Biblia Todo Logo
Bìoball air-loidhne

- Sanasan -




Kɛ́nsísɔ́ 15:20 - MAWUXÓWÉMA

20 Mi ná wún jinukún mitɔn nukɔn nukɔntɔn ɔ́, bó ná li, lobo ná nya, bó ná ɖa acɔnmɔ ná, bó xwlé nyɛ Mawu Mavɔmavɔ lě e è nɔ xwlé nǔníná jinukún tɔn mì gbɔn é, bɔ é ná nyí nǔníná jinukún tɔn e è ya jinukún ɔ́, è nɔ xwlé mì é.

Faic an caibideil Dèan lethbhreac




Kɛ́nsísɔ́ 15:20
21 Iomraidhean Croise  

Mǐ nɔ bɛ́ nukɔn ví mǐtɔn lɛ́ɛ yi Mawu xwé, bó nɔ bɛ́ vǐ nukɔntɔn e kanlin mǐtɔn lɛ́ɛ ji lɛ́ɛ yi Mawu xwé gbe lě e sɛ́n ɔ́ zɔ́n gbɔn é; mǐ nɔ bɛ́ vǐ nukɔntɔn e kanlin mǐtɔn ɖaxó ɖaxó lɛ́ɛ kpó kpɛví kpɛví lɛ́ɛ kpó ji lɛ́ɛ yi Mawu mǐtɔn sín xwé gbe, bó nɔ bɛ́ yě jó nú vɔ̌sánú-xwlémawutɔ́ e nɔ wa mawuxɔmɛzɔ́ lɛ́ɛ.


Nyɛ wɛ nyí Mawu Mavɔmavɔ, Mawu mitɔn; énɛ́ ɔ́ wú ɔ́, mi ná zé nǔ nukɔntɔn e gle mitɔn lɛ́ɛ ná ɔ́ wá xwé ce gbe. Mi ka ná ɖa gbɔ̌ví ɖo nɔ tɔn sín anɔ̌sin mɛ ǎ .


Mi ná zé nǔ nukɔntɔn e gle mitɔn lɛ́ɛ ná ɔ́ wá nyɛ Mawu Mavɔmavɔ, Mawu mitɔn xwé gbe. Mi ka ná ɖa gbɔ̌ví ɖo nɔ tɔn sín anɔ̌sin mɛ ǎ.”


Nǔkún nukɔntɔn e ná nɔ́ nyɔ́ ɖo gle mɛ lɛ́ɛ ná nɔ́ nyí vɔ̌sánú-xwlémawutɔ́ lɛ́ɛ tɔn, bɔ nǔjɔ e è nǎ ná mì ɖo Izlayɛ́li tomɛ lɛ́ɛ bǐ ná nyí yětɔn. Mɛ lɛ́ɛ ná nɔ́ ná yě linfín yětɔn e nyɔ́ hú bǐ é, bɔ nyɛ Mawu Mavɔmavɔ ná nɔ́ xo ɖɛ dó xwé yětɔn jí.


É ka ɖo mɔ̌ có mi sixú dó tɔ́n abǐ wǐin jinukún nukɔntɔn sín nǔníná e mi hɛn wá nú Mawu Mavɔmavɔ ɔ́ mɛ. Lo ɔ́, è sixú sɔ́ dó sá vɔ̌ e è nɔ dó zo ɔ́ ná ɖo vɔ̌sákpe jí, bɔ é ná nyí nǔníná wǎnɖagbenɔ ǎ.


“Ényí jinukún mitɔn nukɔntɔn lɛ́ɛ wɛ nyí nǔníná jinukún tɔn e mi ná ná Mawu Mavɔmavɔ ɔ́, jinukún yɔ̌yɔ́ e ɖo gotín nu lɛ́ɛ wɛ mi ná mɛ bó ná glín.


é ní ɖɔ nú Izlayɛ́li ví lɛ́ɛ ɖɔ: “Hwenu e mi ná yi to e ná mi wɛ un ɖe ɔ́ mɛ, bó ná lɛ gle ɔ́, jinukún e nyɔ́ dó nukɔn ɔ́, kɔ nukɔntɔn e mi ná blá ɔ́, mi ná zé yi jó nú vɔ̌sánú-xwlémawutɔ́ ɔ́.


Vɔ̌sánú-xwlémawutɔ́ ɔ́ ná bló lě e è nɔ bló gbɔn bó nɔ́ xwlé vɔ̌sánú mì ɔ́, bó xwlé yě mì. É ná xwlé yě mì gɔ́ nú wɔ̌xúxú e è zě jinukún nukɔntɔn ɔ́ dó ɖa ná, bó xwlé mì é kpó lɛ̌ngbɔ́ví we e è xwlé mì lɛ́ɛ kpó. È nǎ fɔ yě ɖó vo nú nyɛ Mawu Mavɔmavɔ, bɔ yě ná nyí vɔ̌sánú-xwlémawutɔ́ ɔ́ tɔn.


Énɛ́ ɔ́, mi ná xwlé acɔnmɔ e mi ná zé jinukún nukɔntɔn dó ɖa ná ɔ́ nyɛ Mawu Mavɔmavɔ. Sɛ́n énɛ́ ɔ́ lɔmɔ̌ ná nɔ ayǐ káká sɔ́yi.”


Un ná we nǔ nukɔn tɔn e nyɔ́ ɖo gle yětɔn mɛ bɔ yě wá ná nyɛ Mawu Mavɔmavɔ lɛ́ɛ; nǔ lɛ́ɛ wɛ nyí: ami e nyɔ́ hú ami ɖě lɛ́ɛ bǐ é, vɛ̌ɛn kpó jinukún kpó e nyɔ́ hú ɖě lɛ́ɛ bǐ é.


Axɔ́súɖuɖu Mawu tɔn kpódó jlǒ tɔn wiwa kpó ní nɔ́ myá nukún nú mi jɛ nukɔn; énɛ́ ɔ́, é ná ná nǔ énɛ́ lɛ́ɛ bǐ mi.


Ényí è sɔ́ wɔ̌xúxú ɖé bó kán ɖ'é wu, bó sɔ́ xwlé Mawu ɔ́, wɔ̌xúxú e kpo ɔ́ bǐ wɛ nyí étɔn. Ényí è sɔ́ atín sín ɖɔ ɖó vo nú Mawu ɔ́, atínla lɛ́ɛ lɔ bǐ wɛ nyí Mawu tɔn.


Nǔgbó ɔ́, Klísu wɛ nyí mɛ nukɔntɔn e fɔ́n sín kú é, bó dó ná gǎnjɛwú mǐ ɖɔ mɛ e kú lɛ́ɛ lɔmɔ̌ ná fɔ́n.


Mi ná nɔ́ ɖe nǔ e nyɔ́ ɖo gle mitɔn mɛ lɛ́ɛ bǐ sín mǎɖówǒ xwewú xwewú tɛgbɛ.


Énɛ́ ɔ́ gúdo ɔ́, mi ná bɛ́ nǔ énɛ́ lɛ́ɛ yi Mawu Mavɔmavɔ, Mawu mitɔn sín xwé gbe, fí e é ná sɔ́, bó ná nɔ ɖe susu tɔn xlɛ́ ɖe ɔ́; fínɛ́ ɖokpó ɔ́ wɛ mi ná nɔ ɖu nǔ mitɔn lɛ́ɛ kpó vɛ̌ɛn mitɔn kpó ami kpó sín mǎɖówǒ ɖe; fínɛ́ ɖokpó ɔ́ wɛ mi ná nɔ ɖu nyibú mitɔn lɛ́ɛ kpó gbɔ̌ mitɔn lɛ́ɛ kpó, kpó lɛ̌ngbɔ́ mitɔn lɛ́ɛ kpó sín nukɔngbéví ɖe. Lě e mi ná nɔ́ ɖó sísí nú Mawu Mavɔmavɔ, Mawu mitɔn gbɔn káká sɔ́yi é nɛ́.


Ée mi ná fún jinukún lɛ́ɛ fó, bó ná fyɔ́n vǐwun fó ɔ́, mi ná ɖu Azavaxwe ɔ́ káká nú azǎn tɛ́nwe.


Đo é ɖésúnɔ sín jlǒ mɛ ɔ́, é ná gbɛ jɔ gbɛ mǐ gbɔn xó tɔn e nyí nǔgbó ɔ́ gbla mɛ, bónú mǐ ná nyí mɛ nukɔn nukɔntɔn lɛ́ɛ ɖo nǔɖíɖó tɔn lɛ́ɛ bǐ mɛ.


Mɛ énɛ́ lɛ́ɛ hɛn yěɖée blí kpó nyɔ̌nu kpó ǎ; ɖó yě tunwun nyɔ̌nu kpɔ́n ǎ; yě hɛn yěɖée ɖó mǐmɛ́ jí; yě nɔ xwedó Lɛ̌ngbɔ́ví ɔ́ gbɔn fí e é xwe ɔ́ bǐ; é vɔ́ yě xɔ sín gbɛtɔ́ lɛ́ɛ mɛ, bónú yě ná nyí mɛ nukɔntɔn e è nǎ Mawu kpó Lɛ̌ngbɔ́ví ɔ́ kpó é.


Lean sinn:

Sanasan


Sanasan