:9 - MAWUXÓWÉMA

⁹ è ɖǒ ná ná vɔ̌sánú ɖé dó kanlin ɔ́ jí: è nǎ ná linfín kilóo tɛ́nnɛ, bó ná zé ami lǐtli atɔn dó nya ná,

Kɛ́nsísɔ́ 15:9 Iomraidhean Croise

1 Tan 21:23

Ɔnáni ka ɖɔ nú Davídi ɖɔ: “Un ná we. Sɛ́mɛɖó, è sɔ́ dó wa nǔ e jló mɛ ɔ́ ná. Nyibú ɖíe; un ná bɔ è nǎ zé yě dó sá vɔ̌ e è nɔ dó zo ɔ́ ná, un ná kɛkɛ́ví lɛ́ɛ, bɔ yě ná nyí nakí, un ná jinukún bɔ è nǎ zě dó sá nǔníná vɔ́. Un ná nǔ énɛ́ lɛ́ɛ bǐ mɛ.”

Nɛɛmíi 10:33

Mǐ ɖɔ mǐ ná nɔ ná gankwɛ́ ɖokpó ɖokpó xwewú xwewú tɛgbɛ, bɔ è na nɔ́ dó wa xwé Mawu mǐtɔn tɔn sín azɔ̌ ná.

Ezekiyɛ́li 42:13

Nya ɔ́ ɖɔ nú mì ɖɔ: “Xɔ we énɛ́ lɛ́ɛ bǐ wɛ è fɔ ɖó vo nú Mawu Mavɔmavɔ. Vɔ̌sánú-xwlémawutɔ́ e hɛn ɔ́, yě ná nɔ́ yi Mawu nukɔn lɛ́ɛ ɔ́, yě ná nɔ́ ɖu vɔ̌sánú mímɛ́ lɛ́ɛ ɖo xɔ énɛ́ lɛ́ɛ mɛ. Nǔgbó ɔ́, xɔ énɛ́ lɛ́ɛ ɔ́, vo wɛ è fɔ yě ɖó nú Mawu, bó nɔ́ bɛ́ vɔ̌sánú e mɛ́ hú vɔ̌sánú lɛ́ɛ bǐ lɛ́ɛ ɖó fínɛ́; vɔ̌sánú énɛ́ lɛ́ɛ wɛ nyí nǔníná lɛ́ɛ kpó kanlin e è hu dó sá vɔ̌ tɛnmɛ tɛnmɛ, dó byɔ́ hwɛsɔ́kɛ lɛ́ɛ sín lan kpó.

Ezekiyɛ́li 46:11

“Xwe gbe lɛ́ɛ kpódó azǎn nukúnɖéjí lɛ́ɛ kpó gbe ɔ́, è nǎ nɔ́ ná blěelinfín kilóo gban (30) dó nyibúsú ɖokpó abǐ agbo ɖokpó jí. É ká nyí lɛ̌ngbɔ́ví wɛ è nǎ dǒ sá vɔ̌ ná ɔ́, mɛ ɖokpó ɖokpó ná kpɔ́n linfín e é ná sɔ́ d'é jí bɔ é ná kpé é. È ka sɔ́ blěelinfín kilóo gban (30) ɔ́, ami lǐtli ayizɛ́n wɛ ná jɛ jí.

Ezekiyɛ́li 46:15

Hǔn è ma gbɔ lɛ̌ngbɔ́ví ɔ́ kpó linfín ɔ́ kpódó ami ɔ́ kpó xwlé nyɛ Mawu Mavɔmavɔ zǎnzǎn tɛgbɛ gbeɖé ó.”

Ezekiyɛ́li 46:5

É ná hɛn blěelinfín kilóo gban (30) dó agbo ɔ́ jí, bó ná kpɔ́n blěelinfín e é ɖésú mɔ ɖɔ é ná kpé é, bó ná hɛn dó lɛ̌ngbɔ́ví lɛ́ɛ jí; linfín kilóo gban (30) ɔ́, é ná sɔ́ ami lǐtli ayizɛ́n d'é jí.

Ezekiyɛ́li 46:7

É ná ná blěelinfín kilóo gban (30) dó nyibúsú ɔ́ jí, bó ná sɔ́ kilóo gban (30) dó agbo ɔ́ jí, bɔ lɛ̌ngbɔ́ví lɛ́ɛ ɔ́, é ná kpɔ́n blěelinfín e é ɖésú mɔ ɖɔ é ná kpé ɔ́, bó ná hɛn d'é jí; é ná hɛn ami lǐtli ayizɛ́n dó linfín kilóo gban (30) lɛ́ɛ jí.

Jowɛ́li 1:9

È sɔ́ nɔ hɛn jinukún kpó vɛ̌ɛn kpó wá Mawu Mavɔmavɔ xwé gbe ǎ. Énɛ́ ɔ́ wú wɛ azɔ̌watɔ́ Mawu Mavɔmavɔ tɔn vɔ̌sánú-xwlémawutɔ́ lɛ́ɛ ɖo aluwɛ mɛ.

Jowɛ́li 2:14

Afɔ nyɔ́ ɔ́, é sixú jó nǔ e é kó lin bó ná wa ɖ'ayǐ ɔ́ dó, bó ná nyɔ̌ná mi túnflá. Énɛ́ ɔ́, mi hɛn ɔ́, mi ná hɛn jinukún kpó vɛ̌ɛn kpó wá n'i.

Levíi ví 14:10

“Azǎn tántɔngɔ́ ɔ́ gbe ɔ́, é ná ná lɛ̌ngbɔ́ví asú e má ɖó blɔ̌ ɖěbǔ ǎ é we, bó ná ná lɛ̌ngbɔ́ asi e kó ɖó xwe ɖokpó, bɔ blɔ̌ ɖěbǔ má ɖo wǔ tɔn ǎ é ɖokpó, bó ná ná linfín kilóo tɛ́nnɛ, bɔ è nǎ zé ami dó nya, bó ná lɛ́ ná ami lǐtli vlɔ̌.

Levíi ví 6:14

Ami wɛ è nǎ dǒ nya linfín ɔ́ ná, bó dó ɖa wɔ̌xúxú tɔn ɖo nǔɖazɛ́n wɛnjɛ mɛ, bó ná hɛn wá. A nǎ fɛ́n wínníwínní, cóbó zé wá xwlé Mawu Mavɔmavɔ, bɔ é ná nyí nǔníná e sín wǎn nɔ́ nyɔ́ se n'i é.

Levíi ví 7:37

Sɛ́n e ɖɔ xó dó vɔ̌ e è nɔ dó zo ɔ́ wú, bó ɖɔ xó dó nǔníná jinukún tɔn wú, bó ɖɔ dó hwɛsɔ́kɛmɛvɔ́ wú, bó ɖɔ dó hwɛxɔ́súsú vɔ́ wú, bó ɖɔ dó ami ɖó ta nú mɛ wú, lobo ɖɔ dó kɔnɖókpɔ́ vɔ́ wú ɔ́ nɛ́.

Kɛ́nsísɔ́ 15:10

bó ná lɛ́ ná vɛ̌ɛn lǐtli atɔn d'é jí. Vɔ̌ e è nɔ dó zo é wɛ, bɔ wǎn tɔn nɔ́ nyɔ́ se nú nyɛ Mawu Mavɔmavɔ.

Kɛ́nsísɔ́ 15:8

É ká nyí nyibú wɛ è nǎ dó sá vɔ̌ e è nɔ dó zo ɔ́, abǐ kɔnɖókpɔ́ vɔ́ ná dó ɖe akpá e è dǒ ɔ́, abǐ è nǎ dó sá vɔ̌ yǎyá ɖé kpowun ɔ́,

Kɛ́nsísɔ́ 28:12

Mi ná zé ami dó nya linfín ná, bó ná ná dó kanlin lɛ́ɛ ɖokpó ɖokpó jí; mi ná ná linfín ɔ́ kilóo tɛ́nwe dó nyibúsú ɖokpó ɖokpó jí, bó ná kilóo ayizɛ́n dó agbo ɔ́ jí.

Kɛ́nsísɔ́ 28:14

Mi ná ná vɛ̌ɛn lǐtli atɔn dó nyibúsú ɖokpó ɖokpó jí, lǐtli we dó agbo ɔ́ jí, bó ná ná lǐtli ɖokpó adaɖé dó lɛ̌ngbɔ́ví ɖokpó ɖokpó jí. Vɔ̌ e è nǎ nɔ́ sá ɖo azǎn nukɔntɔn e ɖo sun ɖokpó ɖokpó mɛ ɔ́ gbe, ɖo xwe ɔ́ mɛ é nɛ́.

Kɛ́nsísɔ́ 29:6

Vɔ̌ énɛ́ lɛ́ɛ bǐ wɛ ná gɔ́ nú vɔ̌ e mi nɔ dó zo ayǐhɔ́ngbe ayǐhɔ́ngbe lɛ́ɛ, kpó éé mi nɔ do zo ɖo azǎn nukɔntɔn e ɖo sun ɖokpó ɖokpó mɛ ɔ́ gbe é, bɔ linfín kpó vɛ̌ɛn kpó nɔ́ jɛ jí lě e sɛ́n ɔ́ zɔ́n gbɔn é. Vɔ̌ énɛ́ lɛ́ɛ e mi ná dó zo ɔ́ sín wǎn ná nyɔ́ se nú nyɛ Mawu Mavɔmavɔ.”

1 Samuwɛ́li 1:24

Ée vǐ ɔ́ ɖe anɔ̌ ɔ́, é kplá ɛ yi Mawu Mavɔmavɔ xwé ɖo Silóo. É kpó asú tɔn kpó hɛn nyibúsú e ɖó xwe atɔn ɔ́ ɖokpó, linfín ati ɖokpó, kpó vɛ̌ɛn anyǔglo ɖokpó kpó dó vǐ ɔ́ jí, bɔ yě yi Mawu Mavɔmavɔ xwé ɖo Silóo. Vǐ ɔ́ ká kpo ɖo kpɛví tawun.