Kɛ́nsísɔ́ 15:24 - MAWUXÓWÉMA

²⁴ ényí mɛɖé má tunwun ǎ, bó gba ɖě, bɔ togun ɔ́ lɔ ma ka tunwun ǎ ɔ́, togun ɔ́ bǐ wɛ ná zé nyibúsú wínnyáwínnyá ɖokpó dó sá vɔ̌ e è nɔ dó zo ɔ́ ná nú nyɛ Mawu Mavɔmavɔ, bɔ wǎn tɔn ná nyɔ́ se nú mì. Mɛ ɔ́ ná ná nǔníná vɛ̌ɛn tɔn kpó jinukún tɔn kpó gɔ́ ná lě e è nɔ bló gbɔn é; gbɔ̌sú ɖokpó ná jɛ jí, bɔ è nǎ dó sá hwɛxɔ́súsú vɔ́ ná.

Kɛ́nsísɔ́ 15:24 Iomraidhean Croise

Ɛsidlási 6:17

Nyibúsú kanwe ko (100) kpódó agbo afɔɖé (200) kpó, kpódó lɛ̌ngbɔ́ví afɔwe kpó wɛ è do sá vɔ̌ nú Mawu ɖó xwe ɔ́ tamɛ. Yě lɛ́ zé gbǎgbá wěwe dó sá vɔ̌ nú Mawu, bónú é ná sɔ́ hwɛ kɛ Izlayɛ́li togun ɔ́ bǐ. Gbǎgbá ɖokpó ɖokpó ɖo akɔta ɖokpó ɖokpó sín tɛnmɛ.

Ɛsidlási 8:35

Mɛ e ko nɔ kannumɔgbénu bó lɛ́ kɔ wá xwé lɛ́ɛ bǐ xwlé vɔ̌sánú Mawu Izlayɛ́li tɔn ɔ́, ɖó Izlayɛ́li ví lɛ́ɛ bǐ tamɛ. Vɔ̌sánú e yě xwlé lɛ́ɛ ɖíe: nyibúsú wěwe, agbo kanwe afɔtɔn-nukún-ɖokpó (96), lɛ̌ngbɔ́ví kanɖé gbantɔ́n-nukún-we (77), gbǎgbá wěwe. Yě xwlé vɔ̌sánú énɛ́ lɛ́ɛ Mawu, bónú é ná sɔ́ hwɛ yětɔn lɛ́ɛ kɛ yě. Kanlin énɛ́ lɛ́ɛ bǐ wɛ è dó zo nú Mawu Mavɔmavɔ bɔ bǐ ji kɔn afín.

Levíi ví 23:19

Énɛ́ ɔ́ gúdo ɔ́, mi ná zé gbǎgbá ɖokpó dó sá hwɛsɔ́kɛmɛvɔ́ ná, bó ná zé lɛ̌ngbɔ́ví e ɖó xwe ɖokpó ɔ́ we dó sá kɔnɖókpɔ́ vɔ́ ná.

Levíi ví 4:2

é ní ɖɔ nú Izlayɛ́li ví lɛ́ɛ ɖɔ: “Ényí mɛɖé má tunwun ǎ, bó gba sɛ́n e Mawu Mavɔmavɔ dó lɛ́ɛ ɖě, bó dó hu hwɛ ɔ́, nǔ e è nǎ wa ɔ́ ɖíe:

Levíi ví 4:22

Mawu Mavɔmavɔ ɖɔ: “Ényí togun ɔ́ sín gǎn lɛ́ɛ ɖě má tunwun ǎ, bó gba sɛ́n e Mawu Mavɔmavɔ, Mawu tɔn dó lɛ́ɛ ɖě, bó dó hu hwɛ ɔ́,

Levíi ví 4:23

nú é wá mɔ nǔ jɛ hwɛ e é hu ɔ́ wú ɔ́, é ná zé gbɔ̌sú e má ɖó blɔ̌ ɖěbǔ ǎ é dó sá vɔ̌ ná.

Levíi ví 5:15

“Ényí mɛɖé má tunwun ǎ, bó hu hwɛ ɖaxó ɖé, ɖó é ɖe nǔ ɖo nǔ e è sɔ́ ɖó vo nú Mawu Mavɔmavɔ lɛ́ɛ ɔ́ mɛ ɔ́, nǔ e mɛ ɔ́ ɖó ná wa ɔ́ ɖíe: é ná kpɔ́n kanlin tɔn lɛ́ɛ mɛ, bó ná zé agbo e ma ɖó blɔ̌ ɖěbǔ ǎ é ɖokpó wá, bó ná dó sá hwɛxɔ́súsú vɔ́ ɔ́ ná nú Mawu Mavɔmavɔ. Agbo ɔ́ ɖó ná xɔ kpatágan nabí ɖé, bɔ kpatágan ɔ́ sín kpinkpɛn ɖó ná sɔgbe xá kpatágan e è nɔ zán ɖo sinsɛnxɔ mɛ ɔ́.

Levíi ví 5:18

É ná zé agbo e ma ɖó blɔ̌ ɖěbǔ ǎ, bɔ è nɔ dó sá hwɛxɔ́súsú vɔ́ ná ɔ́ ɖokpó wá nú vɔ̌sánú-xwlémawutɔ́ ɔ́. Agbo ɔ́ ɖó ná xɔ akwɛ́ nabí e è ɖɔ é. Vɔ̌sánú-xwlémawutɔ́ ɔ́ ná bló lě e è nɔ bló gbɔn bó nɔ́ xwlé vɔ̌sánú mì ɔ́ dó sá hwɛxɔ́súsú vɔ́ ná dó ta tɔn mɛ, bɔ Mawu Mavɔmavɔ ná sɔ́ nǔ e é má tunwun ǎ bó wa ɔ́ kɛ ɛ.

Kɛ́nsísɔ́ 15:23

nǔ e nyɛ Mawu Mavɔmavɔ zɔ́n mi sín gbe e gbe un ná sɛ́n mi gbɔn Mɔyízi jí, bɔ mi ná nɔ wa, bɔ midɛɛ lɛ́ɛ gúdo ɔ́, vǐ mitɔn lɛ́ɛ lɔ ɖó ná nɔ wa ɔ́,

Kɛ́nsísɔ́ 15:26

Nyɛ Mawu Mavɔmavɔ ná sɔ́ hwɛ kɛ Izlayɛ́li ví lɛ́ɛ bǐ, kpódó jǒnɔ e ɖo yě mɛ lɛ́ɛ kpó, ɖó yě tunwun cóbó hu hwɛ ǎ.

Kɛ́nsísɔ́ 28:15

Mi ná lɛ́ zé gbǎgbá ɖokpó dó sá hwɛsɔ́kɛmɛvɔ́ ná nú nyɛ Mawu Mavɔmavɔ gɔ́ nú vɔ̌ e mi nɔ dó zo ayǐhɔ́ngbe ayǐhɔ́ngbe lɛ́ɛ kpó vɛ̌ɛn e mi nɔ ná d'é jí ɔ́ kpó.”