Kɛ́nsísɔ́ 15:21 - MAWUXÓWÉMA

²¹ Énɛ́ ɔ́, mi ná xwlé acɔnmɔ e mi ná zé jinukún nukɔntɔn dó ɖa ná ɔ́ nyɛ Mawu Mavɔmavɔ. Sɛ́n énɛ́ ɔ́ lɔmɔ̌ ná nɔ ayǐ káká sɔ́yi.”

Kɛ́nsísɔ́ 15:21 Iomraidhean Croise

Nɛɛmíi 10:38

Mɔ̌ ɖokpó ɔ́, mǐ nɔ lɛ́ ná linfín mǐtɔn e nyɔ́ dóó ɔ́ ɖě vɔ̌sánú-xwlémawutɔ́ lɛ́ɛ, bó nɔ lɛ́ ná yě atínsínsɛ́n kpó vɛ̌ɛn yɔ̌yɔ́ kpó, kpódó ami kpó. È nɔ bɛ́ nǔ énɛ́ lɛ́ɛ dó xɔ ɖé lɛ́ɛ mɛ, bɔ xɔ lɛ́ɛ bɔdó Mawuxɔ ɔ́ wú. Nǔ e nyɔ́ ɖo gle mǐtɔn mɛ lɛ́ɛ bǐ sín mǎɖówǒ ɔ́, Levíi ví lɛ́ɛ tɔn wɛ nɔ nyí énɛ́ ɔ́. Levíi ví lɛ́ɛ ɖésú wɛ nɔ yi fí e mǐ nɔ wa azɔ̌ ɖe lɛ́ɛ, bó nɔ yí mǎɖówǒ énɛ́ ɔ́.

Tíntɔ́n 23:19

Nyɛ wɛ nyí Mawu Mavɔmavɔ, Mawu mitɔn; énɛ́ ɔ́ wú ɔ́, mi ná zé nǔ nukɔntɔn e gle mitɔn lɛ́ɛ ná ɔ́ wá xwé ce gbe. Mi ka ná ɖa gbɔ̌ví ɖo nɔ tɔn sín anɔ̌sin mɛ ǎ .

Tíntɔ́n 29:28

Énɛ́ ɔ́ wú wɛ Izlayɛ́li ví lɛ́ɛ ná nɔ́ ɖe akpáxwé énɛ́ lɛ́ɛ ɖo kanlin e yě dó sá kɔnɖókpɔ́ vɔ́ nú mì lɛ́ɛ wú hwebǐnu, bó ná nɔ́ bɛ́ jó nú Aalɔ́ɔn kpódó vǐ tɔn lɛ́ɛ kpó.

Ezekiyɛ́li 44:30

Nǔkún nukɔntɔn e ná nɔ́ nyɔ́ ɖo gle mɛ lɛ́ɛ ná nɔ́ nyí vɔ̌sánú-xwlémawutɔ́ lɛ́ɛ tɔn, bɔ nǔjɔ e è nǎ ná mì ɖo Izlayɛ́li tomɛ lɛ́ɛ bǐ ná nyí yětɔn. Mɛ lɛ́ɛ ná nɔ́ ná yě linfín yětɔn e nyɔ́ hú bǐ é, bɔ nyɛ Mawu Mavɔmavɔ ná nɔ́ xo ɖɛ dó xwé yětɔn jí.

Levíi ví 23:14

Jinukúnkɔ nukɔntɔn énɛ́ ɔ́, mi ná dó nu ǎ, mi ná ɖu wɔ̌xúxú tɔn ǎ; mi ná ɖu mimɛ tɔn ǎ, mi ná ɖu fɔ́ tɔn ǎ, mi ná ɖu nǔ tɔn ɖě cóbónú gbe e gbe è nǎ sɔ́ wá dó sá vɔ̌ ɔ́ nú nyɛ Mawu mitɔn ɔ́ ná su ǎ. Sɛ́n énɛ́ ɔ́ ɖ'ayǐ káká sɔ́yi nú kúnkan mitɔn lɛ́ɛ, ɖo fí ɖěbǔ e mi ná ɖe é.”

Kɛ́nsísɔ́ 15:20

Mi ná wún jinukún mitɔn nukɔn nukɔntɔn ɔ́, bó ná li, lobo ná nya, bó ná ɖa acɔnmɔ ná, bó xwlé nyɛ Mawu Mavɔmavɔ lě e è nɔ xwlé nǔníná jinukún tɔn mì gbɔn é, bɔ é ná nyí nǔníná jinukún tɔn e è ya jinukún ɔ́, è nɔ xwlé mì é.

Kɛ́nsísɔ́ 15:22

Mawu Mavɔmavɔ lɛ́ ɖɔ nú Mɔyízi ɖɔ: “Ényí mi ma tunwun ǎ bó hu hwɛ, abǐ mi ma tunwun ǎ bó gba sɛ́n e un dó nú mi gbɔn Mɔyízi jí lɛ́ɛ ɖě ɔ́,

Kɛ́nsísɔ́ 18:26

é ní ɖɔ nú Levíi ví lɛ́ɛ ɖɔ: “Hwenu e mi ná yí mǎɖówǒ e Izlayɛ́li ví lɛ́ɛ ná ná, bɔ un ná mi bɔ é nyí kanta mitɔn ɔ́, mi lɔmɔ̌ ná ɖe mǎɖówǒ ɖo mǎɖówǒ énɛ́ lɛ́ɛ mɛ, bó xwlé nyɛ Mawu Mavɔmavɔ.