Kɛ́nsísɔ́ 14:9 - MAWUXÓWÉMA

⁹ Nǔ e wɛ kpowun ɔ́ ɖíe: mi ma fɔ́n gǔ dó Mawu Mavɔmavɔ jí ó, mi ma ka ɖi xɛsi nú to ɔ́ mɛ nu lɛ́ɛ ó, ɖó mǐ nǎ ɖu ɖo jǐ yětɔn; vodún e nɔ́ cyɔ́n alɔ yě jí lɛ́ɛ ɖě sɔ́ ɖo jǐ yětɔn ǎ. Mawu Mavɔmavɔ ka ɖo kpɔ́ xá mǐdɛɛ lɛ́ɛ; mǐ ní bó má ɖi xɛsi nú yě ó.”

Kɛ́nsísɔ́ 14:9 Iomraidhean Croise

Bǐbɛ́mɛ 48:21

Jakɔ́bu ɖɔ nú Jozɛ́fu ɖɔ: “Nyɛ ɖíe ɖo nǎ kú wɛ e; amɔ̌, Mawu ná nɔ kpɔ́ xá mi, bó ná lɛ́ kɔ nú mi yi tɔ́gbó mitɔn lɛ́ɛ sín tomɛ.

2 Tan 13:12

Mi ɖótó! Mawu kpódó mɛ e nɔ xwlé vɔ̌sánú i lɛ́ɛ kpó wɛ ɖo mǐ nu. Vɔ̌sánú-xwlémawutɔ́ tɔn lɛ́ɛ ɖo fínɛ́ bó ná kwín kpɛn bɔ è nǎ tɔ́n ahwan mi. Izlayɛ́linu e mi, mi ma fun ahwan xá Mawu Mavɔmavɔ, Mawu tɔ́gbó mitɔn lɛ́ɛ tɔn ó, ɖó mi ná mɔ nu tɔn ǎ.”

2 Tan 15:2

é yi Asa gɔ́n, bó ɖɔ n'i ɖɔ: “Axɔ́sú Asa, Judáanu e mi, Bɛnjamɛ́ɛnu e mi, mi bǐ ní ɖótó mì! Nú mi ɖo kpɔ́ xá Mawu Mavɔmavɔ jɛ́n wɛ ɔ́, é lɔ ná ɖo kpɔ́ xá mi. Ényí mi ba Mawu Mavɔmavɔ ɔ́, é ná zé éɖée xlɛ́ mi, mi ka jó e dó ɔ́, é lɔ ná jó mi dó.

2 Tan 20:17

Midɛɛ lɛ́ɛ wɛ xwe ahwan fun xá yě gbé ɖo fínɛ́ ǎ. Judáanu e mi, Jeluzalɛ́munu e mi, mi cí fínɛ́ kpowun, mi ma sɛ tɛn ó, bó ná kpɔ́n lě e un ná hwlɛ́n mi gán gbɔn é. Mi ma ɖi xɛsi ó, ado ní ma hu mi ó. É jɛ sɔ ɔ́, mi ná tɔ́n bó yi kpé yě. Nyɛ Mawu Mavɔmavɔ ká ná nɔ kpɔ́ xá mi.’ ”

2 Tan 32:8

Mɛ e kpó éyɛ́ kpó zɔn lɛ́ɛ ɔ́, gbɛtɔ́ lɛ́ɛ wɛ. Lo ɔ́, Mawu Mavɔmavɔ wɛ nyí mɛ e kpó mǐdɛɛ lɛ́ɛ kpó zɔn é, é wɛ ná gɔ́ alɔ nú mǐ, bó ná fun ahwan ɔ́ nú mǐ.” Xó énɛ́ e Judáa xɔ́sú Ezekiyási ɖɔ ɔ́ dó wǔsyɛ́n lanmɛ nú togun ɔ́.

Nɛɛmíi 4:14

Ényí mi ɖo fí ɖěbǔ bó se kpɛn gbe hǔn, mi sɛ kplé dó wǔ ce, nú Mawu mǐtɔn ná fun ahwan xá kɛntɔ́ mǐtɔn lɛ́ɛ nú mǐ.”

Ɖɛhan 106:24

Yě hu tɛ́ nú to e mɛ gbɛ ɖe é, ɖó yě ɖi nǔ nú xó e Mawu Mavɔmavɔ ɖɔ ɔ́ ǎ.

Ɖɛhan 121:5

Mawu Mavɔmavɔ wɛ nɔ nya xɛ ɖo jǐ we, é wɛ nɔ́ cyɔ́n alɔ jǐ towe, é ɖo akpá towe.

Ɖɛhan 14:4

Mawu Mavɔmavɔ ɖɔ: “Mɛ e nɔ wa nǔ nyanya lɛ́ɛ bǐ jɛ́n ɖo manywɛ́ mɛ a? Yě nɔ́ ɖo togun ce wɔ ɖu wɛ; nǔɖuɖu yětɔn nɛ́. Yě nɔ́ sɛn mì ǎ.”

Ɖɛhan 46:11

Mawu Mavɔmavɔ ɖɔ: “Mi fɔ ahwanfunnú bǐ ɖ'ayǐ! Mi bǐ ní tunwun ɖɔ nyi wɛ nyí Mawu! Un hú gǎn akɔta lɛ́ɛ bǐ. Un hú gǎn nǔ e ɖo ayǐkúngban ɔ́ jí é bǐ.”

Ɖɛhan 46:7

Akɔta lɛ́ɛ ɖo adǎn jí, axɔ́súɖuto lɛ́ɛ ɖo dǐndán wɛ. Mawu ka kɛ nu lě ɔ́, ayǐkúngban ɖésúnɔ nɔ́ sínsín.

Ɖɛhan 46:8

Mawu Mavɔmavɔ Nǔbǐwúkpétɔ́ ɔ́ ɖo kpɔ́ xá mǐ, Mawu Jakɔ́bu tɔn ɔ́ wɛ nyí ahohó mǐtɔn. Agbɔ̌n

Ɖɛhan 74:14

Hwi wɛ gba Levyatáan lɛ́ɛ sín ta hánnyá, bó sɔ́ nú mɛ e ɖo gbětótló mɛ lɛ́ɛ ɖɔ yě ní ɖu.

Ɖɛhan 91:1

Mɛ e hɔn yi su Mawu Ajalɔ̌nlɔn ɔ́ nɔ́ mɔ fí ɖagbe bó nɔ́ gbɔjɛ́ ɖe; é nɔ́ gbɔjɛ́ ɖo Mawu Nǔbǐwúkpétɔ́ ɔ́ sín yɛtɛn.

Tíntɔ́n 14:13

Mɔyízi ka yí gbe nú yě ɖɔ: “Mi ma ɖi xɛsi ó, mi ma hɔn ó, bó ná kpɔ́n lě e Mawu Mavɔmavɔ ná hwlɛ́n mi gán gbɔn égbé din é; Ejípunu e mɔ wɛ mi ɖe din lɛ́ɛ ɔ́, mi sɔ́ ná mɔ yě ɖě gbeɖé ǎ.

Tíntɔ́n 33:16

Đó nú hwi ɖésú kpó mǐ kpó má zɔn ǎ ɔ́, nɛ̌ wɛ è ka ná tunwun ɖɔ a nǎ fɛ́nú towe nyɛ kpó togun towe kpó gbɔn? Nú a ɖo kpɔ́ xá mǐ ɔ́ wɛ ná ɖe xlɛ́ ɖɔ mǐ gbɔn vo nú togun ɖě lɛ́ɛ e ɖo ayǐkúngban jí lɛ́ɛ.”

Ezayíi 1:2

Jǐnukúnsin kpó ayǐkúngban kpó, mi ɖótó mì, mi tɛ́ tó. Mawu Mavɔmavɔ wɛ ɖo xó ɖɔ wɛ: “Un hɛn Izlayɛ́li ví lɛ́ɛ káká bɔ yě su; un kplɔ́n yě. Lo ɔ́, yě fɔ́n gǔ dó jǐ ce.

Ezayíi 32:2

Yě mɛ ɖokpó ɖokpó ná cí fí e è nɔ bɛ yɛ ɖe bó nɔ́ gló jɔhɔn é ɖɔhun; yě ná cí fí e è nɔ bɛ sin ɖe é ɖɔhun, yě ná cí tɔhwín e ɖo ayǐkúngban xúxú jí é ɖɔhun, yě ná cí só ɖaxó ɖé sín yɛtɛn ɖɔhun ɖo to e mɛ hwesivɔ́ nɔ́ hun ɖe ganjí é.

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 41:14

Mawu Mavɔmavɔ ɖɔ: “Izlayɛ́li, togun Jakɔ́bu tɔn, hwi mɛ e ma ɖó gǎn ɖé ǎ dohɔ́nví ɖɔhun é, ma ɖi xɛsi ó. Nyɛ Mawu Mavɔmavɔ ɔ́ ɖésú wɛ ja alɔ gɔ́ nú we gbé. Nyɛ Mɛ Mímɛ́ Izlayɛ́li tɔn wɛ ná hwlɛ́n we gán.

Ezayíi 63:10

Lo ɔ́, yě fɔ́n gǔ dó jǐ tɔn, yě dó awakanmɛ kú nú yɛmímɛ́ tɔn. Bɛ́ sín hwenɛ́nu ɔ́, é húzú kɛntɔ́ yětɔn, bó fun ahwan xá yě.

Jelemíi 1:19

Yě ná tɔ́n ahwan we, yě ká ná kpé wǔ we ǎ, ɖó un ɖo kpɔ́ xá we bó ná hwlɛ́n we gán. Nyɛ Mawu Mavɔmavɔ wɛ ɖɔ mɔ̌ nú we.”

Jelemíi 42:11

Din ɔ́, mi ma sɔ́ ɖi xɛsi ɖěbǔ nú Babilɔ́nu xɔ́sú ɔ́ ó. Nyɛ Mawu Mavɔmavɔ wɛ ɖɔ mɔ̌ nú mi; mi ma ɖi xɛsi n'i ó, ɖó un ɖo kpɔ́ xá mi, un ná hwlɛ́n mi, un ná yí mi sín alɔ tɔn mɛ.

Jelemíi 48:45

Mɛ e ná hɔn lɛ́ɛ ɔ́, nǔ ná ci kɔ nú yě, bɔ yě ná ɖɔ émí ná hwlá cí Hɛcibɔ́ni. Lo ɔ́, myɔ ɖokpó ná wlí ɖo Hɛcibɔ́ni to ɔ́ mɛ, ɖo axɔ́sú Sihɔ́ni sín hɔnmɛ. Zo ɔ́ ná fyɔ́ zǐngídiɖútɔ́ énɛ́ lɛ́ɛ sín to, bɛ́ sín to ɔ́ sín dogbó lɛ́ɛ jí káká wá to ɔ́ tɛ́ntin.

Daniyɛ́li 9:5

Mǐ gba sɛ́n, mǐ hu hwɛ, mǐ jɛ agɔ, mǐ fɔ́n gǔ dó jǐ towe. Mǐ lɛ́ kɔ sín sɛ́n towe lɛ́ɛ kpódó tito towe lɛ́ɛ kpó gúdo.

Daniyɛ́li 9:9

Amɔ̌, hwɛ Aklúnɔ, Mawu mǐtɔn ɔ́, ɖo xomɛnyínyɔ́ towe mɛ ɔ́, mǐ nɔ ɖo gǔ fɔ́n dó jǐ towe wɛ, có a nɔ zé hwɛ mǐtɔn lɛ́ɛ kɛ mǐ.

Kɛ́nsísɔ́ 13:30

Ée yě ɖǒ gbe ɔ́ fó ɔ́, Kalɛ́bu ɖɔ nú mɛ lɛ́ɛ ɖo Mɔyízi nukún mɛ ɖɔ yě ní nɔ abwɛ̌. É ɖɔ nú yě ɖɔ: “Mi wá mǐ yi; mi wá mǐ yi yí to énɛ́; é sixú gló mǐ ǎ.”

Kɛ́nsísɔ́ 17:6

Ée Mawu Mavɔmavɔ ɖɔ xó énɛ́ ɔ́ nú Mɔyízi bɔ ayǐ hɔ́n ɔ́, togun Izlayɛ́li tɔn ɔ́ bǐ jɛ nǔ hlún ɖɔ dó Mɔyízi kpó Aalɔ́ɔn kpó wú jí. Yě ɖɔ nú yě ɖɔ: “Mi hu togun Mawu Mavɔmavɔ tɔn ɔ́.”

Kɛ́nsísɔ́ 20:2

Togun ɔ́ mɔ sin ǎ, bɔ mɛ lɛ́ɛ fɔ́n gǔ dó Mɔyízi kpó Aalɔ́ɔn kpó jí.

Kɛ́nsísɔ́ 24:8

Mawu ɖe Izlayɛ́li ví lɛ́ɛ tɔ́n sín Ejípu. Hlɔ̌nhlɔ́n agbo tɔn wɛ é dó ɖe yě tɔ́n. Yě nɔ́ vúnvún akɔta e nɔ tɔ́n ahwan yě lɛ́ɛ. Yě nɔ́ wɛ́n xú yě, yě nɔ́ da gǎ yě.

Matíe 1:23

“É ɖíe, nyɔ̌nu ɖo alɔjí ná mɔ xo, bó ná ji vǐ súnnu ɖokpó, bɔ è nǎ sun nyǐ i ɖɔ Emanuwɛ́li.” (Nyǐkɔ énɛ́ ɔ́ sín tínmɛ wɛ nyí: “Mawu ɖo kpɔ́ xá mǐ.”)

Hlɔ̌manu 8:31

Đo nǔ énɛ́ lɛ́ɛ bǐ mɛ ɔ́, étɛ́ mǐ ka na lɛ́ ɖɔ? Ényí Mawu ɖo mǐ jí ɔ́, mɛ ɖěbǔ sixú wa nǔ ɖěbǔ nú mǐ ǎ.

Sɛ́nflínmɛ 1:21

Mi kpɔ́n, Mawu Mavɔmavɔ, Mawu mitɔn sɔ́ to élɔ́ dó acɛ mitɔn mɛ. Mi yá wǔ wlí ali bó yí to ɔ́, lě e Mawu Mavɔmavɔ, Mawu tɔ́gbó mitɔn lɛ́ɛ tɔn dó akpá tɔn nú mi gbɔn é. Mi kpan akɔ́n, mi ma ɖi xɛsi ó.”

Sɛ́nflínmɛ 1:26

Lo ɔ́, mi gbɛ́ ɖɔ émí kún ná yi to ɔ́ mɛ ó, mi se tónú nú Mawu Mavɔmavɔ, Mawu mitɔn ǎ.

Sɛ́nflínmɛ 1:29

Un ka ɖɔ nú mi ɖɔ: “Ado ma hu mi ó. Mi ma ɖi xɛsi nú yě ó.

Sɛ́nflínmɛ 31:6

Mi bo kpan akɔ́n, bó dó gǎn! Ado ma hu mi ó, mi ma ɖi xɛsi ɖo nukɔn yětɔn ó. Đó Mawu Mavɔmavɔ, Mawu mitɔn ɖésú ná zɔn xá mi; é ná jó mi dó ǎ, é ná ɖe alɔ sín kan mitɔn mɛ ǎ.”

Sɛ́nflínmɛ 31:8

Mawu Mavɔmavɔ ɖésú ná nɔ nukɔn nú we, é ɖésú ná nɔ kpɔ́ xá we, é ná jó we dó ǎ, é ná ɖe alɔ sín kan towe mɛ ǎ. Ma ɖi xɛsi ó, ado ma hu we ó.”

Sɛ́nflínmɛ 32:42

Gǎ ce lɛ́ɛ ná nu hun. Hwǐ ce ná kán lan hɛn nu. Kɛntɔ́ ce syɛ́nsyɛ́n lɛ́ɛ ɖěbǔ ná gán ǎ; mɛ e è gblě wǔ lɛ́ɛ kpó mɛ e è wlǐ lɛ́ɛ kpó bǐ ná kú.’

Sɛ́nflínmɛ 7:18

Mi ma ɖi xɛsi nú yě ó. Mi flín nǔ e Mawu Mavɔmavɔ, Mawu mitɔn dó sín xá Ejípu xɔ́sú ɔ́ kpó Ejípu togun ɔ́ bǐ kpó é hwebǐnu; mi ma wɔn gbeɖé ó.

Sɛ́nflínmɛ 7:21

Mi ma sísɔ́ ɖo akɔta énɛ́ lɛ́ɛ nukɔn ó: Mawu Mavɔmavɔ, Mawu mitɔn ɖo tɛ́ntin mitɔn; Mawu ɖaxó wɛ, lobo dó xɛsi.

Sɛ́nflínmɛ 9:7

Mɔyízi ɖɔ: “Mi flín lě e mi dó xomɛsin nú Mawu Mavɔmavɔ, Mawu mitɔn gbɔn, ɖo gbětótló mɛ é. Mi ma wɔn gbeɖé ó. Sín gbe e gbe mi tɔ́n sín Ejípu, káká bó wá ɖo fí égbé din ɔ́, mi gɔn gǔ fɔ́n dó Mawu Mavɔmavɔ jí gbeɖé ǎ.

Filípunu 1:27

Nǔ e mi ná wa kpowun ɔ́ wɛ nyí ɖɔ mi ní zán gbɛ mitɔn lě e Wɛn Ɖagbe Klísu tɔn ɔ́ zɔ́n gbɔn é. Énɛ́ wú ɔ́, nú un wá mi gɔ́n oo, abǐ un gɔn mi gɔ́n oo, má se ɖɔ mi syɛ́nlǐn, bó ɖó linlin ɖokpó ɔ́, lobo zé ayixa ɖokpó ɔ́ dó ɖo ahwan fun ɖó kpɔ́ wɛ, nú nǔɖiɖi e Wɛn Ɖagbe ɔ́ nɔ na mɛ é.

Jozuwée 1:5

Đo gbɛzán towe bǐ mɛ ɔ́, mɛ ɖěbǔ ná sixú nɔ te nukɔn towe ǎ, ɖó un ɖo kpɔ́ xá we lě e un nɔ kpɔ́ xá Mɔyízi gbɔn é. Un ná ɖe kɔ sín wǔtu towe gbeɖé ǎ, un ka ná jó we dó gbeɖé ǎ.

Jozuwée 14:12

Hǔn bo ná mì sókan mɛ yíkúngban élɔ́ e sín akpá Mawu Mavɔmavɔ dó nú mì gbe nɛ́ gbe ɔ́, ɖó a se ɖɔ Anáki ví lɛ́ɛ wɛ ɖo fínɛ́, bɔ toxo ɖaxó ɖaxó e è mɛ ahohó lɛ́ lɛ̌ dó lɛ́ɛ ɖo fínɛ́. Nú Mawu Mavɔmavɔ kó sixú ɖo kpɔ́ xá mì kpowun ɔ́, un ná yí to ɔ́ sín yě sí, lě e Mawu Mavɔmavɔ ɖɔ gbɔn é.”

Hwɛɖɔtɔ́ 1:22

Xwédo Jozɛ́fu tɔn ɔ́ lɔmɔ̌ tɔ́n ahwan mɛ e ɖo Betɛ́li lɛ́ɛ, bɔ Mawu Mavɔmavɔ nɔ kpɔ́ xá Jozɛ́fu xwédo ɔ́.