Kɛ́nsísɔ́ 14:43 - MAWUXÓWÉMA

⁴³ Đó Amalɛ́ki ví lɛ́ɛ kpódó Kanáanu lɛ́ɛ kpó ɖo fínɛ́, ɖo nukɔn mitɔn; mi ná cí ahwan, ɖó mi ko lɛ́ kɔ sín Mawu Mavɔmavɔ gúdo. Mawu Mavɔmavɔ sɔ́ ná nɔ kpɔ́ xá mi ǎ.”

Kɛ́nsísɔ́ 14:43 Iomraidhean Croise

1 Tan 28:9

Vǐ ce Salomɔ́ɔ, hwɛ ɔ́, a ɖǒ ná tunwun Mawu nyɛ tɔ́ towe tɔn, lobo sɛn é ɖokpónɔ géé, kpódó ayixa towe bǐ kpó. Đó Mawu Mavɔmavɔ nɔ́ mɔ nukúnnú jɛ ayixa lɛ́ɛ bǐ mɛ, é tunwun nǔ e lin wɛ è ɖe lɛ́ɛ bǐ. Ényí a ba ɛ ɔ́, é ná jó éɖée dó bɔ a nǎ mɔ ɛ. Lo ɔ́ ényí a jǒ e dó ɔ́, é ná jó we dó bǐ gbídígbídí.

2 Tan 15:2

é yi Asa gɔ́n, bó ɖɔ n'i ɖɔ: “Axɔ́sú Asa, Judáanu e mi, Bɛnjamɛ́ɛnu e mi, mi bǐ ní ɖótó mì! Nú mi ɖo kpɔ́ xá Mawu Mavɔmavɔ jɛ́n wɛ ɔ́, é lɔ ná ɖo kpɔ́ xá mi. Ényí mi ba Mawu Mavɔmavɔ ɔ́, é ná zé éɖée xlɛ́ mi, mi ka jó e dó ɔ́, é lɔ ná jó mi dó.

Ɖɛhan 44:10

É ká ɖo mɔ̌ có, a jǒ mǐ dó, a dǒ winnyá mǐ, ahwangɔnu mǐtɔn lɛ́ɛ xwe ahwangbénu ɔ́, a sɔ́ nɔ́ kplá yě yi ǎ.

Ezayíi 63:10

Lo ɔ́, yě fɔ́n gǔ dó jǐ tɔn, yě dó awakanmɛ kú nú yɛmímɛ́ tɔn. Bɛ́ sín hwenɛ́nu ɔ́, é húzú kɛntɔ́ yětɔn, bó fun ahwan xá yě.

Ozée 9:12

Yě ná bó tɛ́nkpɔ́n bó tɔ́jú vǐ yětɔn lɛ́ɛ ɔ́, yě ná su có nú un ná yí yě sín akɔn yětɔn ǎ. Un wá jó yě dó hweɖénu hǔn, heelú yě.

Levíi ví 26:17

Un ná húzú kpan nukɔn mi, bɔ kɛntɔ́ mitɔn lɛ́ɛ ná ɖu ɖo mi jí. Mɛ e gbɛ́ wǎn nú mi lɛ́ɛ ná kpa acɛ nú mi, bɔ mɛ ɖěbǔ ná bó ma ɖo nyinya mi wɛ ǎ ɔ́, mi ná nɔ́ ɖo hinhɔn wɛ.

Kɛ́nsísɔ́ 13:29

Amalɛ́ki ví lɛ́ɛ ɖo to ɔ́ sín afɔligbé; Hitíti lɛ́ɛ, Jebuzinu lɛ́ɛ, kpódó Amɔliti ví lɛ́ɛ kpó ɖo sókan mɛ, bɔ Kanáanu lɛ́ɛ ɖo xu ɔ́ kpódó Judɛ́ɛn tɔ ɔ́ kpó kpá.”

Kɛ́nsísɔ́ 14:25

Amalɛ́ki ví lɛ́ɛ kpódó Kanáanu lɛ́ɛ kpó ɔ́, tɔdo e ɖo gbě énɛ́ ɔ́ jí ɔ́ mɛ wɛ yě ɖe din. Sɔ su hǔn, mi lɛ́ kɔ gbɔn gbětótló mɛ, ɖo Xu Vɔvɔ ɔ́ sín awa jí.”

Kɛ́nsísɔ́ 14:42

ɖó Mawu Mavɔmavɔ sɔ́ ɖo kpɔ́ xá mi ǎ; mi ma sɔ́ miɖée yi jó nú kɛntɔ́ ó.

Kɛ́nsísɔ́ 14:44

Mɔyízi ɖɔ mɔ̌ nú Izlayɛ́li ví lɛ́ɛ có yě xwe nǔ, bó ɖidó sókan ɔ́ mɛ; Mɔyízi kpó akɔjijɛgbá ɔ́ kpó ká sɛ tɛn sín fí e yě ɖó gɔnu ɖó ɔ́ ǎ.

Sɛ́nflínmɛ 28:25

Mawu Mavɔmavɔ ná jó kɛntɔ́ dó bɔ kɛntɔ́ ná ɖu ɖo mi jí. Nú ali ɖokpó wɛ mi gbɔn bó yi tɔ́n ahwan kɛntɔ́ ɔ́, ali tɛ́nwe wɛ mi ná hɔn gbɔn ɖo nukɔn tɔn, bɔ axɔ́súɖuto e ɖo gbɛ ɔ́ mɛ é ɖěbǔ mɔ nǔ e gbo mi ɔ́, xɛsi ná jɛ jǐ tɔn.

Jozuwée 22:15

Yě yi Hwlibɛ́ni kpó Gadi kpó sín akɔta lɛ́ɛ gɔ́n, bó yi akɔta vlɔ́ Manasée tɔn ɔ́ gɔ́n, ɖo Galadi, bo ɖɔ nú yě ɖɔ:

Jozuwée 7:12

Ée yě wa nǔ gbɔn mɔ̌ ɔ́, yě sɔ́ sixú nɔ te ɖo kɛntɔ́ yětɔn lɛ́ɛ nukɔn ǎ. Hɔn jɛ́n wɛ yě ná nɔ́ hɔn ɖo kɛntɔ́ nukɔn, ɖó yě ɖésúnɔ ɔ́, nǔ dindɔn wɛ yě kó nyí; è nǎ sú kún yětɔn dó. Mi Izlayɛ́li ví lɛ́ɛ ɔ́, dɔkun e un gbɛ́ ɖɔ mi ma bɛ́ ó bɔ mi bɛ́ lɛ́ɛ ɔ́, ényí mi ma hɛn gblé ǎ ɔ́, un sɔ́ sixú nɔ jǐ mitɔn ǎ.

Hwɛɖɔtɔ́ 16:20

Énɛ́ ɔ́, Dalila sú xó, bó ɖɔ: “Sanmusɔ́ɔn, Filisitɛ́ɛn lɛ́ɛ wá ahwan tɔ́n we gbé.” Sanmusɔ́ɔn ka fɔ́n sín amlɔ mɛ, bó vɛdó ɖɔ émí ná gló yě, bó ná gán ɖ'é mɛ lě e émí nɔ́ kó bló gbɔn ɔ́ wɛ sín; ɖó é tunwun ɖɔ Mawu Mavɔmavɔ ko ɖe alɔ sín kan émítɔn mɛ ǎ.