Kɛ́nsísɔ́ 14:42 - MAWUXÓWÉMA

⁴² ɖó Mawu Mavɔmavɔ sɔ́ ɖo kpɔ́ xá mi ǎ; mi ma sɔ́ miɖée yi jó nú kɛntɔ́ ó.

Kɛ́nsísɔ́ 14:42 Iomraidhean Croise

2 Tan 15:2

é yi Asa gɔ́n, bó ɖɔ n'i ɖɔ: “Axɔ́sú Asa, Judáanu e mi, Bɛnjamɛ́ɛnu e mi, mi bǐ ní ɖótó mì! Nú mi ɖo kpɔ́ xá Mawu Mavɔmavɔ jɛ́n wɛ ɔ́, é lɔ ná ɖo kpɔ́ xá mi. Ényí mi ba Mawu Mavɔmavɔ ɔ́, é ná zé éɖée xlɛ́ mi, mi ka jó e dó ɔ́, é lɔ ná jó mi dó.

Ɖɛhan 89:43

A nǎ ɖuɖéjí mɛ e ma ɖo jǐ tɔn ǎ lɛ́ɛ, a dǒ xomɛhunhun nú kɛntɔ́ tɔn lɛ́ɛ bǐ.

Kɛ́nsísɔ́ 14:43

Đó Amalɛ́ki ví lɛ́ɛ kpódó Kanáanu lɛ́ɛ kpó ɖo fínɛ́, ɖo nukɔn mitɔn; mi ná cí ahwan, ɖó mi ko lɛ́ kɔ sín Mawu Mavɔmavɔ gúdo. Mawu Mavɔmavɔ sɔ́ ná nɔ kpɔ́ xá mi ǎ.”

Sɛ́nflínmɛ 1:42

Mawu Mavɔmavɔ ka ɖɔ nú mì ɖɔ: “Đɔ nú yě ɖɔ yě má yi ahwan fun gbé ó, ɖó un ɖo kpɔ́ xá yě ǎ. Yě má sɔ́ yěɖée yi jó, bónú kɛntɔ́ yětɔn lɛ́ɛ hu yě ó.”

Sɛ́nflínmɛ 31:17

Gbe nɛ́ gbe su ɔ́, un ná sin xomɛ dó yě titewungbe. Un ná jó yě dó, un ná ɖe kɔ dó yě. Gbɛ yětɔn ná gblé, azɔn kpó nǔxámɛ kpó ná vun blá yě gbɔn ɖisí amyɔ, bɔ yě ná nɔ́ ɖɔ: ‘Mawu mǐtɔn ka sɔ́ ɖo mǐ tɛ́ntin ǎ wɛ zɔ́n bɔ nǔ élɔ́ lɛ́ɛ ɖo mǐ xá wɛ a?’

Jozuwée 7:12

Ée yě wa nǔ gbɔn mɔ̌ ɔ́, yě sɔ́ sixú nɔ te ɖo kɛntɔ́ yětɔn lɛ́ɛ nukɔn ǎ. Hɔn jɛ́n wɛ yě ná nɔ́ hɔn ɖo kɛntɔ́ nukɔn, ɖó yě ɖésúnɔ ɔ́, nǔ dindɔn wɛ yě kó nyí; è nǎ sú kún yětɔn dó. Mi Izlayɛ́li ví lɛ́ɛ ɔ́, dɔkun e un gbɛ́ ɖɔ mi ma bɛ́ ó bɔ mi bɛ́ lɛ́ɛ ɔ́, ényí mi ma hɛn gblé ǎ ɔ́, un sɔ́ sixú nɔ jǐ mitɔn ǎ.

Jozuwée 7:8

Aklúnɔ, din e Izlayɛ́li ví lɛ́ɛ hɔn ɖo kɛntɔ́ nukɔn ɔ́, nu tɛ́ un sixú kɛ?

Hwɛɖɔtɔ́ 16:20

Énɛ́ ɔ́, Dalila sú xó, bó ɖɔ: “Sanmusɔ́ɔn, Filisitɛ́ɛn lɛ́ɛ wá ahwan tɔ́n we gbé.” Sanmusɔ́ɔn ka fɔ́n sín amlɔ mɛ, bó vɛdó ɖɔ émí ná gló yě, bó ná gán ɖ'é mɛ lě e émí nɔ́ kó bló gbɔn ɔ́ wɛ sín; ɖó é tunwun ɖɔ Mawu Mavɔmavɔ ko ɖe alɔ sín kan émítɔn mɛ ǎ.