Kɛ́nsísɔ́ 15:39 - MAWUXÓWÉMA

³⁹ Hǔn mi ná nɔ́ dó awu e dó kɛyɛ lɛ́ɛ é. Nú mi kpɔ́n kɛyɛ énɛ́ lɛ́ɛ ɔ́, mi ná nɔ́ flín sɛ́n ce lɛ́ɛ, bó ná nɔ́ nyi. Énɛ́ ɔ́, mi sɔ́ ná nɔ́ xwedó nǔ e ayi mitɔn ɖɔ nú mi lɛ́ɛ kpó nǔ e mɔ wɛ nukún mitɔn lɛ́ɛ ɖe ɔ́ kpó, bó ná jɛ nǔ ɖěvo lɛ́ɛ sɛn jí ǎ.

Kɛ́nsísɔ́ 15:39 Iomraidhean Croise

1 Axɔ́sú 12:33

Jelobowámu ɖu xwe ɖokpó nú togun Izlayɛ́li tɔn ɔ́ ɖo Betɛ́li, ɖo azǎn afɔtɔngɔ́ ɔ́ e ɖo sun tántɔngɔ́ ɔ́ mɛ ɔ́ gbe. É ɖésúnɔ wɛ sɔ́ azǎn énɛ́ ɔ́. Xwe énɛ́ ɔ́ hwenu ɔ́, é ɖésú wɛ nɔ́ sá vɔ̌ ɖo vɔ̌sákpe e é bló ɔ́ jí.

Jɔ̌bu 31:7

Ényí un zɛ sín ali ɖagbe ɔ́ jí hǔn, ényí ayi ce ɖo nǔ e mɔ wɛ nukún ce ɖe lɛ́ɛ wú hǔn, ényí ɖɔ un ɖó alɔ ɖo nǔblíblí ɖé mɛ hǔn,

Ɖɛhan 106:39

Nǔ énɛ́ lɛ́ɛ hɛn yě blí; yě nɔ gbejí nú Mawu ǎ nyɔ̌nu e dó afɔ gbě ɔ́ ɖɔhun.

Ɖɛhan 73:27

Éɖíe! Mɛ e nɔ́ nɔ zɔ nú we lɛ́ɛ ɔ́, dɔn wɛ yě nɔ́ dɔn. Mɛ e ma nɔ nɔ gbejí nú we ǎ lɛ́ɛ ɔ́, a nɔ sɛ́ yě dó maɖɔnǔxwɛ.

Tíntɔ́n 13:9

Xwe ɔ́ ná cí wuntun ɖé ɖɔhun nú mi ɖo awa mitɔn lɛ́ɛ wú, bó ná nyí flǐn ɖé sín wuntun nú mi ɖo nukɔn mitɔn, bónú mi ná jlá nǔ e Mawu Mavɔmavɔ kplɔ́n mi é. Đó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ sixú nɔ te ɖo hlɔ̌nhlɔ́n tɔn nukɔn ǎ.

Nǔnywɛ́xó 28:26

Mɛ e ɖeji dó nǔ e ɖo ayi tɔn mɛ é kɛ́ɖɛ́ wú ɔ́, xlonɔ wɛ; mɛ e ka nɔ wa nǔ kpó nǔnywɛ́ kpó ɔ́ ná gló nǔ nyanya.

Nǔnywɛ́xó 3:1

Vǐ ce, ma wɔn nǔ e un kplɔ́n we lɛ́ɛ ó; ayi towe ní nɔ nǔ e un ɖɔ hwi ní bló lɛ́ɛ jí.

Nǔnywɛ́tɔ́xó 11:9

Mɛ wínnyáwínnyá, din e a kpo ɖo wǐnnyáwínnyá mɛ ɔ́, j'awǎ. Awǎjijɛ ní gɔ́ ayi towe mɛ hwenu e a kpo ɖo wǐnnyáwínnyá mɛ é. Ayi towe mɔ nǔɖé hǔn blǒ; nǔɖé nyɔ́ nukún towe mɛ hǔn, wa. Lo ɔ́, tunwun ganjí ɖɔ Mawu ná wá ɖɔ hwɛ xá we ɖó nǔ e a wa lɛ́ɛ ɖokpó ɖokpó wú.

Jelemíi 9:14

Énɛ́ wú wɛ nyɛ Mawu Mavɔmavɔ Nǔbǐwúkpétɔ́ ɔ́, nyɛ Mawu Izlayɛ́li tɔn ɔ́, un ɖɔ un ná ná ama e vɛ́ dódó ɔ́ togun élɔ́, bɔ é ná ɖu. Un ná ná ɛ sin e mɛ è kɔn nǔvɛ́nu dó é, bɔ é ná nu.

Ezekiyɛ́li 6:9

Énɛ́ ɔ́, yě mɛ e ná kpo ɖo gbɛ bɔ ahwan ná wlí yě yi lɛ́ɛ ná nɔ́ flín mì ɖo fí e ahwan ná wlí yě yi lɛ́ɛ; yě ná nɔ́ flín lě e un wa nǔ xá yě gbɔn é; nǔgbó ɔ́, mɛ ɖé lɛ́ɛ wɛ yě nyí bó ɖo gbejí nú mì ǎ; yě jǒ mì dó bó jɛ vodún sɛn jí; énɛ́ ɔ́, nǔ baɖabaɖa e yě ɖésú dó sin lɛ́ɛ ná vlɛ́ nu yětɔn.

Ozée 2:2

Judáanu lɛ́ɛ kpódó Izlayɛ́linu lɛ́ɛ kpó ná kplé bó ná sɔ́ gǎn ɖokpó, bó ná kpa acɛ nú to ɔ́. Đó azǎn ɖaxó ɖé wɛ Izleyɛ́li sín azǎn ɔ́ ná nyí.

Sɛ́nflínmɛ 29:19

Mawu Mavɔmavɔ ná sɔ́ hwɛ tɔn kɛ ɛ gbeɖé ǎ; é ná sin xomɛ dó e bɔ nǔ nyanya e sín xó è ɖɔ dó wěma mɛ fí lɛ́ɛ bǐ ná gbo e, bɔ Mawu Mavɔmavɔ ná súnsún nyǐkɔ tɔn sín hwe glɔ́ fí, bɔ mɛɖé sɔ́ ná flín i ǎ.

Sɛ́nflínmɛ 4:23

Amɔ̌, mi cɔ́ miɖée bó má wɔn akɔ e Mawu Mavɔmavɔ, Mawu mitɔn jɛ xá mi é ó. Mi ma gba ó, mi ma lí vodún ó, mi ma bló nǔ ɖěbǔ sín akpajlɛ́ bó sɛn ó.

Sɛ́nflínmɛ 6:12

Ée mi ka ná ɖu nǔ bó gɔ́ xo ɔ́, mi ma wɔn Mawu Mavɔmavɔ e ɖe mi tɔ́n sín Ejípu fí e mi nyí kannumɔ ɖe ɔ́ ó.

Sɛ́nflínmɛ 8:11

“Mi ka ɖó ayi te, bó má dó vɛ̌ nú gbetakɛ́n Mawu Mavɔmavɔ, Mawu mitɔn tɔn lɛ́ɛ, sɛ́n tɔn lɛ́ɛ, kpó nǔ e é zɔ́n, bɔ un ɖɔ nú mi égbé din lɛ́ɛ kpó ó. É má nyí mɔ̌ ǎ ɔ́, mi táá wɔn ɛ.

Sɛ́nflínmɛ 8:14

Ée nǔ ná cí mɔ̌ é ɔ́, mi ma ɖo afɔ tɛ ayǐ wɛ káká bó wɔn Mawu Mavɔmavɔ, Mawu mitɔn e ɖe mi tɔ́n sín kannumɔgbénu ɖo Ejípu é ó.

Jaki 4:4

Nǔ gbejímánɔ-númawutɔ́ élɔ́ lɛ́ɛ! Mi tunwun ɖɔ è zun xɔ́ntɔn xá gbɛ ɔ́, Mawu sín kɛntɔ́ wɛ è nyǐ ǎ cé? Mɛ e jló ná nyí gbɛmɛ fí sín nǔ lɛ́ɛ sín xɔ́ntɔn ɔ́ nɔ sɔ́ éɖée dó húzú Mawu sín kɛntɔ́.