Kɛ́nsísɔ́ 15:15 - MAWUXÓWÉMA

¹⁵ Sɛ́n ɖokpó ɔ́ wɛ togun ɔ́ bǐ ná xwedó, toví kpó jǒnɔ kpó bǐ. Sɛ́n ɖé wɛ, bó ná nɔ ayǐ káká sɔ́yi. Mi kpó jǒnɔ kpó bǐ wɛ ɖó ná nyi sɛ́n énɛ́ ɔ́, ɖo nyɛ Mawu Mavɔmavɔ nukɔn.

Kɛ́nsísɔ́ 15:15 Iomraidhean Croise

Ɛsitɛ́ɛ 9:27

lobo ɖó hwɛndo énɛ́ ɔ́ ayǐ nú yě ɖésúnɔ, nú kúnkan yětɔn lɛ́ɛ, kpódó mɛ e ná húzú Jwifu lɛ́ɛ kpó, bɔ yě ná nɔ́ ɖu xwe we énɛ́ lɛ́ɛ xwewú xwewú ɖó azǎn ɔ́ jí, bɔ é ná sɔgbe xá lě e Maadocée ɖɔ yě nǐ bló gbɔn é.

Tíntɔ́n 12:14

“Mi ná hɛn nǔ e ná jɛ gbe énɛ́ ɔ́ gbe ɔ́ ayi mɛ, bó ná nɔ́ ɖu xwe dó ta ce mɛ dó flín ná; é ná nyí sɛ́n nú kúnkan mitɔn lɛ́ɛ káká sɔ́yi.”

Tíntɔ́n 12:24

Mi ná nɔ́ xwedó nǔ énɛ́ e Mawu Mavɔmavɔ ɖɔ nú mi ɔ́, bɔ é ná nyí sɛ́n nú mi kpó kúnkan mitɔn lɛ́ɛ kpó káká sɔ́yi.

Tíntɔ́n 12:43

Mawu Mavɔmavɔ lɛ́ ɖɔ nú Mɔyízi kpó Aalɔ́ɔn kpó ɖɔ: “Sɛ́n e kan Dǐndínwáyixwe ɔ́ lɛ́ɛ ɖíe: Mɛ e ɖo akɔta ɖěvo mɛ lɛ́ɛ ɖěbǔ ná ɖu xwe ɔ́ sín nǔɖuɖu ǎ.

Tíntɔ́n 12:49

“Sɛ́n énɛ́ e ɖɔ xó dó Dǐndínwáyixwe ɔ́ wú ɔ́, ɖokpó ɔ́ wɛ mi mɛ e nyí xwénu lɛ́ɛ kpódó mɛ e nyí jǒnɔ ɖo tɛ́ntin mitɔn lɛ́ɛ kpó ná nɔ xwedó.”

Tíntɔ́n 28:43

Nú Aalɔ́ɔn kpódó vǐ tɔn súnnu lɛ́ɛ kpó xwe goxɔ ɔ́ mɛ, bó ná kpé nyɛ Mawu, abǐ nú yě xwe vɔ̌sákpe ɔ́ kɔn, bó ná wa vɔ̌sánú-xwlémawutɔ́zɔ́ yětɔn ɔ́, yě ɖó ná dó cokoto kpɛví énɛ́ ɔ́ dó do. É má nyí mɔ̌ ǎ ɔ́, un ná mɔ ɖɔ yě wa nǔ nyi do, bɔ yě ná kú. Sɛ́n ɖé wɛ sɛ́n énɛ́ ɔ́ nyí, bó ɖo te káká sɔ́yi nú Aalɔ́ɔn kpódó kúnkan tɔn lɛ́ɛ kpó.”

Levíi ví 24:22

“Sɛ́n ɖokpó ɔ́ wɛ mɛ bǐ ná nyi; jǒnɔ kpó toví kpó ɔ́, sɛ́n ɖokpó ɔ́ wɛ yě bǐ ná nyi; ɖó nyɛ wɛ nyí Mawu Mavɔmavɔ, Mawu mitɔn.”

Kɛ́nsísɔ́ 10:8

“Aalɔ́ɔn sín vǐ súnnu lɛ́ɛ kpódó vɔ̌sánú-xwlémawutɔ́ lɛ́ɛ kpó kɛ́ɖɛ́ wɛ ná nɔ́ kwín kpɛn lɛ́ɛ. Sɛ́n énɛ́ ɔ́, sɛ́n ɖé wɛ é nyí, bó ná nɔ ayǐ káká sɔ́yi, nú mi kpódó kúnkan mitɔn lɛ́ɛ kpó.

Kɛ́nsísɔ́ 15:14

Jǒnɔ e ɖo to mitɔn mɛ nú hwenu kpɛɖé abǐ éé kó ɖo to mitɔn mɛ bɔ xwe ko sɛ yi lɛ́ɛ ɔ́, nú yě jló ná sá vɔ̌ e è nɔ dó zo bɔ wǎn tɔn nɔ́ nyɔ́ se nú nyɛ Mawu Mavɔmavɔ ɔ́, nǔ ɖokpó ɔ́ jɛ́n yě lɔmɔ̌ ná bló.

Kɛ́nsísɔ́ 15:29

Mɛ ɔ́ sixú nyí Izlayɛ́li ví, é sixú nyí toví, é ká sixú nyí jǒnɔ ɖo yě gɔ̌n; sɛ́n ɖokpó ɔ́ wɛ è nǎ zé bɔ dó mɛ e ma tunwun ǎ bó hu hwɛ lɛ́ɛ bǐ wú.

Kɛ́nsísɔ́ 18:8

Mawu Mavɔmavɔ ɖɔ nú Aalɔ́ɔn ɖɔ: “Đǒtó mì; un zé nǔníná e Izlayɛ́li ví lɛ́ɛ ɖe ɖó vo nú mì lɛ́ɛ dó así nú we. Un ná yě we; yě ná nyí kanta towe, bó ná nyí kanta vǐ towe lɛ́ɛ tɔn káká sɔ́yi.

Kɛ́nsísɔ́ 9:14

Nú tomɛyitɔ́ ɖé ɖo mi gɔ́n, bó jló ná ɖu Dǐndínwáyixwe ɔ́ xá mi ɔ́, é ɖó ná bló lě e nyɛ Mawu Mavɔmavɔ ɖɔ gbɔn ɔ́, bó ná xwedó lě e é ɖe gbɔn ɖo sɛ́n ɔ́ mɛ ɔ́ dó ɖu. Lě e mi Izlayɛ́li ví lɛ́ɛ ɖu gbɔn ɔ́ wɛ tomɛyitɔ́ lɛ́ɛ ná ɖu gbɔn.”

Galatinu 3:28

Hǔn din ɔ́, Jwifu sɔ́ ɖo vo nú mɛ e ma nyí Jwifu ǎ é ǎ; kannumɔ sɔ́ ɖo vo nú mɛ e ma nyí kannumɔ ǎ é ǎ; súnnu sɔ́ ɖo vo nú nyɔ̌nu ǎ; ɖó mi mɛ bǐ wɛ nyí ɖokpó ɔ́ ɖo Klísu Jezu mɛ.

Kolósinu 3:11

Hǔn, mɛ e ma nyí Jwifu ǎ ɖě sɔ́ ɖo vo ǎ; mɛ e ka nyí Jwifu ɔ́ ɖě sɔ́ ɖo vo ǎ; mɛ e gbo ada é ɖě sɔ́ ɖo vo ǎ; atɔtɔnɔ ɖě ka sɔ́ ɖo vo ǎ; mɛ e ma hun nukún ǎ ɖě sɔ́ ɖo vo ǎ; hwexónu gbɛtɔ́ ɖě sɔ́ ɖo vo ǎ; kannumɔ ɖě sɔ́ ɖo vo ǎ; mɛ e ɖo éɖée sí ɔ́ lɔ ka sɔ́ ɖo vo ǎ; lo ɔ́, Klísu wɛ nyí nǔ bǐ, bó ɖo mɛ énɛ́ lɛ́ɛ bǐ mɛ.

Jozuwée 8:33

Izlayɛ́li ví lɛ́ɛ bǐ, tomɛxó yětɔn lɛ́ɛ, gǎn yětɔn lɛ́ɛ, kpódó hwɛɖɔtɔ́ yětɔn lɛ́ɛ kpó, kpódó jǒnɔ yětɔn lɛ́ɛ kpó ɖo ɖisí amyɔ nú akɔjijɛgbá ɔ́, ɖo vɔ̌sánú-xwlémawutɔ́ e hɛn akɔjijɛgbá Mawu Mavɔmavɔ tɔn lɛ́ɛ nukɔn. Yě mɛ vlɔ̌ɖówe ɖo Galizímu só ɔ́ kpáxwé, bɔ vlɔ̌ɖówe ɖo Ebalu só ɔ́ kpáxwé. Mɔyízi wɛ ko ɖɔ ɖ'ayǐ ɖɔ è nǐ bló gbɔn mɔ̌, bó xo ɖɛ dó Izlayɛ́li togun ɔ́ jí dó nukɔn.

1 Samuwɛ́li 30:25

Lě e è nɔ wa nǔ gbɔn ɖo Izlayɛ́li sín gbe énɛ́ gbe káká wá jɛ égbé ɔ́ nɛ́, bɔ é húzú sɛ́n ɖo Izlayɛ́li, bó ɖo ayǐ káká jɛ égbé.