Kɛ́nsísɔ́ 15:14 - MAWUXÓWÉMA

¹⁴ Jǒnɔ e ɖo to mitɔn mɛ nú hwenu kpɛɖé abǐ éé kó ɖo to mitɔn mɛ bɔ xwe ko sɛ yi lɛ́ɛ ɔ́, nú yě jló ná sá vɔ̌ e è nɔ dó zo bɔ wǎn tɔn nɔ́ nyɔ́ se nú nyɛ Mawu Mavɔmavɔ ɔ́, nǔ ɖokpó ɔ́ jɛ́n yě lɔmɔ̌ ná bló.

Kɛ́nsísɔ́ 15:14 Iomraidhean Croise

1 Axɔ́sú 8:42

ɖó è nǎ tunwun ɖɔ nyǐkɔ towe d'agba, bó ná tunwun ɖɔ mɛɖé kún nɔ sixú nɔ te hlɔ̌nhlɔ́n towe nukɔn ó; bó ná tunwun ɖɔ a kpé nǔ bǐ wú. Ényí mɛ mɔ̌hun wá xo ɖɛ ɖo xwé élɔ́ gbe hǔn,

Levíi ví 22:18

é ní ɖɔ nú Aalɔ́ɔn kpó vǐ tɔn lɛ́ɛ kpó, kpódó Izlayɛ́li ví lɛ́ɛ bǐ kpó ɖɔ: “Mǐ ní ɖɔ mɛ ɖé ɖo mi mɛ, bó jló ná xwlé vɔ̌ e è nɔ dó zo ɔ́ mì; mɛ ɔ́ sixú nyí Izlayɛ́li ví, abǐ é sixú nyí jǒnɔ bó ɖo Izlayɛ́li; é sixú nyí ɖɔ akpá ɖé wɛ é jló ná dó ɖe ná, abǐ é jló ná xwlé mì kpó jlǒ é ɖésúnɔ tɔn kpó.

Levíi ví 22:25

Mi ma ka yí kanlin mɔ̌hunkɔ lɛ́ɛ ɖě ɖo jǒnɔ ɖé sí, bó dó sá vɔ̌ nú nyɛ Mawu mitɔn ó. Wǔ énɛ́ ɔ́ e è gblě yě ɔ́, blɔ̌ wɛ nyí ɖo yě wú. Nú mi zé kanlin mɔ̌hunkɔtɔn ɖé dó sá vɔ̌ nú mì ɔ́, un ná yí ǎ.”

Kɛ́nsísɔ́ 15:13

Izlayɛ́li ví ɖěbǔ jló ná sá vɔ̌ nú nyɛ Mawu Mavɔmavɔ bónú wǎn tɔn ná nyɔ́ se nú mì ɔ́, tito énɛ́ lɛ́ɛ wɛ è ɖǒ ná xwedó.

Kɛ́nsísɔ́ 15:15

Sɛ́n ɖokpó ɔ́ wɛ togun ɔ́ bǐ ná xwedó, toví kpó jǒnɔ kpó bǐ. Sɛ́n ɖé wɛ, bó ná nɔ ayǐ káká sɔ́yi. Mi kpó jǒnɔ kpó bǐ wɛ ɖó ná nyi sɛ́n énɛ́ ɔ́, ɖo nyɛ Mawu Mavɔmavɔ nukɔn.