Kɛ́nsísɔ́ 15:40 - MAWUXÓWÉMA

⁴⁰ Mi ná nɔ́ flín sɛ́n ce lɛ́ɛ, bó ná nɔ́ nyi; mi ná bló mɔ̌ bó ná nyí mɛ e è zě ɖó vo nú nyɛ Mawu mitɔn é.

Kɛ́nsísɔ́ 15:40 Iomraidhean Croise

Ɖɛhan 103:18

Nú yě ɖó sísí nú nǔ e ɖo akɔ e yě jɛ xá Mawu Mavɔmavɔ é mɛ, bó tunwun ɖɔ émí ná bló nǔ e é byɔ́ émí lɛ́ɛ ɔ́, xomɛnyínyɔ́ tɔn nɔ́ nɔ yě jí.

Levíi ví 19:2

é ní ɖɔ nú Izlayɛ́li ví lɛ́ɛ bǐ ɖɔ: “Mi nyí mɛ mímɛ́, ɖó nyɛ Mawu Mavɔmavɔ, Mawu mitɔn ɔ́, mǐmɛ́ wɛ un nyí.

Levíi ví 22:31

“Mi kpé nukún dó sɛ́n ce lɛ́ɛ wú bó nyi ganjí; nyɛ wɛ nyí Mawu Mavɔmavɔ.

Kɛ́nsísɔ́ 15:41

Nyɛ wɛ nyí Mawu Mavɔmavɔ, Mawu mitɔn; nyɛ wɛ kplá mi tɔ́n sín Ejípu; nyɛ wɛ nyí Mawu mitɔn. Mawu Mavɔmavɔ, Mawu mitɔn wɛ un nyí.”

Hlɔ̌manu 12:1

Nɔví ce lɛ́ɛ mi, ée Mawu ɖe xomɛnyínyɔ́ tɔn xlɛ́ mi mɔ̌ é ɔ́, un ɖo vo sa nú mi wɛ ɖɔ mi ní sɔ́ mi ɖésúnɔ bǐ jǒ, vɔ̌sánú gbɛɖe e è sɔ́ ɖ'ayǐ nú Mawu, bɔ é nyɔ́ nukún tɔn mɛ é ɖɔhun. Lě e mi ná sɛn ɛ gbɔn, bɔ é ná nyí sinsɛn titewungbe ɔ́ é nɛ́.

Efɛ́zinu 1:4

Đó, cóbónú Mawu ná bló gbɛ ɔ́, é ko cyán mǐ, bɔ mǐ ná nyí étɔn ɖo Klísu mɛ, bónú mǐ ná sixú nyí mɛ mímɛ́, mɛ ma ɖó blɔ̌ ɖo wǔ ɖo nukɔn tɔn; ɖo wǎn yíyí tɔn mɛ ɔ́,

Kolósinu 1:2

Mǐ wɛ sɛ́ dó nɔví mǐtɔn gbejínɔtɔ́ ɖo Klísu mɛ e nyí mɛɖeɖóvo Mawu tɔn bó ɖo Kolósi lɛ́ɛ. Mawu Tɔ́ mǐtɔn ní ná fɛ́nú kpó fífá kpó mi.

1 Tɛsalonikinu 4:7

Đó Mawu ylɔ́ mǐ, bónú mǐ ná wa nǔ blíblí ǎ; lo ɔ́, é ylɔ́ mǐ nú mǐ ná zán gbɛ mímɛ́.