Kɛ́nsísɔ́ 15:3 - MAWUXÓWÉMA3 mi ná nɔ́ sá vɔ̌ e è nɔ dó zo é abǐ kɔnɖókpɔ́ vɔ́ nú Mawu Mavɔmavɔ; é sixú nyí vɔ̌ e è nǎ dó ɖe akpá e è dǒ lɛ́ɛ, é ká sixú nyí ɖɔ mɛ ɖésúnɔ kpɔ́n mɛɖée xomɛ bó sá; é sixú nyí xwe ɖé sín hwenu. Mi ja vɔ̌ mɔ̌hunkɔtɔn lɛ́ɛ sá gbé ɔ́, nyibú ɖokpó, lɛ̌ngbɔ́ ɖokpó, abǐ gbɔ̌ ɖokpó wɛ mi ná nɔ́ sɔ́ dó sá, bɔ wǎn tɔn ná nyɔ́ se nú nyɛ Mawu Mavɔmavɔ. Faic an caibideil |
Kɛ́nsísɔ́ 15:3
27 Iomraidhean Croise
Énɛ́ ɔ́ gúdo lo ɔ́, mi ná hɛn nǔ e xó un ɖɔ nú mi lɛ́ɛ bǐ wá fí e Mawu Mavɔmavɔ ná sɔ́, bó ná ɖe susu tɔn xlɛ́ ɖe é. Nǔ e xó un ko ɖɔ nú mi lɛ́ɛ wɛ; yě wɛ nyí: vɔ̌ e è nɔ dó zo lɛ́ɛ, kɔnɖókpɔ́ vɔ́ lɛ́ɛ, mǎɖówǒ jinukún lɛ́ɛ tɔn, nǔ e mi ɖésú jló bó ná lɛ́ɛ, kpó nǔ e sín akpá mi dó bó ná ná Mawu Mavɔmavɔ lɛ́ɛ kpó.
“Nǔ e nyí Mawu tɔn bɔ mi ɖó ná ná ɛ lɛ́ɛ ɔ́, mi ma sɔ́ ɖó xwé gbe bó ɖu ó; yě wɛ nyí: mǎɖówǒ blěe mitɔn tɔn, mǎɖówǒ vɛ̌ɛn mitɔn tɔn, mǎɖówǒ ami mitɔn tɔn, nukɔngbéví nyibú mitɔn lɛ́ɛ tɔn, kpó gbɔ̌ mitɔn lɛ́ɛ tɔn kpó; nǔ e mi ɖésú jló bó ná lɛ́ɛ, kpó nǔ e mi ná dó ɖe akpá e mi dó nú Mawu Mavɔmavɔ lɛ́ɛ ná é kpó.
Fínɛ́ wɛ mi ná hɛn vɔ̌ mitɔn lɛ́ɛ wá; é sixú nyí vɔ̌ e è nɔ dó zo é, é sixú nyí kɔnɖókpɔ́ vɔ́, é sixú nyí mǎɖówǒ jinukún mitɔn lɛ́ɛ tɔn, é sixú nyí nǔ e mi ɖésú ɖó jlǒ bó ná lɛ́ɛ, é sixú nyí nǔ e wá ayi mɛ nú mi bɔ mi ná lɛ́ɛ, abǐ éé mi ná dó ɖe akpá e mi dó é ná lɛ́ɛ, é sixú nyí nyibú mitɔn lɛ́ɛ, kpó gbɔ̌ mitɔn lɛ́ɛ kpó sín nukɔngbéví.
Sanasan