Kɛ́nsísɔ́ 15:30 - MAWUXÓWÉMA

³⁰ “Lo ɔ́, nú mɛ ɔ́ nyí Izlayɛ́li ví abǐ jǒnɔ, bó tunwun gaan bo hu hwɛ ɔ́, nyɛ Mawu Mavɔmavɔ wɛ mɛ ɔ́ zun, bɔ è nǎ ɖe e sín togun ɔ́ mɛ.

Kɛ́nsísɔ́ 15:30 Iomraidhean Croise

Bǐbɛ́mɛ 17:14

Súnnu e má ná gbo ada ǎ ɔ́, è nǎ ɖe e sín tɛ́ntin mitɔn, ɖó é gba akɔ e un jɛ xá mi é.”

Jɔ̌bu 38:15

Mɛdídá lɛ́ɛ ɔ́, nǔ e nyí wěziza nú yě ɔ́, è tɛ yě, bɔ awa e glá wɛ yě nɔ́ ɖe ɔ́ yi do.

Ɖɛhan 19:13

Hwɛ e è ɖo manywɛ́ mɛ bó hu ɔ́, è sixú tunwun a? Sɔ́ hwɛ e un ma tunwun ǎ bó hu lɛ́ɛ kɛ mì.

Ɖɛhan 69:9

Un húzú jǒnɔ nú nɔví ce lɛ́ɛ, un húzú mɛ ɖěvo nú nɔ ce xomɛ ví lɛ́ɛ,

Ɖɛhan 74:18

Mawu Mavɔmavɔ, flín ɖɔ kɛntɔ́ ɖo hɛ̌n dó émí wɛ. Flín ɖɔ togun ma ɖó nǔnywɛ́ ɖé ɖo tɛ́ hu nú nyǐkɔ émítɔn wɛ.

Ɖɛhan 74:22

Mawu ce, sí te; jɛ ahwan hwiɖée jí. Ma wɔn adǎn e gblɔ́n nú we wɛ mɛ e ma ɖó nǔywɛ́ ɖé lɛ́ɛ ɖe hwebǐnu é ó.

Ɖɛhan 79:12

Aklúnɔ, togun e ɖo akpá mǐtɔn lɛ́ɛ ɔ́, cí e yě kɔn dó wǔ we lɛ́ɛ ɔ́, sú axɔ́ tɔn yě; sú axɔ́ tɔn yě azɔn tɛ́nwe.

Ɖɛhan 89:51

Aklúnɔ, flín cí e è kɔn dó mɛsɛntɔ́ towe lɛ́ɛ wú é; flín ɖɔ nyɛ wɛ ɖo agban mɛ énɛ́ lɛ́ɛ bǐ tɔn hɛn wɛ.

Tíntɔ́n 21:14

Amɔ̌, nú mɛɖé tunwun, lobo sɔ́ sísɛ́ ɖó nukɔn bó hu mɛ ɔ́, nú mɛ énɛ́ ɔ́ ná bo hɔn yi cí vɔ̌sákpe ce kpá ɔ́, mi ná yi dɔn ɛ tɔ́n, bó hu i.

Tíntɔ́n 30:33

Mɛ ɖěbǔ bló mɔ̌hunkɔtɔn ɖě bó ná sá nú mɛ kpaa ɖé ɔ́, è nǎ ɖe mɛ ɔ́ sín togun tɔn mɛ.’ ”

Nǔnywɛ́xó 14:31

Mɛ e nɔ gba acɛ lelenɔ wú ɔ́, agɔ tawun wɛ é nyí bɔ é jɛ dó mɛ e bló e é. Mɛ e ka nɔ kú nǔbláwǔ nú wamamɔnɔ ɔ́ sɔ́ mɛ e bló e ɔ́ su.

Ezekiyɛ́li 20:27

Mawu ɖɔ nú mì ɖɔ: “Hwɛ gbɛtɔ́ e, ɖɔ nú Izlayɛ́li togun ɔ́ ɖɔ nyɛ Aklúnɔ Mavɔmavɔ ɖo ɖiɖɔ nú yě wɛ ɖɔ: Lě e tɔ́gbó mitɔn lɛ́ɛ lɔ jɛ agɔ dó mì, bó má nɔ gbejí nú mì ǎ gbɔn é ɖíe:

Levíi ví 20:10

“Nú súnnu ɖé ba mɛsi ɔ́, nú súnnu ɖé ba nɔzo tɔn sín asi mɔ̌ ɔ́, è nǎ hu súnnu e ba mɛsi ɔ́ kpódó nyɔ̌nu e dó afɔ gbě ɔ́ kpó dandan.

Levíi ví 20:3

Nyɛ ɖésú ná húzú kpan nukɔn ɛ; un ná ɖe e sín Izlayɛ́li togun ɔ́ mɛ, ɖó é ná vǐ tɔn lɛ́ɛ ɖě vodún Mɔlɛ́ki. Nǔ énɛ́ ɔ́ hɛn goxɔ ce blí, bó zé nyǐkɔ ce xo kɔ́.

Levíi ví 20:6

“Nú mɛɖé nɔ́ kan bo, abǐ nɔ́ kan nǔ ɔ́, nyɛ Mawu Mavɔmavɔ ɔ́, un ná húzú kpan nukɔn mɛ ɔ́; un ná ɖe e sín Izlayɛ́li togun ɔ́ mɛ; ɖó mɛ e nɔ wa nǔ gbɔn mɔ̌ ɔ́, ɖo gbejí nú mì ǎ.

Kɛ́nsísɔ́ 15:29

Mɛ ɔ́ sixú nyí Izlayɛ́li ví, é sixú nyí toví, é ká sixú nyí jǒnɔ ɖo yě gɔ̌n; sɛ́n ɖokpó ɔ́ wɛ è nǎ zé bɔ dó mɛ e ma tunwun ǎ bó hu hwɛ lɛ́ɛ bǐ wú.

Kɛ́nsísɔ́ 9:13

Nú mɛ ɔ́ má nyí mɛ blíblí ǎ, bó má ká yi tomɛ ǎ, bó gbɛ́ Dǐndínwáyixwe ɔ́ ɖu ɔ́, è ɖǒ ná ɖe mɛ énɛ́ ɔ́ sín togun ɔ́ mɛ, ɖó é ná nǔníná nyɛ Mawu Mavɔmavɔ dó hwe tɔn nu ǎ. Mɛ énɛ́ ɔ́ sín hwɛgban ná nɔ kɔ n'i.

Matíe 12:32

Mɛɖěbǔ nylá nu dó nyɛ Gbɛtɔ́ví ɔ́ wú ɔ́, Mawu na sɔ́ kɛ ɛ; lo ɔ́, mɛ e ná nylá nu dó Yɛsinsɛn wú ɔ́, è nǎ sɔ́ kɛ ɛ ɖo hwe élɔ́ nu din ǎ; è ka na lɛ́ sɔ́ kɛ ɛ ɖo hwenu e jǎwe ɔ́ ǎ.’ ”

Sɛ́nflínmɛ 1:43

Ée Mawu Mavɔmavɔ ɖɔ mɔ̌ ɔ́, nyi lɔ ka gbɛ́ nú mi, bɔ mi jló ná ɖótó mì ǎ. Mi se tónú nú Mawu Mavɔmavɔ ǎ, bó syɛ́n ta bó yi só ɔ́ jí.

Sɛ́nflínmɛ 32:27

Lo ɔ́, un ɖo xɛsi ɖi wɛ ɖɔ kɛntɔ́ yětɔn lɛ́ɛ ní má ko mì ó; yě táá vɛdó ɖɔ émí wɛ bló bɔ nǔ cí mɔ̌ nú yě sín, lobo ná lin ɖɔ nyi kún mɔ do nú nǔɖé ó.

Eblée 10:26

Đó ée mǐ mɔ nukúnnú jɛ nǔ e nyí nǔgbó ɔ́ wú ɔ́, nú mǐ lɛ́ jló bó kpo ɖo hwɛ hu wɛ hǔn, vɔ̌sísá ɖěbǔ sɔ́ tíin bó ná ɖe hwɛ sín kɔ nú mǐ ǎ.

Eblée 10:29

Énɛ́ ɔ́, nɛ̌ é ka ná nyí gbɔn nú mɛ e gbɛ́ wǎn nú Mawu ví ɔ́ é lo? Mɛ e sɔ́ akɔjijɛ Mawu tɔn sín hun e gbla mɛ è slá wǔ n'i gbɔn ɔ́ dó mɔ nǔ yǎyá, bó zun Yɛ nǔbláwǔkúnúmɛtɔ́ ɔ́, nɛ̌ é ka ná nyí gbɔn n'i? Mi ɖésúnɔ ɔ́, mi ná ko tunwun ɖɔ tó e è nǎ dɔn nú mɛ énɛ́ ɔ́ ná nylá hú mɛ e gba Mɔyízisɛ́n ɔ́ é tɔn.

2 Piyɛ́ɛ 2:10

Yě mɛ e nɔ xwedó jlǒ kwíji kwíji gbɛtɔ́ e yě nyí ɔ́ tɔn, bó nɔ gbɛ́ wǎn nú acɛkpikpa Mawu tɔn lɛ́ɛ ɔ́ wɛ é ná dɔn tó ná tawun. Nǔkplɔ́nmɛtɔ́-nyíjɛtɔ́ e xó un ɖɔ nú mi lɛ́ɛ ɔ́, ta wɛ yě nɔ syɛ́n, bó nɔ dó gbe kawun kawun dó ɖɔ xó nú mɛ; yě ɖó sísí nú nǔɖíɖó susunɔ e ɖo jǐxwé lɛ́ɛ é ǎ; lo ɔ́, zun wɛ yě nɔ zun yě.

1 Jǎan 5:16

Ényí mɛɖé mɔ nɔví tɔn ɖo hwɛ hu wɛ hǔn, mɛ ɔ́ ní xo ɖɛ n'i; énɛ́ ɔ́, Mawu ná ná gbɛ nɔví énɛ́. É ka ɖo mɔ̌ có, hwɛ ɖokpó tíin bó nɔ dɔn mɛ yi kú; hwɛ énɛ́ tamɛ wɛ un ɖɔ è nǐ xo ɖɛ dó ǎ.

1 Samuwɛ́li 2:25

Ényí gbɛtɔ́ ɖě hu hwɛ dó ɖě ɔ́, Mawu ná ɖɔ hwɛ xá ɛ. É ká nyí Mawu Mavɔmavɔ wɛ é hu hwɛ dó ɔ́, mɛ̌ ká ná ɖɔ gbo n'i?” Yě ká ɖótó tɔ́ yětɔn sín xó ǎ; yě ɖótó ǎ, ɖó Mawu Mavɔmavɔ ka ko jló ná hu yě.

1 Samuwɛ́li 3:14

Énɛ́ ɔ́ wútu wɛ un xwlé nǔ nú Eli xwédo ɔ́ ɖɔ hwɛ e é hu ɔ́, vɔ̌sísá kún ná súnsún ó; nǔníná kún ká ná súnsún ó.”