Kɛ́nsísɔ́ 14:41 - MAWUXÓWÉMA

⁴¹ Mɔyízi ka ɖɔ nú yě ɖɔ: “Étɛ́ mi ná yi wa ɖo dɔ̌n? Mi gba Mawu Mavɔmavɔ sín sɛ́n; mi yi ɔ́, é ná kpa mi ǎ,

Kɛ́nsísɔ́ 14:41 Iomraidhean Croise

2 Tan 24:20

Ée mɛɖé má ɖótó yě ǎ ɔ́, Yɛ Mawu tɔn wá Zekaliya vɔ̌sánú-xwlémawutɔ́ Yexoyada ví ɔ́ jí, bɔ é nɔ te togun ɔ́ nukɔn, bó ɖɔ: “Mi ɖótó xó e ɖɔ nú mi wɛ Mawu ɖe é; é ɖɔ: ‘Étɛ́wú wɛ mi nɔ gba sɛ́n ce lɛ́ɛ? Nǔɖé sɔ́ ná nyɔ́ nú mi ǎ. Mi jó nyɛ Mawu Mavɔmavɔ dó, nyi lɔmɔ̌ ná jó mi dó.’ ”

Jɔ̌bu 4:9

Yě mɛ énɛ́ lɛ́ɛ ɔ́, Mawu nɔ́ zé fúnfún tɔn dó za yě; Jɔhɔn e nɔ gosín awɔntín tɔn mɛ ɔ́ nɔ́ sú kún yětɔn dó.

Jelemíi 2:37

Mi ná ɖu winnyá, mi ná cyɔ́n alɔ nukún mɛ bó ná lɛ́ kɔ wá xwé. Nǔgbó ɔ́, nyɛ Mawu Mavɔmavɔ ɔ́, un gbɛ́ wǎn nú mɛ e wú mi ɖeji dó lɛ́ɛ. Mi ná mɔ nǔɖé nu ɖo yě gɔ́n ǎ.”

Jelemíi 32:5

Axɔ́sú Babilɔ́nu tɔn ná kplá Sedesíyasi yi Babilɔ́nu, bɔ é ná nɔ fínɛ́ káká jɛ hwenu e un ná flín i dó é. Ényí mi fun ahwan xá Babilɔ́nunu lɛ́ɛ ɔ́, é ná kpa mi gbeɖé kpɔ́n ǎ. Xó e nyɛ Mawu Mavɔmavɔ ɖɔ é nɛ́.’ ”

Kɛ́nsísɔ́ 14:25

Amalɛ́ki ví lɛ́ɛ kpódó Kanáanu lɛ́ɛ kpó ɔ́, tɔdo e ɖo gbě énɛ́ ɔ́ jí ɔ́ mɛ wɛ yě ɖe din. Sɔ su hǔn, mi lɛ́ kɔ gbɔn gbětótló mɛ, ɖo Xu Vɔvɔ ɔ́ sín awa jí.”

Sɛ́nflínmɛ 1:42

Mawu Mavɔmavɔ ka ɖɔ nú mì ɖɔ: “Đɔ nú yě ɖɔ yě má yi ahwan fun gbé ó, ɖó un ɖo kpɔ́ xá yě ǎ. Yě má sɔ́ yěɖée yi jó, bónú kɛntɔ́ yětɔn lɛ́ɛ hu yě ó.”

1 Samuwɛ́li 15:19

Étɛ́wú a ma ka bló nǔ e Mawu Mavɔmavɔ zɔn we ɔ́ ǎ? Étɛ́wú a ka zɔn dɔkun e a mɔ ɖo dɔ̌n lɛ́ɛ jí, bó bɛ́? Nǔ énɛ́ nyɔ́ Mawu Mavɔmavɔ nukún mɛ ǎ.”