Kɛ́nsísɔ́ 15:6 - MAWUXÓWÉMA

⁶ Ényí agbo ɖokpó ná dó sá vɔ̌ ɔ́ ná wɛ è ɖe ɔ́, è nǎ ná linfín kilóo ayizɛ́n, bó ná zé ami lǐtli we dó nya ná, bɔ é ná jɛ kanlin ɔ́ jí.

Kɛ́nsísɔ́ 15:6 Iomraidhean Croise

Levíi ví 3:12

“Nú é ká nyí gbɔ̌ wɛ mɛ ɔ́ ná dó sá vɔ̌ ɔ́, é ná zé wá Mawu Mavɔmavɔ nukɔn.

Kɛ́nsísɔ́ 15:4

Mɛ e ná hɛn kanlin ɔ́ wá nú mì ɔ́, ná sɔ́ nǔníná jinukún tɔn lɛ́ɛ gɔ́ ná: é ná ná linfín kilóo atɔn bɔ è nǎ zé ami lǐtli ɖokpó adaɖé dó nya ná,

Kɛ́nsísɔ́ 15:5

bó ná ná vɛ̌ɛn lǐtli ɖokpó adaɖé; é ná bɛ́ nǔ énɛ́ lɛ́ɛ bǐ dó lɛ̌ngbɔ́ví e ná sá vɔ̌ e è nɔ dó zo ɔ́, abǐ kɔnɖókpɔ́ vɔ́ ɔ́ ná wɛ è ɖe ɔ́ jí.

Kɛ́nsísɔ́ 15:7

Mɛ ɔ́ ná lɛ́ ná vɛ̌ɛn lǐtli we d'é jí. Ényí è blǒ gbɔn mɔ̌ ɔ́, wǎn tɔn nɔ́ nyɔ́ se nú nyɛ Mawu Mavɔmavɔ.